Broun beysbol oyununu necə gördü
| Broun beysbol oyununu necə gördü | |
|---|---|
| ing. How Brown Saw the Baseball Game | |
 | |
| Janr | səssiz film, komediya filmi[1] |
| İlk baxış tarixi | 1907 |
| Ölkə | |
| Rəng | ağ-qara[d] |
| IMDb | ID1937186 |
 Vikianbarda əlaqəli mediafayllar | |
Broun beysbol oyununu necə gördü (ing. How Brown Saw the Baseball Game) 1907-ci ildə istehsal edilmiş və Lubin İstehsalat Şirkəti tərəfindən yayılmış Amerika qısametrajlı səssiz komediya filmidir. Film, beysbol oyunundan əvvəl həddindən artıq içki qəbul edən və oyun ona əksinə hərəkət edirmiş kimi görünəcək qədər sərxoş olan Broun adlı bir beysbol azarkeşindən bəhs edir. İstehsal zamanı bu görüntünü əldə etmək üçün xüsusi effektdən istifadə edilmişdir. Film 1907-ci ilin noyabrında yayımlandı. The Courier-Journal-ın 1908-ci il sayında müsbət rəy aldı və filmin uğurlu və "həqiqətən gülməli" olduğunu bildirildi. 2024-cü ilə qədər filmin lentinin salamat qalıb-qalmadığı bəlli deyil. Filmin aktyor və prodüser heyətinin kimliyi məlum deyil.[2] Kino tarixçiləri Broun Beysbol Oyununu Necə Gördü və Ofis Oğlanı Top oyununu Necə Gördü (ing. How the Office Boy Saw the Ball Game) filmlərinin süjeti arasında oxşarlıqları qeyd etdirlər. Bu, Edvin S. Porterin rejissorluq etdiyi komediya filmi və bir il əvvəl ekranlara çıxıb.
Süjet
[redaktə | vikimətni redaktə et]İdman həvəskarı Broun yaxınlıqdakı meydançada beysbol oyununa getməzdən əvvəl bir neçə yüksək dərəcəli kokteyl içir. O, oyuna baxmaq üçün meydançaya gəlir, lakin o qədər sərxoş olub ki, oyun ona tərs görünür, oyunçular bazalara geriyə doğru qaçır və top pitçerin əlinə doğru uçur. Oyun bitdikdən sonra dostlarından biri Brounu evə aparır. Onlar Brounun evinə çatdıqda, dostuna qəzəblənən arvadı ilə qarşılaşırlar və ərinin şiddətli sərxoşluğuna görə dostunun məsuliyyət daşıdığını düşünərək qadın ona fiziki hücum edir.[3]
İstehsal
[redaktə | vikimətni redaktə et]Broun beysbol oyununu necə gördü alman-amerikan film pioneri Siegmund Lubin tərəfindən qurulan Lubin Manufacturing Company tərəfindən istehsal edilmişdir.[4] Həmin vaxt şirkət həftədə üçə qədər film yaradır və yayımlayırdı.[5] Bu, ağ və qara rəngdə çəkilmiş səssiz filmdir[2] və tam film 350 fut (110 m) uzunluğunda lentdən ibarətdir.[2][6][7] Siegmund Lubin 26 oktyabr 1907-ci ildə Cons Beysbol Oyununu necə gördü? başlıqlı filmə müəlliflik hüququ əldə edib.[6][8]
Yayımlanması
[redaktə | vikimətni redaktə et]Broun beysbol oyununu necə gördü 16 noyabr 1907-ci ildə Lubin Manufacturing Company tərəfindən kinoteatrlara buraxıldı və 1910-cu ilin yanvarında hələ də nümayiş olunurdu.[6][9] Bu müddət ərzində film bəzən 1907-ci ildə çəkilmiş Borc Verən Qonşular bədii filminin bir hissəsi kimi təqdim olunurdu. Bu qısametrajlı komediya filmi, arvadı evə qayıdana qədər sahib olduğu hər şeyi qonşularına borc verən adam haqqında idi.[10][11] Filmin reklamları onu "elə gülməli" kimi təqdim edirdi.[12][13] The Courier-Journal-ın 1908-ci ilin iyun sayında filmi "həqiqətən gülməli" kimi təsvir edən və "əsl hit" olduğunu sübut edən müsbət rəy aldı.[14]
Müasir yazılarda tez-tez belə bir fikir irəli sürülür ki, Broun beysbol oyununu necə gördü 1906-cı ildə Edison Studios tərəfindən buraxılmış "Ofis oğlanı top oyununu necə gördü" komediyasına Lubin İstehsalat Şirkətinin alternativi kimi istehsal edilmişdir. O film beysbol oyununa baxmaq üçün işdən gizlicə çıxan amma oyun vaxtı müdiri yan oturacaqda tapan işçi haqqında idi. Lubin Manufacturing Company digər studiyalar tərəfindən çəkilən rəqabətli kinofilmlərə bənzər filmlər yaratmaqla tanınırdı. Lubin əvvəllər Edison Studios-un relizləri olan Tom Uncle's Cabin və The Great Train Robbery filmlərinə bənzəyən filmlər yaratmışdı.[5][7][15]
2021-ci ilin fevral ayına olan məlumata görə, Broun Beysbol Oyununu necə gördü çox güman ki, itmiş filmə çevrilib. Yenidən kəşf olunarsa, film ictimaiyyətə açıq olacaq.[2]
İstinadlar
[redaktə | vikimətni redaktə et]- ↑ IMDb (ing.). 1990.
- ↑ 1 2 3 4 "How Brown Saw the Baseball Game". Silent Era. 19 mart 2019 tarixində arxivləşdirilib. İstifadə tarixi: 13 noyabr 2013.
- ↑ Erickson, 1992. səh. 324; "How Brown Saw the Baseball Game". American Film Institute. 3 dekabr 2013 tarixində orijinalından arxivləşdirilib. İstifadə tarixi: 5 aprel 2021.
- ↑ "How Brown Saw the Baseball Game". British Film Institute. 3 dekabr 2013 tarixində orijinalından arxivləşdirilib. İstifadə tarixi: 13 noyabr 2013.
- ↑ 1 2 Seiler, Seiler, 2013. səh. 34
- ↑ 1 2 3 "How Brown Saw the Baseball Game". American Film Institute. 3 dekabr 2013 tarixində orijinalından arxivləşdirilib. İstifadə tarixi: 13 noyabr 2013.
- ↑ 1 2 Elderman, Rob. "The Baseball Film to 1920". Base Ball. 1 (1). Spring 2007: 24.
- ↑ Erickson, 2016. səh. 482
- ↑ "Superior life motion pictures". Moberly Daily Monitor. 31 yanvar 1910. səh. 3. 1 noyabr 2021 tarixində arxivləşdirilib. İstifadə tarixi: 18 noyabr 2024 – NewspaperArchive vasitəsilə.
- ↑ "Berlin Electrical Theater". Ocala Evening Star. 13 avqust 1908. səh. 3a. 3 dekabr 2013 tarixində arxivləşdirilib. İstifadə tarixi: 29 noyabr 2013.
- ↑ "Neighbors Who Borrow". Billboard. 19 cild. 14 dekabr 1907. səh. 21.
- ↑ Erickson, Hal. Baseball in the movies: a comprehensive reference, 1915–1991. McFarland & Company. 1 avqust 1992. ISBN 978-0-89950-657-9. 27 aprel 2016 tarixində arxivləşdirilib. İstifadə tarixi: 2 avqust 2015.
- ↑ "How Brown Saw the Baseball Game". Billboard. 19 cild. 14 dekabr 1907. səh. 21.
- ↑ "Motion picture shows". The Courier-Journal. Louisville, Kentucky. 8 iyun 1908. səh. 10. 1 noyabr 2021 tarixində arxivləşdirilib. İstifadə tarixi: 18 noyabr 2024 – Newspapers.com vasitəsilə.
- ↑ Spears, 1971. səh. 258