Buğra Atsız

Vikipediya, açıq ensiklopediya
Jump to navigation Jump to search
Picto infobox ancient Egypt.png
Buğra Atsız
türk. Buğra Atsız
Fotoqrafiya
Doğum tarixi
14 iyul 1946 (1946-07-14) (72 yaş)
Doğum yeri İstanbul, Türkiyə Respublikası
Vətəndaşlıq Türkiyə Respublikası
Kanada
Milliyyəti Türk
Elm sahəsi Türkologiya
Elmi dərəcəsi Elmlər doktoru
AtasıNihal Atsız
AnasıBədriyyə Atsız

Buğra Atsız (14 iyul 1946, Kadıköy, İstanbul) - türk tarixçiyazıçıdır. Hüseyn Nihal Atsız və Bədriyə Atsızın kiçik oğlu, Nejdət Sançarın qardaşı oğlu, Yağmur Atsızın qardaşıdır. TürkçüTurançı düşüncələri ilə məşhurdur.[1][2][3]

Həyatı[redaktə | əsas redaktə]

1946-cı ilin 14 iyulunda İstanbul şəhərində anadan olmuşdur.[4]

Uzun illər Almaniyada yaşamışdır, hal-hazırda Kanada yaşayır.

Təhsili[redaktə | əsas redaktə]

İstanbulda yerləşən Avstriya liseyində təhsil almışdır. Bundan sonra ali təhsil almaq üçün Almaniyaya getmiş və orada Türkologiya üzrə təhsil almışdır. Doktarantura təhsilini də burada tamamlayan Buğra Atsızın araşdırma mövzusu Osmanlı sultanlarından IV Murad olmuşdur.

Ailəsi[redaktə | əsas redaktə]

Hüseyn Nihal Atsızla Bədriyyə Atsızın ailəsində anadan olmuşdur. Yağmur Atsızın kiçik qardaşı, Nejdət Sançarın qardaşı oğludur. 2 övladı vardır: Çiftçioğlu Aydolu Atsız, Maya Atsız.[5] Bir nəvəsi vardır.

Fəaliyyəti[redaktə | əsas redaktə]

1997-1998-ci illərdə Çanaqqala On Səkkiz Mart Universitetində işləmişdir. Hüquqşünas Hənifi Altaşın nəşr etdirdiyi Yeni Həyat jurnalı və Ünal Yaltırıqın nəşr etdirdiyi Maya jurnalında məqalələri yayımlanmışdır.

Elmi fəaliyyətlə məşğuldur. Türkologiya sahəsində bir necə elmi əsərlər yazmışdır:[2]

  • Buğra Atsız, "Mülhimenâme." Islamkundliche Abhandlungen, Beitraege zur Kenntnis Suedosteuropas und des Nahen Orients, Band XVII, Dr. R. Trofenik, Münhen, 1974.
  • Buğra Atsız, Das Osmanische Reich um die Mitte des 17. Jahrhunderts : nach den Chroniken des Vecihi (1637-1660) und des Mehmed Halifa (1633-1660), Münhen, 1977

Türkçü düşüncələri[redaktə | əsas redaktə]

Atası Nihal Atsız türk millətçiliyinin çox məşhur ideoloqlarından biri olmuşdur. Buğra Atsız böyük qardaşı Yağmur Atsızın əksinə olaraq atası kimi TürkçüTurançıdır. Buğra Atsız, həmçinin Atatürkçülüyə güclü bağlılığı ilə tanınır. Mətbuatda və məqalələrində tez-tez bu barədə çıxışlar edir.[6]

2017-ci ildəki Türkçülük günü ilə bağlı Nihal Atsızın məzarı başında oxunması üçün göndərdiyi məktubu:[7]

" Bu gün adını dəyişdirib sulandırmağa, özlərini bir şey edən insanlara üz verməyin. Son illərdə türkçü gənclərin birləşməyə çalışdıqlarına uzaqdan da olsa şahid olmaqdayam. Bu sevindirici hadisəyə mənəvi dəstəyim, əgər bir şey ifadə edirsə, sonsuzdur. Artıq nə yazıq ki, aramızda olmayanların buraxdığı bayrağı daha da irəli daşımaq vəzifəsi asan deyil. Sağdan soldan törəyən, mane olmağa çalışan çox olacaqdır. Fikir verməyin ! Doğru bilinən yolda getməklə hədəfə çatılır.

O hədəf Turandır. Hamınızı ayrı-ayrı qucaqlayıram. 3 may hamınıza qutlu olsun !

"

Həmçinin bax[redaktə | əsas redaktə]

İstinadlar[redaktə | əsas redaktə]