Bu gün (qəzet)

Vikipediya, azad ensiklopediya
Jump to navigation Jump to search
"Bu gün" (qəzet)
Növ gündəlik ictimai-siyasi qəzet
Təsisçi(lər) Nəsib, Əlövsət, Nizami, Siyasət İsmayılovlar
Yazıçılar Şeyda Nəsibli, Elman Maliyev, Etibar Cəbrayıloğlu, Seymur Verdizadə
Yaranma tarixi 1997-ci il
Dil Azərbaycan dili
Nəşrini dayandırıb 2001-ci il
Yenidən təsis olunub 2003-cü il
Ölkə Azərbaycan Azərbaycan

"Bu gün" (qəzet) — gündəlik ictimai-siyasi qəzet[1]

Tarixi[redaktə | əsas redaktə]

Əsası 1997-ci ildə Nəsib İsmayılov və üç qardaşı - Əlövsət, Nizami və Siyasət İsmayılovlar tərəfindən qoyulub. Həmin ilin 21 mayinda ilk say 4 səhifədə, cəmi 2 min tirajla çıxıb.

Qəzetin ilk 4 sayı cəmi baş redaktor Nəsib İsmayılov və iki əməkdaş tərəfindən hazırlanıb – Şeyda NəsibliElman Maliyev. Sonrakı aylarda qəzet sürətlə inkişaf edərək həm dövriliyini, həm səhifə sayını, həm də tirajını artırıb və 1998–ci ildən etibarən gündəlik olaraq 16 – 32 səhidədə 35 – 40 min tirajala çap olunub.

1999–cu ildə qəzet Türkiyənin Milliyet qəzetindən aldığı 10 seksiyalı çap maşını ilə öz mətbəəsini qurub. Ən güclü vaxtlarında əlavələri ilə birlikdə (“Əyləncə”, “Asudə vaxt”, “Avtoritet, “Qorxulu qəzet”, “Şou-xəbər”) toplam həftəlik tirajı 500.000 nüsxənin üzərində olub.

2001–ci ildə qəzet fəaliyyətini dayandırıb, 2003-cü ildə qısa müddətə fəaliyyətini bərpa etsə də, yenidən dayanıb. 20132014–cü illərdə qəzetin elektron versiyası – bugun az saytı fəaliyyət göstərib.

Yazarları[redaktə | əsas redaktə]

Bir çox tanınmış jurnalistin peşəkar karyerası “Bu gün” də başlayıb – Etibar Cəbrayıloğlu, Seymur Verdizadə, Nadir Azəri, Müşfiq Ələsgərli, Vüsalə Mahirqızı, Rəvan Soltanov, Əfqan Qafarlı. Zaur İbrahimli, Eldəniz Bədəlov, Araz Zeynalov, Ənvər Ağazadə, Anar Məmmədli, Vüqar Zifəroğlu, Taleh Şahməmmədli, Elnarə Dərziyeva, Mənsurə Səttarova, Sahibə Gəncəli, Mirvari Kamilqızı, Sevinc, Akifqızı və başqa jurnalistlər əməkdaşlıq ediblər.

Bundan savayı, müxtəlif vaxtlrda bir sıra artıq tanınmış jurnalistlərin və publisistlərin də yolları bu qəzetlə kəsişib – Tofiq Qasımov (sabiq Xarici İşlər naziri), Zərdüşt Əlizadə, Mehdi Bəyazid, İlqar Əlfioğlu, Əziz Rzabəyli, Rauf Mirqədirov, Azər Rəşidoğlu, Qurban Yaquboğlu, , Esmira Cavadova, Vüsalə Rafiqqızı və digərləri.

İstinadlar[redaktə | əsas redaktə]

  1. "Tanınmış qəzetlər" (azərb.). modern.az. 2020-03-01 tarixində orijinalından arxivləşdirilib. İstifadə tarixi: 2020-03-01.