Bu qadın (mahnı)

Vikipediya, azad ensiklopediya
Jump to navigation Jump to search
sinql
Bu qadın
İfaçı Aygün Kazımova
Yayımlanıb 26 yanvar 2021
Janr pop
Dil azərbaycanca
Müddəti 03:38
Bəstəkar MC Murad
Sözlərin müəllifi MC Murad
Prodüser Aygün Kazımova
Aygün Kazımova mahnılarının xronologiyası
"Yarımdı O"
(2021)
"Bu qadın"
(Bu Qadın)

Bu qadın[1] — azərbaycanlı müğənni Aygün Kazımovanın mahnısıdır. "Aygun Music" tərəfindən hazırlanan mahnının sözləri və musiqisi MC Murada aiddir. Aygün Kazımova mahnını 26 yanvar 2021-ci ildə öz 50-ci doğum günündə təqdim etmişdir.[2][3]

Arxa fon və yazılması[redaktə | əsas redaktə]

Aygün Kazımova 22 avqust 2020-ci ildə "Tovuz döyüşləri" zamanı şəhid olmuş hərbiçilərimizə ithafən "Əsgər marşı" adlı mahnısını təqdim etmişdir.[4] Aygün Kazımova İkinci Qarabağ Müharibəsinin Azərbaycanın qələbəsi ilə bitməsi və torpaqlarımızın işğaldan azad olunması müsabətilə əsgərlərimizin simasında Ali Baş Komandan İlham Əliyevin doğum gününə özəl olaraq "Vətən oğlu" sinqlını təqdim etmişdir.[5][6] "Bu qadın" layihəsi də "Vətən Müharibəsi" zamanı şəhidlərinə həsr olunmuşdur. Layihə şəhidlik zirvəsinə ucalmış sevgilisinə qovuşmayan xanımlara həsr edilmişdir.

Aygün Kazımovanın 2018-ci ildə təqdim etdiyi "Duy" adlı albomundakı "Duy" və "Toy boy" mahnılarının sözlərinin müəllifi olan MC Muradla bu layihədə də əməkdaşlıq etmişdir.[7] Mahnının söz və musiqisi MC Murada aiddir. Aygün Kazımova mahnının aranjimanını daha öncə "S.U.S." və "Vətən oğlu" layihələrində çalışdığı gürcüstanlı musiqiçi Aliko Berdzanişviliyə, mahnının lentə yazılmasını isə türkiyəli bəstəkar Hakan Erola həvalə etmişdir. Aygün Kazımova 2020-ci ildə "SS production" ilə əməkdaşlığına son qoymuş və "SS production" ilə son layihəsi olan "Paramparça (Akustik)" sinqlını təqdim etimşdir. Daha sonra pop-diva ləqəbli ifaçı "HN media group"la "Əsgər marşı" layihəsini və son olaraq, "AK Ekibi" ilə "Vətən oğlu", "Yarımdı O" və "Bu qadın" sinqllarını təqdim etmişdir.

Hər il ənənəvi olaraq, öz doğum günündə yeni layihə təqdim edən Aygün Kazımova bu dəfə də ənənəsinə sadiq qalaraq, "Bu qadın" sinqlını təqdim etmişdir.[8]

“Doğum günümdə təqdim etdiyim yeni layihəmi gözü yolda qalan, sevdiklərini, əzizlərini itirən, sevgilisinə qovuşmayan qadınlarımıza həsr edirəm.“Bu qadın” tək deyil: mən, sən, o, biz - hamımız həmin qadınların dərd ortağıyıq. Doğum günümdə də bütün duyğularımı onlarla bərabər yaşayıram.”[9]

Aygün Kazımovanın "Instagram" sosial şəbəkəsində klip haqqındakı fikirləri (26 yanvar 2021-ci il)

Klip haqqında[redaktə | əsas redaktə]

Klipi türkiyəli rejissor Səlim Akar İstanbulda lentə almışdır. Klip 18 saatdan artıq davam etmiş və klip çəkilişlərində 30 nəfərlik çəkiliş qrupu iştirak etmişdir. Klip İstanbuldakı "Ümraniye Platoları" adlı çəkiliş meydanında çəkilmişdir. Açıq hava çəkilişləri qar yağışının altında 8 saat davam etmişdir.[10] Aygün Kazımova klipdə Türkiyənin ən məşhur gəlinlik brendlərindən olan "Alisse nuerA" və azərbaycanlı modelyer-dizayner Rüfət İsmayılın sahibi olduğu "AFFFAIR" brendinin geyimlərindən istifadə etmişdir. Klipdə türkiyəli aktyor Berfun Beşel və aktrisa Ayşegül Çakmak rol almışdır. Klipdə əsgər sevgilisinə qovuşmayan xanımın həyat hekayəsindən bəhs edilir.[11][12]

Sinql üzərində çalışanlar[redaktə | əsas redaktə]

  • Söz: MC Murad
  • Musiqi: MC Murad
  • Aranjiman: Aliko Berdzanişvili (Bravo Records)
  • Gitar: David Londaridze
  • Recording: Hakan Erol
  • Rejissor: Selim Akar
  • İmic & Stil : Rüfət İsmayıl
  • Operator: Eren Yıldız
  • İkici rejissor: Derya Çapacı Yıldız
  • Redaktor: Turan Onur (The Post Brothers)
  • Rəngləmə: Ercan Küçük (The Post Brothers)
  • Backstage & Fotoqraf: Sezai Demirer
  • Saç: Mehmet Yiğit
  • Makiyaj: Ahu Aydemir
  • Geyim: Alisse Nuera, AFFFAIR
  • Leybl: Aygun Music
  • Prodüser: Aygün Kazımova
  • Yayımcı şirkət: WediaCorp Music

Aktyorlar:

  • Ayşegül Çakmak
  • Berfun Beşel

Aygün Kazımova Komandası:

Mahnının çıxış tarixi[redaktə | əsas redaktə]

Ölkə Tarix Format(lar) Leybl
Dünya miqyasında 26 yanvar 2021 MP3 "Aygun Music"

Xarici keçidlər[redaktə | əsas redaktə]

İstinadlar[redaktə | əsas redaktə]

  1. ""Bu Qadın" iTunesdə". 2021-02-01 tarixində arxivləşdirilib. İstifadə tarixi: 2021-02-01.
  2. Aygün Kazımova “Bu qadın”ı təqdim etdi – VİDEO
  3. "Bu Qadın - Single". 2021-02-01 tarixində arxivləşdirilib. İstifadə tarixi: 2021-02-01.
  4. Aygün Kazımova Polad Həşimova mahnı həsr etdi - Video
  5. "Vətən oğlu" - VİDEO
  6. Aygün Kazımova prezidentin ad gününə mahnı həsr etdi - VİDEO
  7. Aygün Kazımovanın ad günü hədiyyəsi: “Qovuşmayan qadınlara həsr edirəm”
  8. Aygün Kazımova “Bu qadın”ı təqdim etdi - VİDEO
  9. “Hamımız həmin qadınların dərd ortağıyıq”- Aygün Kazımova yeni layihəsindən danışdı
  10. Aygün Kazımova: "Qovuşmayan qadınlara..." - Video
  11. Aygün Kazımova “Bu qadın”ı təqdim etdi - VİDEO
  12. Aygün Kazımova “Bu qadın”ı təqdim etdi – VİDEO