Bucaq (Oğuz)

Vikipediya, açıq ensiklopediya
Jump to navigation Jump to search
Bucaq

41°04′42″ şm. e. 47°22′00″ ş. u.


Ölkə Azərbaycan Azərbaycan
Rayon Oğuz
Tarixi və coğrafiyası
Mərkəzin hündürlüyü 588 m
Saat qurşağı UTC+04:00
Əhalisi
Əhalisi 1.579 nəfər
Rəqəmsal identifikatorlar
Poçt indeksi AZ4814[1]
Xəritəni göstər/gizlə
Bucaq xəritədə
Bucaq
Bucaq

BucaqAzərbaycan Respublikasının Oğuz rayonunun inzibati ərazi dairəsində kənd. Rayon mərkəzindən 12 kilometr qərbdə, Oğuz-Şəki şose yolunun sağında, Daşağılçayın sol sahilində, Baş Qafqaz silsiləsinin ətəyindədir.

Toponimikası[redaktə | əsas redaktə]

Bucaq türk mənşəli tayfa adı ilə bağlı etnotoponimdir. Bucaqlar köçəri noqoyların bir qolu olmuşdur. Sərkərdə Noqoyun yürüşləri zamanı Azərbaycanda məskunlaşmışlar. Onlar Dnepr, Dunay çayları və Qara Dəniz arasındakı bir küncdə (bucaqda) yaşadıqlarına görə belə adlanmışlar. Oğuzdakı, eləcə də Azərbaycan Respublikasının digər rayonlarındakı (Kürdəmir, Neftçala, Yevlax) "Bucaq" toponimləri bu günkü mövcud coğrafi mövqeyinə görə yox, bucaqların tarixən daşıdıqları və özləri ilə gətirdikləri ada görə belə adlanmışlar. Türkiyədə Bucaq, Moldovada Bucaq çölü və Bucaq adlı yaşayış məntəqəsi var.[2]

Tarixi[redaktə | əsas redaktə]

XIX əsrdə kəndin ərazisində Güllü Bucaqlı adlı icma olmuşdur. Sonralar onların bir hissəsi Daşağıl kəndi yaxınlığında yerləşdiyinə görə Bucaq Daşağıl, digər hissəsi isə Muxas kəndi yaxınlığında olduğuna görə Muxas Bucaqlı adlanmışdır. Kənd Qozluçayın sahilində yerləşdiyinə görə Qozlu Bucaq da adlanırdı.

Mədəniyyəti[redaktə | əsas redaktə]

Kənddə tam orta məktəb, Körpələr evi uşaq bağçası, klub, kitabxana, poçt, 356 yerlik elektron ATS, həkim ambulatoriyası ,ticarət və iaşə obyektləri var.

Coğrafiyası və iqlimi[redaktə | əsas redaktə]

Bucaq kəndi dağlar və meşələrlə əhatə olunmuşdur. Dəniz səviyyəsindən hündürlüyü 575 metrdir. Əlverişli coğrafi mövqedə yerləşir. Dağıstan sərhədinə çıxan Daşağıl keçidinin qarşısındadır. Gürcüstan sərhədindən başlanan qədim şose yolu kəndin ərazisindən keçərək Qəbələ - Şamaxı xətti ilə Bakıya çıxır. Bu yol Qafqaz Albaniyasının ən böyük ticarət yollarından biri olmuşdur.

Əhalisi[redaktə | əsas redaktə]

  • Bucaq kəndinin əhalisi 1579 nəfərdir (01 yanvar 2017-ci il).

İqtisadiyyatı[redaktə | əsas redaktə]

Həmçinin bax[redaktə | əsas redaktə]

Xarici keçid[redaktə | əsas redaktə]

İstinadlar[redaktə | əsas redaktə]

  1. Azərpoçt. "İndekslər" (azərb.). www.azerpost.az. 19 aprel 2016 tarixində arxivləşdirilib. İstifadə tarixi: 19 aprel 2016.
  2. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427