Budaqlı danaya

Vikipediya, açıq ensiklopediya
Keçid et: naviqasiya, axtar
Budaqlı danaya
Budaqlı danaya
Elmi təsnifat
Aləmi: Bitkilər
Fəsilə: Qulançar fəsiləsi
Cins: Danae L.- Danaya cinsi
Növ: Danae rasemosa (L.) Moench
Elmi adı
Danae rasemosa (L.) Moench.


Ümumi yayılması[redaktə | əsas redaktə]

Şimali İranda, Suriyada təbii arealları vardır.

Azərbaycanda yayılması[redaktə | əsas redaktə]

Astara, Lənkəran, Lerik, Qəbələ, İsmayıllı rayonları ərazilərində yayılmışdır.

Statusu[redaktə | əsas redaktə]

Azərbaycanın nadir, relikt bitkisidir. EN B1ab (i,ii,iv).

Bitdiyi yer[redaktə | əsas redaktə]

Əsasən kölgəli meşələrdə rast gəlinir

Təbii ehtiyati[redaktə | əsas redaktə]

Təbii ehtiyatı Azərbaycanda çox deyildir.

Bioloji xüsusiyyətləri[redaktə | əsas redaktə]

Budaqlı danaya kökümsov gövdəsi olan həmişəyaşıl qollu-budaqlı kolcuqdur. 1-2 m uzunluğunda bir neçə gövdəsi vardır. Gövdəsi yumru, yaşıl və tüksüzdür, yuxarı hissəsi budaqlanır. Budaqlı danayanın gövdəsinin yuxarı hissəsində nazik, uzunsov, neştərşəkilli fillokladilər olur. Fillokladinin hər iki tərəfi parlaq, hamar və yaşıl rənglidir. Çiçəkləri salxımşəkilli çiçək qrupunda toplanmışdır. Çiçək salxımının uzunluğu 9 sm-ə qədər ola bilər. Hər çiçək salxımında 20-yədək çiçək vardır. Çiçəkləri ikicinslidir. Uzunluqları 3-5 mm olan çiçək saplaqları vardır. Meyvəsi yumru olub, lətlidir.

Çохalması[redaktə | əsas redaktə]

Təbiətdə generativ və əsasən vegetativ yolla çoxalır.

Təbii ehtiyatın dəyişilməsi səbəbləri[redaktə | əsas redaktə]

Başlıca оlaraq insan fəaliyyətinin təsiridir.

Becərilməsi[redaktə | əsas redaktə]

Mədəni halda tək-tək park və bağlarda rast gəlinir.

Qəbul edilmiş qоruma tədbirləri[redaktə | əsas redaktə]

Bəzi Milli Park və Dövlət qoruqlarında qorunur və Azərbaycanın «Qırmızı Kitabı»na salınmışdır.

Zəruri qоruma tədbirləri[redaktə | əsas redaktə]

Arealı geniş olan yerlərdə yasaqlıqların yaradılması vacibdir.

Məlumat mənbələri:[redaktə | əsas redaktə]

Деревья и кустарники СССР. т.2. 1951; Флора Азербайджана. т.2. 1952; Azərbaycanın ağac və kolları. I cild. 1961; Azərbaycan florasının konspekti. I-III cildlər. 2005; 2006; 2008; Azərbaycanın nadir və nəsli kəsilməkdə olan oduncaqlı bitkilərinin in situ və ex situ şəraitində bioekoloji xüsusiyyətlərinin reproduksiyasının, reproduksiyasının və repatriasiyasının elmi əsasları, b.e.d. alimlik dərəcəsi almaq üçün dissertasiya. Bakı. 2011.

İstinadlar[redaktə | əsas redaktə]

  1. “Azərbaycan dendraflorasi” I cild, Baki, “Elm”, 2011, 312 səh.

Mənbə[redaktə | əsas redaktə]