Bukaramanqa

Vikipediya, açıq ensiklopediya
Jump to navigation Jump to search
Bukaramanqa
Centro La triada Bucaramanga.JPG
Gerb
Gerb
Xəritə
Xəritə
Məlumatlar
Ölkə Flag of Colombia.svg Kolumbiya
Bölgə Santander departamentinin inzibati mərkəzi
Ərazi 165 km²
Əhali 521,857 nəfər (2017)
Əhali sıxlığı 6,207,44/ nəfər/km²
Telefon kodu +57 + 7
Poçt indeksi 680001-680011
İcra başçısı Rodolfo Hernandez Suarez
İnternet saytı Bukaramanqa şəhərinin rəsmi internet saytı

Bukaramanqa (isp. Bucaramanga) — Kolumbiyanın şimal-şərqində şəhər, Santander departamentinin inzibati mərkəzi.[1]

Əhalisi[redaktə | əsas redaktə]

Əhalisi 716,5 min (şəhər ətrafı ilə təqribən 1,23 mln.; 2011) nəfərdir.[1]

Coğrafiyası[redaktə | əsas redaktə]

Şərqi Kordilyer dağlarının qərb yamacında, 960 m yüksəklikdədir. Nəqliyyat qovşağı. Bukaramanqadan Panamerika avtomobil yolu (Santa- Fede-Boqota–Karakas, Venesuela hissəsi) keçir. Dar dəmiryoları Bukaramanqanı Puerto-Vilçes (Maqdalena çayı sahilində liman şəhəri) ilə əlaqələndirir.[1]

Tarixi[redaktə | əsas redaktə]

Bukaramanqa 1622-ci ildə salınmışdır. 1860–80-ci illərin ortalarında kinə ağacı qabığı yığılmasının iri mərkəzi idi; sonralar kinə ağacı əkinləri tədricən qəhvə, tütün və s. plantasiyaları ilə əvəz olundu.[1]

Mədəniyyəti[redaktə | əsas redaktə]

Müqəddəs ailə baş kilsəsi (1887); Santander sənaye universiteti (1947), Bukaramanqa muxtar universiteti (1952, universitet statusunu 1974-cü ildə almışdır), İpəkçilik institutu; etnoqrafiyatarix, müasir incəsənət (1989-cu ildə yaradılmışdır) muzeyləri; Botanika bağı var. Xidmət sferası (təhsil, səhiyyə, qəhvə və tütün ticarəti və s.) inkişaf etmişdir. Aparıcı sənaye sahələri: yeyinti (un,  şokolad, içki və s.), tütün, yüngül (toxuculuq, tikiş, ayaqqabı, həsir şlyapaların istehsalı), sement, kimya, neft-kimya. Bukaramanqa kənd təsərrüfatı rayonu mərkəzidir (hünd. 900–2000 m olan yamaclarda qəhvə, 900 m-ədək yamaclarda tütün, həmçinin kakao, pambıq plantasiyaları; maldarlıq, ipəkçilik). Bukaramanqa yaxınlığındakı Kaliforniya qəsəbəsində uran filizləri çıxarılır.[1]

Qalereya[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 Bukaramanqa// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V  cild. — Səhifələrin sayı:  592. — Səh.: 57. — 25 000 nüsx. — ISBN 978-9952-441-10-9.

Xarici keçidlər[redaktə | əsas redaktə]