Burbon-Parmalı Mariya Luiza (Bolqarıstan knyaginyası)

Burbon-Parmalı Mariya Luiza
Burbon-Parmalı Mariya Luiza
	it. Maria Luisa Pia Teresa Anna Ferdinanda Francesca Antonietta Margherita Giuseppina Carolina Bianca Lucia Apollonia di Borbone-Parma
Bolqarıstan knyaginyası
	20 aprel 1893 – 31 yanvar 1899
Şəxsi məlumatlar
Doğum tarixi	17 yanvar 1870
Doğum yeri	Roma, Papa dövləti;
Vəfat tarixi	31 yanvar 1899 (29 yaşında)
Vəfat yeri	Sofiya, Bolqarıstan knyazlığı;
Vəfat səbəbi	ağciyər iltihabı
Fəaliyyəti	əsilzadə, consort[d]
Atası	I Robert
Anası	Siciliyalı Mariya Pia (Parma hersoginyası)
Həyat yoldaşı	I Ferdinand (Bolqarıstan çarı) (1893–1899);
Uşaqları	III Boris;
	Vikianbarda əlaqəli mediafayllar

Burbon-Parmalı Mariya Luiza (it. Maria Luisa di Borbone-Parma; bolq. Мария-Луиза Бурбон-Пармска; 17 yanvar 1870^[1], Roma – 31 yanvar 1899^[1], Sofiya, Bolqarıstan knyazlığı) — Parma hersoqu I Robertin qızı, Bolqarıstan knyaginyası.

1870-ci ildə Romada anadan olub. Atası Parmanın sonuncu hakim hersoqu I Robert, anası isə İki Siciliya kralı II Ferdinandın qızı Siciliyalı Mariya Piadır. Hələ 12 yaşında ikən anası doğuş zamanı vəfat etdi və Mariya Luiza Biarrits və İsveçrədə mürəbbiyələrin himayəsində böyüyüb. 5 dildə sərbəst danışa bilən Mariya Luiza rəsm və musiqi dərsləri aldı.

20 aprel 1893-cü ildə Lukkada Bolqarıstan knyazı I Ferdinandla evləndirildi. Cütlüyün bu nigahdan 4 övladı dünyaya gəldi.

III Boris, Bolqarıstan çarı
Kiril, Preslav şahzadəsi
Evdokiya (1898-1985)
Nadejda (1899-1958)

Rusiya imperatoru ilə müttəfiq olan əri I Ferdinandın istəyilə böyük oğlu və varisi Boris pravoslav ayiniylə vəftiz edildi. Buna etiraz edən Mariya Luiza həmin gün Sofiyanı tərk edərək Fransanın Bolyö-sür-Mer kommunasına gedib və yalnız 1896-cı ilin mayında ölkəyə qayıtdı. 1897-ci ilin mayında baş tutan Kraliça Viktoriyanın brilyant yubileyi münasibətilə Londona gedən ərini müşayiət etdi. 1898-ci ilin iyulunda əri I Ferdinand və böyük oğlu Borislə birlikdə Rusiya imperatoru II Nikolayın dəvətiylə Sankt-Peterburqa səyahət etdi.

Ancaq ard-arda uşaq dünyaya gətirməsi zəif olan səhhətini daha da ağırlaşdırdı. Ağciyər iltihabına yoluxan Mariya Luiza son övladını dünyaya gətirdikdən bir gün sonra Sofiyada vəfat etdi. Cənazəsi Plovdivdəki katolik kafedralına dəfn olundu.

Mənbə

Ədəbiyyat

Aronson, T. (1986) Crowns in conflict: the triumph and the tragedy of European monarchy, 1910–1918, John Murray Publishers, London; ISBN 0-7195-4279-0
Constant, S. (1979) Foxy Ferdinand, 1861–1948, Tsar of Bulgaria, Sidgwick and Jackson, London; ISBN 0-283-98515-1
Olivier Defrance. "A Life Without Tenderness". Royalty Digest Quarterly. Ted Rosvall. 1 aprel 2024: 1–10. ISSN 1653-5219.

İstinadlar

↑ ¹ ² ³ ⁴ Lundy D. R. Marie Louise di Borbone, Principessa di Parma // The Peerage (ing.).

[_d22b3ab87273354e-1] ¹ ² ³ ⁴ Lundy D. R. Marie Louise di Borbone, Principessa di Parma // The Peerage (ing.).

[1]