Cümşüd Nuriyev

Vikipediya, azad ensiklopediya
Jump to navigation Jump to search
Cümşüd Nuriyev
Nuriyev Cümşüd Qurban
Cümşüd Nuriyev.jpg
Şəxsi məlumatlar
Təhsili Bakı Dövlət Universitetinin "Geoloji coğrafiya" və Təfəkkür Universitetinin Hüqüq fakültələri
İxtisası Hüquqşünas
Fəaliyyəti Azərbaycan Respublikası Ali Sovetinin deputatı
Doğum tarixi (65 yaş)
Doğum yeri Daşdəmirbəyli, Ağsu rayonu, Azərbaycan SSR
Elmi fəaliyyəti
Elm sahəsi Hüquq
Elmi dərəcəsi Professor
İş yeri Təfəkkür Universiteti
Tanınır Siyasi elmlər doktoru,Təfəkkür Universitetinin professorudur.

Nuriyev Cümşüd Qurban oğlu (d. 16 sentyabr 1955, Daşdəmirbəyli, Ağsu, Azərbaycan SSR) — 1990-1995-ci illərdə Bakı şəhərinin Oktyabr rayonunun 62 nömrəli Oktyabr seçki dairəsindən Azərbaycan Respublikası Ali Sovetinin deputatı, Azərbaycan Respublikası Ali Sovetinin Milli Şurasının 50 üzvündən biri, Qarabağa Xalq Yardımı Komitəsi sədrinin birinci müavini. Dağlıq Qarabağda, o cümlədən Xocalıda soyqırımı hadisələrinin təfsilatını aydınlaşdırmaq üçün yaradılan deputat istintaq komissiyasının 15 üzvündən biri.

Azərbaycan Respublikası Gömrük Komitəsi sədrinin birinci müavini (1992), Milli Məclisin Büdcəyə nəzarət daimi komissiyasının sədri (1992), Kənd təsərrüfatı və ərzaq nazirinin müavini (1993-1995).

Həyatı[redaktə | əsas redaktə]

Ailəsi[redaktə | əsas redaktə]

Ailəlidir. İki ovladı, üç nəvəsi var.

Təhsili[redaktə | əsas redaktə]

Bakı Dövlət Universitetinin "Geoloji coğrafiya" və Təfəkkür Universitetinin Hüqüq fakültələrini fərqlənmə diplomları ilə bitirmişdir.

1983-cü ildə Kənd təsərrüfatı elmləri üzrə namizədlik, 2010-cu illdə isə Azərbaycan Respublikasının Prezidenti yanında Dövlət İdarəçilik Akademiyasında Siyasi elmlər üzrə doktorluq dissertasiyalarını müdafiə etmişdir. Siyasi elmlər doktoru, professordur.

Karyerası[redaktə | əsas redaktə]

Elmi fəaliyyəti[redaktə | əsas redaktə]

2005-2012-ci illər ərzində 3 monoqrafiyanın ("Heydər Əliyev və Azərbaycanın Aqrar kursu", "Siyasi sabitlik və aqrar islahatlar", "Azərbaycan Respublikasında aqrar islahatların siyasi, hüquqi və elmi əsasları"), ali məktəb tələbələri üçün 6 dərsliyin ("Beynəlxalq iqtisadi münasibətlərin hüquqi tənzimlənməsi", "Gömrük ekspertizası", "Gömrük hüququ", "Ekologiya hüququ", "Gömrük rəsmiləşdirilməsi", "Gömrük işinin təşkili və idarə edilməsi"), 7 dərs vəsaitinin ("Gömrük statistikası", "Ekoloji siyasət" (rus dilində), "İqtisadiyyat və hüquq", "Azərbaycanın Gömrük tarixi", "Gömrük etikası", "Torpaq hüququ", "Saxtalaşdırılmış tarixin sirləri (rus dilində)"), ali məktəblər üçün hazırlanan 6 tədris-metodik vəsaitin müəlliflərindəndir. Həmçinin, bu illər ərzində Azərbaycan, Türkiyə, Gürcüstan və Rusiyanın elmi jurnallarında 40 məqaləsi çap olunmuş, Azərbaycan, Rusiya və Türkiyədə keçirilən beynəlxalq elmi konfranslarda çıxışları olmuşdur.

İctimai-siyasi fəaliyyəti[redaktə | əsas redaktə]

Parlamentdə[redaktə | əsas redaktə]

1990-1995[redaktə | əsas redaktə]

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[1].1992-ci ilin May ayında yaradılan Milli Məclisin "Büdcəyə nəzarət" komissiyasının sədri seçilmişdir. İstiqlalçı deputatdır.

İstinadlar[redaktə | əsas redaktə]

Xarici keçidlər[redaktə | əsas redaktə]