Cümhuriyyətin 9 şəkli (film, 2018)

Vikipediya, azad ensiklopediya
Jump to navigation Jump to search
Cümhuriyyətin 9 şəkli
Cümhuriyyətin 9 şəkli.jpg
Rejissor Elxan Cəfərov
Prodüser Əliağa Məmmədov
Ssenari müəllifi Orxan Fikrətoğlu
Baş rollarda Rasim Balayev
Ölkə Azərbaycan Azərbaycan
İl 2018

Cümhuriyyətin 9 şəkliAzərbaycan Xalq Cümhuriyyəti haqqında çəkilmiş bədii-sənədli film. Ssenaristi Orxan Fikrətoğlu, rejissoru Elxan Cəfərov, baş prodüseri isə Əliağa Məmmədovdur.[1]

Haqqında[redaktə | əsas redaktə]

Azərbaycan Xalq Cümhuriyyətinə həsr olunmuş “Veysəloğlu” Şirkətlər Qrupunun maliyyə dəstəyi və təşəbbüsü ilə ərsəyə gələn “Cümhuriyyətin 9 şəkli” bədii-sənədli filmində baş rolu Azərbaycan Respublikasının Xalq artisti Rasim Balayev ifa edib.[2]

Sujeti[redaktə | əsas redaktə]

Filmin ssenari müəllifi bir insanın taleyində cümhuriyyət dövrünün oynadığı rolu təsvir etməyə çalışıb. Burada Azərbaycan kinosunda ilk dəfə olaraq rəngkarlıq nümunələrinin canlanmasından istifadə edilib. Bu şəkillər vasitəsilə Azərbaycan Xalq Cümhuriyyətinin doqquz fərqli sahədə əldə etdiyi uğurlar təsvir edilir. Baş vermiş tarixi hadisələrə bədii qəhrəmanların vasitəsilə şərhlər verilir.

Vizual mətnin əsas məqsədi iki illik tarixi bir insanın düşüncə süzgəcindən keçirə bilməsi, tamaşaçıya sadə dildə tarixin çatdırılmasıdır. İki ildə dövlət quruculuğu prosesinin bir çox sahələrə uğurla şaxələnməsi, hüquq-mühafizə, məhkəmə, bank, poçt-teleqraf sistemlərinin yaradılması, ordu quruculuğu və mədəniyyət sahəsində əldə edilmiş nailiyyətlər xususi olaraq filmdə vurğulanır.

Film baba ilə nəvənin timsalında iki müxtəlif baxış bucağının, iki nəslin Azərbaycan Xalq Cümhuriyyətinə olan oxşar münasibətidir. Hər iki nəsil öz tarixinə hörmət edir, baş verən hadisələri yüksək dəyərləndirir. Yalnız belə bir ideoloji mühit vətənə bağlı əsgər yetişdirə bilər.[3][4]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azərbaycan Xalq Cümhuriyyəti – 100 (PDF). Bakı: Azərbaycan Milli Kitabxanası. 2018. səh. 21. ISBN 478 9952 476 79 8.
  2. Ceyhun Abasov (1 iyun 2018). ""Cümhuriyyətin 9 şəkli" adlı bədii-sənədli filmin təqdimatı oldu". 525.az. 3 iyul 2019 tarixində orijinalından arxivləşdirilib.
  3. Vüsalə Xaməmmədqızı (1 iyun 2018). "Xalq Cümhuriyyətinə həsr edilən filmin təqdimatı olub". realtv.az. 3 iyul 2019 tarixində orijinalından arxivləşdirilib.
  4. ""Cümhuriyyətin 9 şəkli" bədii-sənədli filmi təqdim olunub". trend.az. 24 may 2018. 3 iyul 2019 tarixində orijinalından arxivləşdirilib.

Xarici keçidlər[redaktə | əsas redaktə]