Cəbrayıl Həsənov

Vikipediya, açıq ensiklopediya
Keçid et: naviqasiya, axtar
Cəbrayıl Həsənov
Cəbrayıl İlham oğlu Həsənov
Jabrayil Hasanov at the Summer Olympics 2016 awarding ceremony.jpg
Şəxsi məlumatlar
Tam adı Cəbrayıl İlham oğlu Həsənov
Milliyəti Azərbaycanlı
Doğum tarixi 24 fevral 1990 (1990-02-24) (27 yaş)
Vətəndaşlıq Flag of Azerbaijan.svg Azərbaycan
Ölkə Flag of Azerbaijan.svg Azərbaycan
İdman növü Wrestling pictogram.svg Güləş
29 iyun 2015 tarixində yenilənib.

Cəbrayıl Həsənov — Azərbaycan güləşçisi, Sərbəst güləşi üzrə 74 kq çəki dərəcəsində 2016-cı il Yay Olimpiya oyunlarının bürünc medalçısı.

Həyatı[redaktə | əsas redaktə]

Cəbrayıl Həsənov [1] 24 fevral 1990-cı ildə Astara rayonunun Suparıbağ kəndində dünyaya gəlib. 1997-ci ildə həmin kəndin orta məktəbində 1-ci sinfə qəbul olunub. Uşaq yaşlarından idmanın sərbəst güləş növünə maraq göstərib. 2001-ci ildə Bakı şəhərindəki "Respublika Olimpiya İdman Liseyinin" 5–ci sinfinə qəbul olunub. Burada beynəlxalq idman ustası, əməkdar məşqçi Aslan Ağayevin rəhbərliyi altında sərbəst güləşlə məşğul olmağa başlayıb və eyni zamanda təhsilini davam etdirib. 2003-cü ildən 2008-ci ilə qədər yeniyetmələr və gənclər arasında Avropa və Dünya birinciliklərinin mükafatçısı və qalibi olub. 2007-ci ildə Azərbaycan Dövlət Bədən Tərbiyəsi və idman Akademiyasına daxil olub. 2010-ci ildə həmin akademiyanı sərbəst güləş ixtisası üzrə bitirib. 2009-ci ildə Litvanın Vilnüs şəhərində keçirilən Avropa çempionatında gümüş medal qazanıb. 2010-cu ildə Bakıda keçirilən Avropa çempionatının qızıl mükafatçısı olub. 2010-cu ildə Rusiyanın Moskva şəhərində keçirilən dünya çempionatında bürünc medala layiq görülüb. 2011–ci ildə Almaniyanın Dortmund şəhərində Avropa çempionatında ikiqat Avropa çempionu adını qazanıb. Həmin ilin sentyabr ayında Türkiyənin İstanbul şəhərində Dünya çempionatının bürünc mükafatçısı olub. London - 2012 Yay Olimpiadasına lisenziya əldə edib[2]. Hazırda MOİK-də hərbi xidmətdədir və eyni zamanda məşqlərini Azərbaycan yığma komandasında davam etdirir.

2015 -ci ildə I Avropa Oyunlarında 74 kq çəki dərəcəsində mübarizə aparan Cəbrayıl Həsənov bürünc medal uğrunda görüşdə Bolqarıstan təmsilçisi Kiril Terziyevi məğlub edib. I Avropa Oyunlarının medalçılar sirasina daxil olub.[3]

Azərbaycan Respublikası Prezdidentinin Sərancamları ilə 2015-ci ildə “Tərəqqi” medalı ilə təltif edilib[4].

2016-cü il Yay Olimpiya oyunlarında sərbəst güləşi üzrə 74 kq çəki dərəcəsində bürünc medalına sahib olaraq Olimpiya çempionu adını qazanır.[5]

Uğurları[redaktə | əsas redaktə]

  • Olimpiya Oyunları:
    • Bürünc medal - 2016
  • Dünya çempionatı:
    • Bürünc medal - 2010
    • Bürünc medal - 2011
  • Avropa çempionatı:
    • Gümüş medal - 2009
    • Qızıl medal - 2010
  • I Avropa Oyunları:
    • Bürünc medal - 2015
Yarış Flag of Azerbaijan.svgAZE
2009 2010 2011 2012 2015 2016
Dünya Çempionatı 3 3
I Avropa Oyunları 3
Avropa Çempionatı 2 1
Olimpiya Oyunları London-2012: 5
Olimpiya Oyunları RİO-2016: 3

Mənbə[redaktə | əsas redaktə]

  • ia.az/az/news/sport/560015-cebrayil-hesenov-birinci-defe-idi-bele-haqsizliq-gorurdum

İstinadlar[redaktə | əsas redaktə]