Cəbrayıl Həsənov

Vikipediya, açıq ensiklopediya
Jump to navigation Jump to search
Cəbrayıl Həsənov
Jabrayil Hasanov at the Summer Olympics 2016 awarding ceremony.jpg
Cəbrayıl Həsənov XXXI Yay Olimpiya Oyunlarının mükafatlandırma mərasimində
Şəxsi məlumatları
Tam adı Cəbrayıl İlham oğlu Həsənov
Vətəndaşlığı Azərbaycan Azərbaycan
Doğum tarixi 24 fevral 1990 (1990-02-24) (29 yaş)
Doğum yeri Suparibağ, Astara, Azərbaycan SSR, SSRİ
Məşqçisi Arif Abdullayev
Saypulla Absaidov
Firdovsi Umudov
Boyu 169 sm
Çəkisi 79 kq
İdman növü Wrestling pictogram.svg Güləş

Cəbrayıl Həsənov (24 fevral 1990(1990-02-24), Suparibağ, Astara) — Azərbaycan güləşçisi, Sərbəst güləşi üzrə 74 kq çəki dərəcəsində 2016-cı il Yay Olimpiya oyunlarının bürünc medalçısı.

Həyatı[redaktə | əsas redaktə]

Cəbrayıl Həsənov 24 fevral 1990-cı ildə Astara rayonunun Suparibağ kəndində dünyaya gəlib. 1997-ci ildə həmin kəndin orta məktəbində 1-ci sinifə qəbul olunub. Uşaq yaşlarından idmanın sərbəst güləş növünə maraq göstərib. 2001-ci ildə Bakı şəhərindəki "Respublika Olimpiya İdman Liseyinin" 5-ci sinfinə qəbul olub. Burada beynəlxalq idman ustası, əməkdar məşqçi Aslan Ağayevin rəhbərliyi altında sərbəst güləşlə məşğul olmağa başlayıb və eyni zamanda təhsilini davam etdirib. 2003-cü ildən 2008-ci ilə qədər yeniyetmələr və gənclər arasında Avropa və Dünya birinciliklərinin mükafatçısı, eyni zamanda qalibi olub. 2007-ci ildə Azərbaycan Dövlət Bədən Tərbiyəsi və İdman Akademiyasına daxil olub. 2010-ci ildə həmin akademiyanı sərbəst güləş ixtisası üzrə bitirib.

Karyerası[redaktə | əsas redaktə]

XXX Yay Olimpiya Oyunları[redaktə | əsas redaktə]

I Avropa Oyunları[redaktə | əsas redaktə]

2015-ci ilin iyun ayında Cəbrayıl Həsənov Bakı şəhərində keçirilən I Avropa Oyunlarında iştirak etdi. O, yarışlardan əvvəl demişdi: “Gələn ay Minskdə Belarusiyanın məşhur güləşçisi Aleksandr Medvedin şərəfinə keçiriləcək ənənəvi beynəlxalq turnirdə iştirak edəcəm. Sonra apreldə milli komandanın heyətində ABŞ-IN Los-Anceles şəhərində təşkil edilən Dünya Kubokuna qatılacam. Təbii ki. Bu il əsas gücümü I Avropa Oyunlarına qoyacam. Məqsədim doğma divarlar arasında yüksək səviyyədə çıxış etməkdir”.[1] Heydər Əliyev adına İdman Arenasında mübarizəyə başlayan idmançı, 1/8 finalda macar Mihali Naqi üzərində 10:0 əzmkar qələbə qazandı.[2] Yarım-finala gedən yolda isə o, türkiyəli Söner Demirtaşa 5:3 hesabı ilə məğlub oldu.[2] Rəqibinin finala yüksəlməsi ilə təsəlliverici görüşdə mübarizə aparan Cəbrayıl, Finlandiya idmançısı Henri Seleniusu 11:0 təmiz qələbə ilə mübarizədən kənarlaşdırdı.[2] Həlledici görüşdə onun rəqibi Bolqarıstan pəhləvanı Kril Terziev oldu.[2] Bolqar güləşçisini 9:0 hesabı ilə məğlub edən güləşçi, Avropa Oyunlarının bürünc medalını qazandı.[2][3] Bununla o, Azərbaycan yığmasına 21-ci medalı qazandırdı. Güləşçiyə bürünc medalı mükafatlandırma mərasimində Azərbaycan Respublikasının prezidenti İlham Əliyev təqdim etdi. Yarışdan sonra Azad Azərbaycan Televiziyasına verdiyi müsahibədə bu cür bildirmişdi: "Nə qədər çalışsam da, finala çıxa bilmədimsə, deməli qismətimdə üçüncü olmaq imiş. Bu dəfə alınmasa da, inşallah gələn yarışlarda alınar. Əlbəttə hamı istəyir ki, birinci olsun, amma istək kifayət etmir".[4] Digər müsahibədə onun ifadələri: 2015 Avropa Oyunları Azərbaycanda keçirildiyindən biz ikiqat məsuliyyət daşıyırdıq. Çox yaxşı hazırlaşmışdıq. Ona görə də nəticə daha yaxşı ola bilərdi. Çalışacağıq ki, səhvlərimizdən nəticə çıxardaq”.[5]

Yarışlar bitdikdən sonra, iyunun 29-u prezident İlham Əliyev, Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq, 1299 nömrəli sərəncamına əsasən Cəbrayıl Həsənovu "Bakı-2015" Avropa Oyunlarında qazandığı bürünc medala görə "Tərəqqi" medalı ilə təltif etdi.[6][7] Ona, həmdə prezidentin müvafiq sərəncamı ilə 50 000 manat pul məbləği verildi.[8]

Həsənov I Avropa oyunlarından sonra ABŞ-ın Las-Veqas şəhərində keçirilən 2015 Dünya Çempionatında və paytaxt Bakı şəhərində baş tutan "Qızıl Qran-Pri" turnirində mübarizə apardı.[9] Noyabrın 27-də gerçəkləşən "Qızıl Qran-Pri" turnirinin ilk günündə 74 kiloqram çəkinin görüşündə o, İran güləşçisi Mostafa Hosseinxani məğlubiyyətə uğratdı.[9] 1/4 final mərhələsində Amerika nümayəndəsi Entoniya Valensiyanı məğlub edən Həsənov, yarım-finalda türkiyəli Soner Dəmirtaşı üzərində qələbə sevincini yaşayaraq finala üz tutdu.[9] Finalda isə Rusiya pəhləvanı Xetik Tçabalovu 8:1 hesabı ilə mübarizədən kənarlaşdırdı.[9] Beləliklə, Cəbrayıl Həsənov fəxri kürsüsünün ən yüksək pilləsinə qalxdı.[9] O, karyerası ərzində 4-cü dəfə olaraq "Qızıl Qran-Pri" turnirinin qalibi oldu.[10] Həsənov Las-Veqasda uğursuz çıxış etdi. Təcrübəli güləşçi ilk görüşü asanlıqla keçsə də, növbəti mərhələdə ötən il Avropa Çempionatının finalında məğlub olduğu rusiyalı Anuar Qeduyevlə bacarmadı. Qeduyevin yarım-finalda ev sahibi Barrioza məğlub olması Həsənovun lisenziyasının üzərindən xətt çəkdi.

XXXI Yay Olimpiya Oyunları[redaktə | əsas redaktə]

Cəbrayıl Həsənov 15 aprel 2016-cı ildə Serbiyanın Zrenyanin şəhərində 2016 Yay Olimpiya Oyunlarına lisenziya xarakterli "Avropa Olimpiya Təsnifat" turnirində mübarizə apardı. Güləşçi finala vəsiqə qazanacaq halda XXXI Yay Olimpiya Oyunlarına lisenziya əldə edəcəkdi.[11] O, 1/8 finalda moldovalı Aleksandru Burcanı məğlubiyyətə uğratdı və 1/4 final mərhələsinə adladı. Bu dəfə o, Polşa nümayəndəsi Kristian Brzozovski ilə üz-üzə gəldi. 1 dəqiqə 46 saniyə davam edən görüşdə Həsənov tam üstünlüklə qələbə qazandı. Yarımfinaldakı erməni rəqibi Suren Xaçatryanı 51 saniyə ərzində məğlub edən güləşçi turnirin finalına yüksəldi və Rio-de-Janeyro Olimpiadasına vəsiqəni təmin etdi. Bu Azərbaycan güləşçilərinin Olimpiya Oyunlarına qazandığı 12-ci lisenziya oldu.[12] Avropa təsnifat turnirinin finalında o, Gürcüstan təmsilçisi Jakob Maxaraşvili ilə qarşılaşdı. Güləşçi final görüşünü də qələbə ilə başa vurdu və təsnifat turnirinin qızıl medalına sahib oldu.[13] Keçirdiyi bütün görüşləri aşkar üstünlüklə tamamlayan Cəbrayıl Həsənov, rəqiblərindən 42 xal alsa da, heç bir rəqibinə xal vermədi.[14]

2016-cı ilin avqustunda Cəbrayıl Həsənov özünün ikinci Yay Olimpiya Oyunlarına qatıldı. O, Braziliyanın Rio-de-Janeyro keçirilən XXXI Yay Olimpiya Oyunlarında qüvvəsini sınadı. 18 iyul tarixində XXXI Yay Olimpiya Oyunlarında iştirak edən Azərbaycan nümayəndə heyətinin rəsmi yolasalma mərasimi keçirildi.[15][16] 1 avqust tarixində Heydər Əliyev Beynəlxalq Aeroportunda Azərbaycan yığmasının rəsmi yolasalma mərasimindən sonra, Həsənov Braziliyaya yola düşdü.

74 kiloqram çəki dərəcəsində yarışan Cəbrayıl Həsənov, avqustun 19-u mübarizəyə 1/8 finaldan başladı. O, bu mərhələdə kolumbiyalı güləşçi Karlos İzquierdo ilə qarşılaşdı. 10:0 hesabı ilə Həsənov rəqibini ilk mərhələdəcə məğlub etdi.[17][18] Növbəti mərhələdə o, Gürcüstan güləşçisi Yakob Makaraşvilini 11:0 tam üstünlüklə məğlub edərək görüşün qalibi oldu.[19][20] Yarım-final mərhələsində rusiyalı Aniuar Qeduyevdən 4:0 öndə olsa da, Qeduyevin tətbiq etdiyi fənd nəticəsində gedişat 5:4 dəyişdi və Həsənov məğlub oldu.[21] Güləşçinin sözlərinə görə yarım-final rəqibi çox güclü olub. Qeduyev finala vəsiqə qazandığı üçün, Cəbrayıl Həsənov təsəlliverici qrupda mübarizə apardı. Bürünc medal uğrunda görüşdə Həsənov Özbəkistan pəhləvanı Bekzod Abdurahmanovla üz-üzə gəldi. Görüş Həsənovun qələbəsi ilə başa çatdı, 9:7.[22] Bununla Cəbrayıl Həsənov XXXI Yay Olimpiya Oyunlarının bürünc medalını əldə etdi.[23][24]

XXX Yay Olimpiya Oyunlarında qazandığı yüksək nailiyyətinə, habelə Azərbaycan idmanının inkişafındakı xidmətlərinə görə Azərbaycan Respublikasının prezidenti İlham Əliyevin sərəncamına əsasən Həsənov Cəbrayıl İlham oğlu, "Azərbaycan Respublikası Prezidentinin" fəxri diplomuna layiq görüldü.[25] Həsənova həmçinin dövlət başçısının müvafiq sərəncamına uyğun olaraq 150 000 manat pul məbləği verildi. Güləşçi "Buta Sarayında" təşkil edilən mərasimdə Gənclər və İdman nazirliyinin hər ilin sonunda təqdim etdiyi "İlin ən yaxşıları" nominasiyasında fəxri diplomla təltif olundu.[26][27]

Uğurları[redaktə | əsas redaktə]

Sıra İl Yarış Şəhər Nəticə
1.
2005 Gənclərin Avropa Çempionatı Albaniya Tirana
3.
2.
2006 Gənclərin Avropa Çempionatı Macarıstan Sombatli
3.
3.
2007 Avropa Çempionatı Serbiya Belqrad
11.
4.
Avropa Çempionatı Polşa Varşava
1.
5.
Dünya Çempionatı Çin Pekin
3.
6.
2008 "Qızıl Qran-Pri" turniri Azərbaycan Bakı
9.
7.
Yeniyetmələrin Avropa Çempionatı Slovakiya Koşitse
3.
8.
Dünya Çempionatı Türkiyə İstanbul
2.
9.
2009 Dünya Kuboku İran Tehran
8.
10.
Avropa Çempionatı Litva Vilnüs
2.
11.
Dünya Çempionatı Türkiyə Ankara
1.
12.
Dünya Çempionatı Danimarka Herninq
7.
13.
2010 Avropa Çempionatı Azərbaycan Bakı
1.
14.
"Qızıl Qran-Pri" turniri Azərbaycan Bakı
1.
15.
Dünya Çempionatı Rusiya Moskva
3.

Mənbə[redaktə | əsas redaktə]

  • ia.az/az/news/sport/560015-cebrayil-hesenov-birinci-defe-idi-bele-haqsizliq-gorurdum

[28]

İstinadlar[redaktə | əsas redaktə]

  1. "Cəbrayıl Həsənov: «Bu il əsas məqsədim Avropa Oyunlarında uğurlu çıxış etməkdir»"(azərb.)). allsport.az (22 fevral 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  2. 2,0 2,1 2,2 2,3 2,4 "Güləşçimiz Cəbrayıl Həsənov Avropa Oyunlarının bürünc medalını qazandı"(azərb.)). az.trend.az (17 iyun 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  3. 525-ci qəzet. "Cəbrayıl Həsənov Avropa Oyunlarının bürünc medalını qazanıb"(azərb.)). 525.az (18 iyun 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  4. Vüqar Vüqarlı. "Cəbrayıl Həsənov: - “Qismətimdə üçüncü olmaq imiş”"(azərb.)). www.atv.az (18 iyun 2015). 6 sentyabr 2018 tarixində arxivləşdirilib. İstifadə tarixi: 4 sentyabr 2018.
  5. Şamil Əlilbəyli. "Cəbrayıl Həsənov: "Avropa Oyunları Olimpiya Oyunlarından geri qalmır""(azərb.)). report.az (18 iyun 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  6. Azərbaycan Respublikasının Prezidentinin rəsmi saytı. "I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı."(azərb.)). president.az (29 iyun 2015). 22 iyul 2018 tarixində arxivləşdirilib. İstifadə tarixi: 6 sentyabr 2018.
  7. E.qanun.az. "I Avropa Oyunları qaliblərinin və Azərbaycan idmanının inkişafında xidmətləri olan şəxslərin təltif edilməsi haqqında Azərbaycan Respublikası Prezidenti İlham Əliyevin 1299 nömrəli Sərəncamı."(azərb.)). www.e-qanun.az (29 iyun 2015). 3 iyun 2017 tarixində arxivləşdirilib. İstifadə tarixi: 6 sentyabr 2018.
  8. "I Avropa Oyunlarında medal qazanan Azərbaycan idmançılarına veriləcək pul mükafatının məbləği açıqlanıb - SİYAHI"(azərb.)). report.az (9 iyun 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  9. 9,0 9,1 9,2 9,3 9,4 "27 noyabr 2015-ci ildə Bakı şəhərində baş tutmuş "Qızıl Qran-Pri" turnirinin nəticələri"(azərb.)). www.iat.uni-leipzig.de (27 noyabr 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  10. "Güləşçilərimiz “Qızıl Qran-pri” turnirində 11 medal qazandılar - FOTO"(azərb.)). oxu.az (28 noyabr 2015). 6 sentyabr 2018 tarixində arxivləşdirilib. İstifadə tarixi: 6 sentyabr 2018.
  11. Sport Department. ""Rio-2016"ya lisenziya xarakterli Avropa Olimpiya Təsnifat Turnirinə yollanacaq sərbəst güləşçilər açıqlanıb"(azərb.)). report.az (2 aprel 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  12. "Cəbrayıl Həsənov qızıl medal qazandı"(azərb.)). qol.az (17 aprel 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  13. "Cəbrayıl Həsənov qarşısıalınmaz oldu"(azərb.)). goal.az (17 aprel 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  14. "Həsənov Avropa təsnifat turnirində qızıl medal və Rioya vəsiqə qazandı"(azərb.)). www.azerisport.com (16 aprel 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  15. Azərbaycan Respublikasının Prezidentinin rəsmi saytı. "İlham Əliyev XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib"(azərb.)). president.az (18 iyul 2016). 25 iyul 2018 tarixində arxivləşdirilib. İstifadə tarixi: 4 sentyabr 2018.
  16. Azərbaycan Dövlət İnformasiya Agentliyi. "İlham Əliyev, Braziliyanın Rio-de-Janeyro şəhərində baş tutacaq XXXI Yay Olimpiya Oyunları və XV Yay Paralimpiya Oyunlarına qatılacaq Azərbaycan nümayəndə heyətinin yolasalma mərasiminə qatılıb."(azərb.)). azertag.az (18 iyul 2016). 30 avqust 2017 tarixində arxivləşdirilib. İstifadə tarixi: 4 sentyabr 2018.
  17. "Cəbrayıl Həsənov Rioda qələbə ilə başladı"(azərb.)). www.azerbaycan24.com (19 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  18. "Cəbrayıl Həsənov 1/4 finalda"(azərb.)). www.olimpsport.az (18 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  19. ""Rio-2016": Hacı Əliyev uduzdu, Cəbrayıl Həsənov yarımfinalda!"(azərb.)). www.goal.az (19 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  20. "Rio-2016: Hacı Əliyev uduzdu, Cəbrayıl Həsənov yarımfinalda"(azərb.)). www.ekspress.az (19 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  21. "Rio-2016: Cəbrayıl Həsənov bürünc üçün mübarizə aparacaq"(azərb.)). 7news.az (19 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  22. "Rio-2016: Cəbrayıl Həsənov bürünc medal qazandı"(azərb.)). az.trend.az (20 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  23. Murad Fərzəliyev. "Cəbrayıl Həsənov bürünc medal qazandı"(azərb.)). sputnik.az (20 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  24. "Cəbrayıl Həsənov bürünc medal qazandı"(azərb.)). news.milli.az (20 avqust 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  25. Azərbaycan Respublikası Prezidentinin rəsmi saytı. "XXXI Yay Olimpiya Oyunları qaliblərinin və Azərbaycan idmanının inkişafında xidmətləri olan şəxslərin "Azərbaycan Respublikası Prezidentinin" Fəxri diplomu ilə təltif edilməsi haqqında Azərbaycan Respublikası Prezidenti İlham Əliyevin 2292 nömrəli Sərəncamı"(azərb.)). www.president.az (1 sentyabr 2016). 3 iyul 2017 tarixində arxivləşdirilib. İstifadə tarixi: 4 sentyabr 2018.
  26. "İdmanda ilin ən yaxşıları müəyyənləşdi"(azərb.)). avropa.info (26 dekabr 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  27. "İdman sahəsində ilin ən yaxşıları məlum oldu – SİYAHI"(azərb.)). azpolitika.info (26 dekabr 2016). 4 sentyabr 2018 tarixində arxivləşdirilib. İstifadə tarixi: 4 sentyabr 2018.
  28. https://www.iat.uni-leipzig.de/datenbanken/dbfoeldeak/daten.php?spid=8A10E8D447EE4A2B9AA0589BCB63675C