Cəfər Salmasi

Vikipediya, açıq ensiklopediya
Jump to navigation Jump to search
Cəfər Salmasi
Cəfər Məhəmməd Salmasi
Jafar Salmasi 3.jpg
Şəxsi məlumatları
Vətəndaşlığı Flag of Iran.svg İran
Doğum tarixi 22 sentyabr 1918(1918-09-22)
Doğum yeri Qədhimiyə İraq
Vəfat tarixi 31 yanvar 2000(2000-01-31) (81 yaşında)
Vəfat yeri
Çəkisi 56-60 kq.

Cəfər Salmasi (d. 1918 22 sentyabr, İraq, Qədhimiyəö. 31 yanvar 2000. İran İslam Respublikası) ) – azərbaycanlı ağır atletika idmançısı. İranın birinci Olimpiya medalını qazanmış idmançıdır.[1]

İraqda anadan olsa da, əslən Cənubi Azərbaycanın Salmas şəhərindəndir.

Həyatı[redaktə | əsas redaktə]

Ağır atletika ilə məşğul olmamışdan əvvəl Cəfər Salmasi Bağdaddakı məktəblərdən birində müəllim kimi çalışmışdır. Sonra rəsimli kitablardan istifadə edərək gimnastik hərəkətləri öyrənmişdir.[2]

Təxminən, 20 yaşında olarkən İrana səfər etmiş və bu səfər zamanı iranlı idman ustaları tərəfindən kəşf edilmişdir. Bundan sonra, İran çempionatında iştirak etmək üçün dəvət edilmiş və qalib olmuşdur. Bu qalibiyyətdən sonra İranı təmsil etmək üçün 1948-ci il London Yay Olimpiya oyunlarına göndərilmişdir. Qeyd etmək lazımdır ki, bu Olimpiya komandası İranın ilk Olimpiya komandası olmuşdur.

Olimpiya oyunlarından sonra Bağdada getmişdir. Burada idmanla yanaşı müəllimliklə də məşğul olan Cəfər Salmasi Səddam Hüseyn hakimiyyətə gəldikdən sonra ailəsi ilə birlikdə İrana köçmüşdür.

2000-ci ilin 31 yanvarında Tehran şəhərində vəfat etmişdir.

Beynəlxalq karyerası[redaktə | əsas redaktə]

1948-ci ilin 7 iyulunda London Yay Olimpiya oyunlarında 56-60 kq idmançıların ağır atletika üzrə yarışında bürünc medal qazanmışdır. Bu medal İranın Olimpiya oyunlarında qazandığı ilk medaldır.[3]

1944-1948-ci illər arasında 5 dəfə İran çempionu olmuşdur.

1951-ci ildə Yeni Dehlidə keçirilən Asiya Oyunlarında qızıl medal qazanmışdır.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Jafar Mohammad Salmasi
  2. Joneidi, Khashayar (28 July 2012). "Salmassi: The teacher who won Iran's first Olympic medal". BBC News. https://www.bbc.co.uk/news/magazine-19019742. İstifadə tarixi: 31 July 2012.
  3. "Official Olympic record". International Olympic Committee.