Cəmaləddin Zərbəliyev

Vikipediya, azad ensiklopediya
Jump to navigation Jump to search
Cəmaləddin Zərbəliyev
Cəmaləddin Camo oğlu Zərbəliyev
Zv2.jpg
Doğum tarixi 1 iyul 1948(1948-07-01) (72 yaş)
Doğum yeri Ərəbşahverdi, Şamaxı rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elmi dərəcəsi İqtisad elmləri namizədi

Cəmaləddin Camo oğlu Zərbəliyev (1 iyul 1948, Ərəbşahverdi, Şamaxı rayonu, Azərbaycan SSR, SSRİ) — İqtisad elmləri namizədi, Azərbaycan Dövlət İqtisad Universiteti "Uçot-iqtisad" fakül­tə­sinin dekan müavini.

Həyatı[redaktə | əsas redaktə]

Cəmaləddin Zərbəliyev 01 iyul 1948-ci ildə Şamaxı rayonunun Ərəbşahverdi kəndində anadan olmuşdur.

1955-ci ildə Ərəbşahverdi kənd məktəbinin daxil olmuş və orta təhsilini 1966-cı ildə Bakı şəhəri 31 saylı orta məktəbdə bitirmişdir. 1966-cu ildə D.Bünyadzadə adına Azərbaycan Xalq Təsərrüfatı İnsti­tu­tunun əyani şöbəsinə daxil olmuş, 1970-cü ildə həmin institutu "Mühasibat uçotu, nəzarət və təsərrüfat fəaliyyətinin təhlili" ixtisası üzrə bitirmişdir.[1]

1970-ci ildə təyinatla D.Bünyadzadə adına Azərbaycan Xalq Təsərrüfatı İnsti­tu­tu­nun "Təsərrüfat fəaliyyətinin təhlili" kafedrasında laborant kimi işə qəbul olun­muşdur.

1971-1972-ci illərdə hərbi xidmətdə olmuş və baş leyte­nan­t hərbi rüt­bə­sini almışdır.

1973-cü ildə "Təsərrüfat fəaliyyətinin təhlili" kafedrasına veril­miş elana əsasən müəllim vəzifəsinə seçil­mişdir. 1973-cü ildə tələbə inşaat dəstəsinin rəhbəri olmuş və SSRİ Ali Soveti Rəyasət heyəti sədrinin imzası ilə "Əməkdə fərqlənməyə görə" medalı ilə təltif olunmuşdur. 1985-ci ildə "Müt­tə­fiq respub­likaların əmtəə tədavülü renta­bel­liyinin yüksəldilməsi problemləri" mövzu­sunda dissertasiya müdafiə edərək iqtisad elmləri namizədi alimlik dərəcəsi almışdır.

1978-ci ildə "Təsərrüfat fəaliyyətinin təhlili" kafedrasına baş müəllim vəzi­fəsinə seçil­mişdir. 1992-ci ildən həmin kafedranın dosenti vəzifəsində çalışır. 19.10.2005-ci ildə "Uçot-iqtisad" fakul­tə­sinə dekan müavini təyin olunmuş, 25.11.2005-ci ildən 05.07.2006-cı ilə kimi fakultə dekanını əvəz etmiş, dekan seçkiləri keçirildikdən sonra o, yenidən dekan müavini vəzifəsini icra etməyə başlamışdır. 05.07.2006-cı ildən hal-hazıra kimi "Uçot-iqtisad" fakultəsi dekanının tədris işləri üzrə müavini vəzifəsində çalışır. 2014-cü ildə Azərbaycan Respublikası qabaqcıl təhsil işçisi döş nişanı ilə təltif edilmişdir. "Uçot-iqtisad" fakultəsi Elmi Şurasının sədr müavini və fakultə həm­karlar təşkilatının sədridir.

50-dən çox elmi-metodiki əsərin müəl­li­fidir.

Ailəlidir, 4 övladı var.

İstinadlar[redaktə | əsas redaktə]