Cəmilə Sultan

Vikipediya, açıq ensiklopediya
Jump to navigation Jump to search
Cəmilə Sultan
جميل سلطان

Doğum tarixi 18 avqust 1843
Doğum yeri Bəylərbəyi Sarayı, İstanbul, Osmanlı imperiyası
Vəfat tarixi 7 fevral 1915 (71 yaşında)
Vəfat yeri İstanbul, Osmanlı imperiyası
Dəfn yeri Sultan Əbdülməcid türbəsinin həyəti
Atası Əbdülməcid
Anası Düzdidil xanım
Həyat yoldaşı Mahmud Cəlaləddin Paşa
Uşaqları Fəthiyə xanım Sultan
Sultanzadə Mehmed Cəlaləddin bəy
Sultanzadə İbrahim Saqib bəy
Ayşə Sidiqə xanım Sultan
Fatma xanım Sultan

Cəmilə Sultan (d. 18 avqust 1843 – ö. 7 fevral 1915) — 31-ci Osmanlı sultanı Əbdülməcidin qızıdır.[1]

Həyatı[redaktə | əsas redaktə]

1843-cü ildə Bəylərbəyi sarayında dünyaya gəlmişdir.[2] Atası Sultan Əbdülməcid, anası isə Düzdidil xanım idi. 3 yaşında ikən anası vəfat etmiş, bu səbəblə atasının digər xanımı olan Pirüstü xanımın himayəsində böyüdü. Bacısı Münirə Sultanla birlikdə atasının 1856-cı ildə hədiyyə etdiyi Beyoğlundakı Qoşa sarayda yaşadı. 2 il sonra isə bibisi Atiyə Sultanın oğlu Mahmud Cəlaləddin Paşa ilə nişanlanmışdır. Mahmud Cəlaləddin Paşaya vəzirlik rütbəsi verildi və 3 iyun 1858-ci ildə nigah bağlandı. Bu evlilikdən 6 övladı oldu.[3]

1861-ci ildə atası vəfat etmiş, ardından əmisi Sultan Əbdüləziz taxta çıxmışdı. Ancaq 1876-cı ildə əmisinin taxtdan endirilərək öldürülməsində əri Mahmud Cəlaləddin Paşa da təqsirləndirildi. Ardından qardaşları Sultan MuradSultan Əbdülhəmid taxta çıxdı. Sultan Əbdülhəmid səltənətinin ilk illərində 2 yaşlı oğlu Bəsim vəfat etmiş, bu səbəblə qardaşı bacısını təsəlli etmək üçün ona Kandilli səmtində Cəmilə Sultan korusunu hədiyyə etdi. Əri Mahmud Cəlaləddin Paşa 1881-ci ildə Ulduz məhkəməsində Sultan Əbdüləzizi öldürmə iddiası ilə edama məhkum edildi. II Əbdülhəmid məhkəmənin verdiyi bu qərardan sonra Cəmilə Sultanın nigahını ləğv etdirdi. Mahmud Cəlaləddin Paşanın edam cəzası həbs qərarına çevrildi və Taifə sürgün edildi. Burada 3 il sonra mühafizəçilər tərəfindən öldürüldü. Ərinin vəfatının arından Cəmilə Sultan sarayını oğlu Cəlaləddinə verib, Ərənköydəki köşkünə köçdü.[1] Sultan Əbdülhəmid ilə uzun müddət münasibətləri pis oldu. Ancaq sonra barışaraq tez-tez Ulduz Sarayına ziyarətlərə getdi. Bir saray ziyarətinin ardından xəstələndi və uzun müddət yatalaq olaraq yaşadı.[2] 7 fevral 1915 tarixində vəfat etdi. Atası Sultan Əbdülməcidin türbəsinin yaxınlığına dəfn edildi.

Nəvəsi Mevhibə Cəlaləddin

Övladları, nəvələri[redaktə | əsas redaktə]

Mənbə[redaktə | əsas redaktə]

  1. 1,0 1,1 http://www.cemilesultan.com/hakkimizda.php
  2. 2,0 2,1 http://www.istanbul.com/kesfet/semtler/findikli
  3. https://archive.org/stream/GenealogyOfTheImperialOttomanFamily2005#page/n2/mode/1up