Cabbar Musayev

Cabbar Musayev
Naxçıvan şəhərinin icra başçısı
Vəzifədədir
4 noyabr 2024-cü ildən
Dövlət Statistika Komitəsinin aparat rəhbəri
18 aprel 2016 – 4 noyabr 2024
Yüksək Texnologiyalar Parkı MMC-nin direktor müavini
2013 – 2016
Şəxsi məlumatlar
Doğum tarixi	10 yanvar 1981
Doğum yeri	Naxçıvan şəhəri, Azərbaycan SSR
Vətəndaşlığı	Azərbaycan
Fəaliyyəti	dövlət xadimi
Elmi fəaliyyəti
Elmi dərəcəsi	İqtisad üzrə fəlsəfə doktoru
Təltifləri

Cabbar Musayev (tam adı: Cabbar Hafiz oğlu Musayev) — Naxçıvan Muxtar Respublikası Naxçıvan Şəhər İcra Hakimiyyətinin başçısı. Dövlət qulluğu müşaviri.

Həyatı

Cabbar Musayev 1981-cü ildə Naxçıvan şəhərində anadan olub. Türkiyə Respublikasının Ankara şəhərində ali təhsil almış, 2007-ci ildə Azərbaycan Dövlət İqtisad Universitetinin Maliyyə kredit ixtisası üzrə magistr pilləsini fərqlənmə diplomu ilə bitirmişdir.

2004-2013-cü illərdə Rabitə və Yüksək Texnologiyalar Nazirliyində böyük məsləhətçi, sektor müdiri vəzifələrində işləyib, 2013-2016-cı illərdə Azərbaycan Prezidentinin müvafiq sərəncamı ilə yaradılmış Yüksək Texnologiyalar Parkı MMC-nin direktor müavini vəzifəsində çalışıb.

2016-cı ilin aprel ayının 18-dən 2024-cü ilə kimi Dövlət Statistika Komitəsinin aparat rəhbəri vəzifəsində çalışıb.

Azərbaycan Respublikası Prezidentinin 04 noyabr 2024-ci il tarixli Sərəncamı ilə Naxçıvan Muxtar Respublikası Naxçıvan Şəhər İcra Hakimiyyətinin başçısı təyin edilib.

Mükafatları

23 iyun 2021-ci ildə Azərbaycan Respublikasının Prezidenti İlham Əliyev tərəfindən Dövlət qulluğunda səmərəli fəaliyyətinə görə “Dövlət qulluğunda fərqlənməyə görə” medalı ilə təltif olunub.