Cabbar bəy Vəlibəyov adına I Baharlı kənd tam orta məktəbi

Vikipediya, azad ensiklopediya
Jump to navigation Jump to search
Picto infobox université.png
Cabbar bəy Vəlibəyov adına I Baharlı kənd tam orta məktəbi

Əsası qoyulub 1913
Direktor Fəqani Səfərov
Şəhər Ağdam
Ölkə Azərbaycan Azərbaycan
Ünvan Ağdam rayonu I Baharlı kəndi

Cabbar bəy Vəlibəyov adına I Baharlı kənd tam orta məktəbiAğdam rayonunun I Baharlı kəndində təhsil müəssisəsi.

Tarixi[redaktə | əsas redaktə]

Cabbar bəy Vəlibəyov adına I Baharlı kənd tam orta məktəbi

I Baharlı kənd tam orta məktəbinin yaradıcısı Şuşa realnı məktəbinin məzunu Cabbar bəy Vəlibəyovdur. Cabbar bəy Vəlibəyov təhsilini başa vurduqdan sonra 1913-cü ildə I Baharlı kəndindəki evində məktəb açaraq, yeni tipli məktəbin əsasını qoymuşdur. Burada o, şagirdlərə ərəb və rus dillərini, tarix, riyaziyyat, Azərbaycan ədəbiyyatını tədris etmiş, ehtiyacı olan yoxsulları dərs ləvazimatı ilə təmin etmişdir[1].

Azərbaycan Demokratik Respublikası dövründə də Cabbar bəy Vəlibəyov Xalq Maarifi Nazirliyinin qərarı ilə müəllimlik fəaliyyətini I Baharlı kənd məktəbində davam etdirmişdir[1].

Orxan Zakiroğlu (Baharlı). Cabbar bəy Vəlibəyov və davamçıları. Bakı, 2014

Sovet Rusiyasının hərbi müdaxiləsi nəticəsində Azərbaycan müstəqilliyini itirdikdən sonra da I Baharlı kənd məktəbi ibtidai sinif kimi fəaliyyət göstərmişdir. Cabbar bəy Vəlibəyov Xalq Maarif Komissarlığının qərarı ilə I Baharlı kənd məktəbinin müdiri işləmişdir[1].

Orxan Zakiroğlu (Baharlı). Cabbar bəy Vəlibəyov adına I Baharlı kənd tam orta məktəbi. Bakı,2015

I Baharlı kəndi 1930 ildə yaranmış Ağdam rayonunun tərkibinə verildikdən sonra da Cabbar bəy Vəlibəyov yaratdığı ibtidai təhsil ocağının müdiri vəzifəsində çalışmışdır. O, 1937 ilə kimi Ağdam rayonu I Baharlı kənd məktəbinin müdiri olmuşdur[1].

Cəmiyyətdə tutduğu mövqeyinə, prinsipiallığına görə Cabbar bəy Vəlibəyov Azərbaycan tarixinin qara səhifələrindən sayılan 1937-ci il repressiyasından xilas ola bilməmişdir[1].

Cabbar bəy Vəlibəyov həbs edilib, Sibirə sürgün olunduqdan sonra I Baharlı kənd məktəbi müvəqqəti olaraq səkkiz il fəaliyyətini dayandırmalı olmuşdur. I Baharlı kənd məktəbi yalnız İkinci dünya müharibəsindən sonra öz fəaliyyətini yenidən bərpa edə bilmişdir. Səkkizillik fasilədən sonra I Baharlı kənd dördillik ibtidai məktəbin müdiri vəzifəsinə II Dünya Müharibəsi iştirakçısı Süleyman Əsədov təyin edilmişdir. O, 1945-1950 illərdə məktəbə rəhbərlik etmişdir. Ondan sonra I Baharlı kənd məktəbin müdiri, direktoru vəzifələrində İbrahim Paşayev (1950-1958), Rüstəm Səlimov (1958), Müzəffər Nəbiyev (1958-1959), Nəriş Ağayev (1959-1961), İsfəndiyar Tağıyev (1961-1982), Fərrux İbrahimov (1982-2011) çalışmışlar. Hazırda Cabbar bəy Vəlibəyov adına I Baharlı kənd tam orta məktəbin direktoru Fəqani Səfərovdur.[1].

Cabbar bəy Vəlibəyovun əsasını qoyduğu I Baharlı kənd məktəbi Sovet hakimiyyəti illərində dördillik ibtidai məktəb idi. Kənddə məktəb binası olmadığından Cabbar bəy şagirdlərə öz evində dərs keçirdi.I Baharlı kənd məktəbi fəaliyyətini bərpa etdikdən sonra 1969 ilə kimi dördillik ibtidai məktəb olmuşdur. Azərbaycan SSR Maarif Nazirliyinin qərarı ilə 1969 ildə I Baharlı dördillik kənd məktəbi I Baharlı natamam kənd orta məktəbi olmuşdur. Azərbaycan SSR Xalq Təhsili Nazirliyinin qərarı ilə 1989 ildə natamam kənd orta məktəbi doqquzillik adlandırılmışdır.[1].

Fərrux İbrahimov 1982 ildə I Baharlı kənd natamam orta məktəbinə direktor təyin olunmuşdur. Onun təşəbbüsü, müraciəti nəticəsində Cabbar bəy Vəlibəyovun anadan olmasının 100, yaratdığı məktəbin 80 illiyi ərəfəsində I Baharlı natamam kənd orta məktəbinə görkəmli maarif xadiminin adı verilmiş, Ağdamda 25 may 1993 ildə tədbir keçirilmişdir. Hazırda I Baharlı kənd tam orta məktəbi Cabbar bəy Vəlibəyovun adını daşıyır.[1].

Fəqani Səfərov 2011 ildə Cabbar bəy Vəlibəyov adına I Baharlı kənd ümumi orta məktəbin direktoru təyin edilmişdir. Onun təşəbbüsü, əməyi nəticəsində Cabbar bəy Vəlibəyovun yaratdığı məktəbin tipi dəyişdirilərək tam orta məktəb olmuş, ikimərtəbəli yeni məktəb binası tikilmişdir.[1].

Azərbaycanın görkəmli alimi Zakir Məmmədovun atasıdır.

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 1,8 Orxan Zakiroğlu (Baharlı). Birinci Baharlının yüz yaşlı məktəbi. "Bütöv Azərbaycan" qəzeti, 17-23 aprel 2013-cü il, №13 (189)

Mənbə[redaktə | əsas redaktə]

  • Orxan Zakiroğlu (Baharlı). Şərq tarixi: Baharlılar.(I kitab. Bakı, 2013)
  • Orxan Zakiroğlu (Baharlı). Şərq tarixi: Baharlılar.(Ensiklopedik məlumat kitabı) (II kitab. Bakı, 2013)
  • Orxan Zakiroğlu (Baharlı). Cabbar bəy Vəlibəyov və davamçıları. Bakı, 2014
  • Orxan Zakiroğlu (Baharlı). Cabbar bəy Vəlibəyov adına I Baharlı kənd tam orta məktəbi. Bakı, 2015
  • Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001
  • Orxan Zakiroğlu (Baharlı). Mirzə Vəli bəy ocağı (sələfləri, xələfləri). Bakı, 2015
  • Orxan Zakiroğlu (Baharlı). Xanlar xanı Bayram xan (sələfləri, xələfləri). Bakı, 2015
  • Orxan Zakiroğlu (Baharlı). Mirzə Vəli bəy və onun nəslinin tanınmış övladları. "Azərbaycan Tarixi Şəcərə Cəmiyyətinin Xəbərləri" (Doqquzuncu buraxılış). Bakı, 2014
  • Orxan Zakiroğlu (Baharlı). Birinci Baharlının yüz yaşlı məktəbi. "Bütöv Azərbaycan" qəzeti, 17-23 aprel 2013-cü il, №13 (189)
  • Orxan Zakiroğlu (Baharlı).Yüz yaşlı I Baharlı kənd tam orta məktəbi. "Qarabağ" qəzeti, 26 aprel-7 may 2013-cü il
  • Orxan Zakiroğlu (Baharlı). Sürgündə bitən müəllim ömrü. “Azərbaycan müəllimi” qəzeti, 26 iyun -3 iyul 2003-cü il, № 26 (8030)
  • Orxan Zakiroğlu (Baharlı). Yarımçıq qalan müəllim ömrü. "Bütöv Azərbaycan" qəzeti, 21-27 dekabr, 2011-ci il, № 43(131)
  • Orxan Zakiroğlu (Baharlı). Sürgündə bitən müəllim ömrü. "Azərbaycan dili və ədəbiyyatı tədrisi" jurnalı, № 02 (232), Aprel-İyun 2012-ci il
  • Orxan Zakiroğlu (Baharlı). Şam kimi əriyən müəllim ömrü. “Savalan” qəzeti, 5-8 aprel, 2013-cü il, № 22 (5572)
  • Orxan Zakiroğlu (Baharlı). Mirzə Vəli bəy nəslinin görkəmli övladları. "Bütöv Azərbaycan" qəzeti, 1-7 avqust 2012-ci il, № 26 (158)
  • Orxan Zakiroğlu (Baharlı). Mirzə Vəli bəy Baharlı istedadına və etibarına görə Qarabağ xanlığının vəziri rütbəsinə qədər yüksəlmişdi. (müsahibə). “Palitra” qəzeti, 5 mart 2013-cü il, № 41 (1895)
  • Orxan Zakiroğlu (Baharlı). Mirzə İsmayıl bəy və bu nəslin görkəmli övladları. "Təzadlar" qəzeti, 24 yanvar 2013-cü il, № 08 (1745)

Həmçinin bax[redaktə | əsas redaktə]