Camal Mustafayev

Vikipediya, açıq ensiklopediya
Keçid et: naviqasiya, axtar
CAMAL MUSTAFAYEV
Camal Vəli oğlu Mustafayev
Doğum tarixi: 1928(1928-Şablondakı doğum və ya ölüm tarixində texniki yanlışlıq var!-00)
Doğum yeri: Kosalı, Qarayazı,
Gürcüstan SSR
Vəfatı: 4 dekabr 2017 (89 yaşında)
Vəfat yeri: Bakı
Vətəndaşlıq: Flag of Azerbaijan.svg Azərbaycan
İş yeri: Xəzər Universiteti Tərcümə Araşdırmalar Mərkəzinin direktoru
Elmi dərəcəsi: fəlsəfə elmlər doktoru
Elmi vəzifəsi: professor

Camal Vəli oğlu Mustafayev (19284 dekabr 2017) — fəlsəfə elmlər doktoru, professor, əməkdar elm xadimi, Xəzər Universiteti Tərcümə Araşdırmalar Mərkəzinin direktorudur.

Həyatı[redaktə | əsas redaktə]

Camal Vəli oğlu Mustafayev 1928-ci ildə Qarayazının (indiki Qardabani) Kosalı kəndində anadan olmuşdur. Orta təhsilini 1935-1944-cü illərdə Kosalı kənd orta məktəbində almışdır. Sonra Tbilisi də ikiillik Müəllimlər İnstitutunda oxumuşur.

1946-1948-ci illərdə Kosalı kəndində müəllim işləyib.

1948-ci ildə Azərbaycan Dövlət Universitetinin fəlsəfə şöbəsinə daxil olub. 1949-cu ildə Moskva Dövlət Universitetinə keçirilib və oranı 1952-ci ildə bitirib. İki il Qarayazı rayonunda məktəb direktoru işləyib.

1954-cü ildə SSRİ EA Fəlsəfə İnstitutunun əyani aspirantı olub. Aspirantura illərində onun elmi araşdırmaları "Nizaminin fəlsəfi və etik görüşləri" mövzusu ətrafında olmuşdur. O, bu mövzuda namizədlik dissertasiyası müdafiə etmişdir.

1957-1968-ci illərdə C. Mustafayev Azərbaycan EA Fəlsəfə və Hüquq İnstitutunda kiçik elmi işçi, elmi işçi və baş elmi işçi vəzifələrində işləmişdir.

1968-ci ildə o, Azərbaycan Dövlət Universitetinin müdafiə şurasında "Nizaminin ideyalar aləmi və müasirlik" mövzusunda doktorluq dissertasiyası müdafiə edərək fəlsəfə elmləri doktoru alımlik dərəcəsinə layiq görülmüşdür.

1968-1976-cı illərdə Azərbaycan Pedaqoji Xarici Dillər İnstitutunda fəlsəfə kafedrasının müdiri işləmişdir.

1976-cı ildən 1999-cu ilədək Azərbaycan Dövlət Universitetinin (indiki Bakı Dövlət Universiteti) professoru olmuşdur. 1985-1991-ci illərdə universitetdə etika-estetika kafedrasının müdiri vəzifəsində çalışmışdır.

Professor Camal Mustafayev 1999-cu ildən bugünədək Xəzər Universiteti Tərcümə Araşdırmalar Mərkəzinin direktoru vəzifəsində çalışmaqdadır.

Mükafatları[redaktə | əsas redaktə]

Yaradıcılığı[redaktə | əsas redaktə]

C. Mustafayev orta əsrlər Azərbaycan fəlsəfi fikri sahəsində bir sıra samballı əsərlər çap etdirmişdir. Xüsusən onun Nizami fəlsəfəsinə, XII əsr Azərbaycan düşüncəsinə aid əsərləri geniş oxucu kütləsinə bəllidir. Moskva və başqa şəhərlərin nüfuzlu jurnallarında əsərləri çap olunmuşdur. Onun Müsəlman şərq sosial utopiyasına aid tədqiqat işləri və s. əsərləri xarici dillərə tərcümə olunmuşdur.

C. Mustafayev Azərbaycan fəlsəfəsi, etika və estetikası sahəsində bir sıra elmlər namizədi, elmlər doktoru yetişdirmişdir. O eyni zamanda müasir Azərbaycan şeirinin əsas tədqiqatçılarındandır.

C. Mustafayevin elmi və pedaqoji fəaliyyəti 70-dən çox elmi və publisistik məqalə və müsahibələrdə, 2 monoqrafiyada öz əksini tapmışdır. O, çoxsaylı beynəlxalq, ittifaq, respublika səviyyəli konqres, simpozium və konfransda iştirak etmiş, məruzələr etmişdir.

Hazırda bir sıra Azərbaycan şairlərinin yaradıcılığı haqqında məqalələr yazıb dərc etdirən C. Mustafayev Xəzər Universiteti ndə professor Hamlet İsaxanlı nın rəhbərliyi ilə keçirilən "Elm və Sənət Məclisi"nin işində də fəal iştirak edir.

C. Mustafayev BDU-nun, Azərbaycan EA-nın Fəlsəfə və Hüquq İnstitutunun müdafiə şuralarının üzvü olmuşdur. Xəzər Universiteti Elmi-inzibati Şurasının üzvüdür.

Mənbə[redaktə | əsas redaktə]

  • Hamlet İsaxanlı. "Təfəkkür işığında" (Camal Mustafayevin "İdrakın şeiriyyəti" kitabına ön söz, Xəzər Universitəsi Nəşriyyatı, Bakı, 1999).
  • Джамал Мустафаев. "Философские и этические воззрения Низами". Баку, 1962.
  • Dədə Camal (xatirələr, şeirlər və fotolar). Bakı, Pedaqogika nəşriyyatı, 2008.

İstinadlar[redaktə | əsas redaktə]

Xarici keçidlər[redaktə | əsas redaktə]