Canəli Əzimov

Vikipediya, azad ensiklopediya
Jump to navigation Jump to search
Canəli Əzimov
Şəxsi məlumatlar
Doğum tarixi 1 dekabr 1965(1965-12-01)
Doğum yeri
Vəfat tarixi 10 aprel 1986(1986-04-10) (20 yaşında)
Vəfat yeri

Əzimov Canəli Əliheydər oğlu (1 dekabr 1965(1965-12-01), Viravul, Lənkəran rayonu10 aprel 1986(1986-04-10), Əfqanıstan) — Əfqanıstan müharibəsi iştirakçısı.

Həyatı[redaktə | əsas redaktə]

Canəli Əzimov 1965 – ci il dekabrın 1 –də Lənkəran rayonun Viravul kəndində anadan olmuşdur.  Anadan olduğu Viravul kəndində orta məktəbə getmiş, 1983 – cü ildə həmin məktəbin 10 –cu sinfini bitirmişdir.

Məktəbdə oxuduğu müddətdə Canəli Əzimov özünü nümunəvi şagird kimi göstərmiş, məktəbin ictimai və siyasi həyatında fəal iştirak etmişdir. Bütün fənlərdən “4” və “5” qiymətlər almışdır. Muxtəlif fənlər üzrə olimpiadalarda iştirak etmişdir. Riyaziyyatı və fizikanı çox sevirdi. Zəif oxuyan şagirdlərə dərslərində köməklik göstərirdi. Ona xas olan xüsusiyyətlər : xeyirxahlıq, yoldaşlıq, fədakarlıq.

O, 1981 – ci ildə Ümumittifaq komsomol gənclər təşkilatı sıralarına qəbul olmuşdur.Özünü əsil komsomolçu kimi göstərmiş tapşırılan bütün tapşırıqları vicdanla, həssaslıqla və düzgün yerinə yetirmişdir. Səbəbsiz dərs buraxmamışdır. Buna görə də yoldaşları Komsomol təşkilatı tərəfindən böyük hörmət qazanmışdır.

Buna görə də məktəb rəhbərliyi tərəfindən dəfələrlə təşəkkürə layiq görülmüşdür.

C.Əzimov 1984 – cü il aprelin 21 ində Azərbaycan SSRİ – nin Hərbi komissarlığı tərəfindən Sovet ordusu sıralarına hərbi xidmətə çağırılmışdır. O, hərbi xidmətini Əfqanıstan Respublikasında keçməli olmuşdur. Hərbi xidməti zamanı özünü ancaq yaxşı tərəfdən göstərmişdir. Əfqanıstan Respublikasında əsgərlərə ərzaq tibbi avadanlıqların daşınmasını müvəffəqiyyətlə həyata keçirdiyi üçün dəfələrlə komandirlik tərəfindən “ Sovet ordusu əlaçısı” döş nişanı ilə təltif olunmuşdur. Rəhbərlik və yoldaşları arasında böyük hörmət qazanmışdır.

O, demək olar ki, bütün təhlükəli səfərlərdən uğurla qayıdırdı. Elə buna görə də komandirləri tərəfindən Canəli Əzimov “Sovet Ordusu əlaçısı” və başqa döş nişanlarına fəxri fərmanlara diplomlara layıq görülmüşdür. Onun şəkli hissənin fəxri Qırmızı bayrağını önündə çəkilmiş şərəf lövhəsinə vurulmuşdur. Canəli xidməti borcunu beləcə yerinə yetirir, ayları, illəri arxada qoyurdu.

Evə dönməyinə lap az qalırdı. O, növbəti sonuncu döyüş zamanı yenə düşmən basqınına məruz qaldı. Sursatla dolu maşını düşmənlərin əlinə verməmək üçün son nəfəsinədək onu qorudu.Döyüş tapşırığını, hərbi xidmət borcunu yerinə yetirərkən Canəli Əzimov Əliheydər oğlu 10 aprel 1986 – cı ildə şəhid olmuşdur.

Ölümündən sonar komandanlıq, partiya və Komsomol təşkilatı, 77810 nömrəli hərbi hissənin bütün şəxsi heyəti Əzimov Əliheydər Vəli oğluna və Əzimova Zərifə Samid qızına oğlanları, sıravi əsgər Əzimov Canəlinin vəfatı münasibətilə dərin hüznlə başsağlığı verib, kədərləndiklərini bildirmişlər.  Onlar bildirmişlər ki, Canəli Əliheydər oğlu Əzimovun xatirəsi əbədi olaraq dostlarını döyüş məsləkdaşlarını və onu tanıyan hər bir kəsin qəlbində əbədi yaşayacaq.

Təltifləri[redaktə | əsas redaktə]

  • "Sovet ordusu əlaçısı" döş nişanı

İstinadlar[redaktə | əsas redaktə]