Canel Nəcəfli

Vikipediya, açıq ensiklopediya
Jump to navigation Jump to search
Canel Nəcəfli
Canel İlham qızı Nəcəfli
Doğum tarixi 24 mart 2002 (2002-03-24) (17 yaş)
Doğum yeri Bakı, Azərbaycan
Vətəndaşlığı Azərbaycan Azərbaycan
Milliyyəti azərbaycanlı
Təhsili Bülbül adına Orta İxtisas Musiqi Məktəbi
Fəaliyyəti skripkaçı

Canel Nəcəfli (Canel İlham qızı Nəcəfli; d. 24 mart 2002, Bakı) — Dövlət Gənclər Orkestrinin üzvü, I skripkaçıların konsertmeysetri, Beynəlxalq laureatların qalibi.

Həyat və fəaliyyəti[redaktə | əsas redaktə]

Canel Nəcəfli 24 mart 2002-ci ildə Bakı şəhərində anadan olmuşdur.

2004-cü ilin sentyabr ayından, yəni 2,5 yaşdan 5 yaşa kimi mərhum bəstəkar, xalq artisti Oqtay Zülfüqarovun yaratdığı Aysel teatrının üzvü olmuşdur. Oqtay Zülfüqarov onun adına mahnı da bəstələmiş, “Caneldir adım” mahnısını 4 yaşı olarkən özü ifa etmişdir.

2008-ci ilin sentyabrında Bülbül adına Orta İxtisas Musiqi Məktəbinin 1-ci sinifinə (skripka üzrə) daxil olmuşdur. 3-6-cı siniflərdə xalq artisti, bəstəkar Arif Məlikovun tələbəsi olan Ayaz Qəmbərlinin fakültativ məşğələləri olan bəstəkarlıq sinfinə qatıldı. 4 əsəri vardır. 2012-ci ildə Bülbül adına məktəbin təşkil etdiyi və şəxsən Arif Qəmbərlinin də iştirakı olan konsertdə öz əsəri ilə çıxış etmişdir.

3-cü sinifin sonlarından 5-ci sinifədək məktəb direktoru, dirijor, xalq artisti Teymur Göyçayevin yaratdığı Tutti Dövlət Uşaq Orkestrində ifa etmiş və 5-ci sinfin axırlarından bu günə kimi Dövlət Gənclər Orkestrinin üzvü, I skripkaçıların konsertmeysteridir.

Səhnədə skripka ilə ilk çıxışı 2014-cü ilin dekabr ayında Muğam Mərkəzində Barokko Festivalında olmuşdur.

20 yanvarXocalıya həsr edilmiş tədbirlərdə, həmçinin bir çox digər tədbirlərdə, konsertlərdə solo çıxışları olmuş, təşəkkürnamələrlə təltif edilmişdir.[1] 2016-cı ildə İstanbul şəhərində keçirilən "Türk Dünyası Belgesel Film" Festivalında təşəkkürnamə verilmişdir, Rostropoviçin Ev muzeyində, AMEA-nın bir neçə tədbirində çıxışları olmuşdur. Bu ilin fevralında Böyük Britaniyanın Fövqəladə və Səlahiyyətli səfiri xanım Karol Kroftsun (ing. Dr. Carole Crofts) da iştirakı olan ing. "British Business Group"un Four Seasons hotelində təşkil etdiyi tədbirdə çıxışı olmuşdur.

2 ilə yaxındır ki, İncəsənət xadimi Murad Adıgözəlzadənin təşkilatçılığı ilə yaradılmış “Gənclərə dəstək” layihəsində fəal iştirak edir.

2017-ci ilin noyabrında Müasir Azərbaycan Gənci proqramında haqqında verilişi və cıxışı olmuşdur.

17 dekabr 2017-ci ildə Heydər Əliyev Sarayında Emin Ağalarovun keçirdiyi “Эмин с оркестром” adlı konsertdə skripkaçıların müşayət etdiyi orkestrdə ifa etmişdir.

Nailiyyətləri[redaktə | əsas redaktə]

  • “Karavan Kulturi” Beynəlxalq Müsabiqə-Festival, Polşa, 2015-ci il, I yer
  • Josef Mickaya həsr edilmiş Müsabiqə-Festival, Çexiya, Praqa, 2016-cı il, Prokofyevin “Zoluşka” əsərinə görə Fəxri Diplom
  • “Rodniki duşi” adlı Respublika Müsabiqəsi, Bakı, 2016-cı il, I yer
  • Spivakov adına Festival, 2016-cı il
  • “Futures Stars” Beynəlxalq Müsabiqəsi, Bakı, 2016-cı il, I yer
  • “Testene Art Baku” Beynəlxalq Müsabiqə, Bakı, 2017-cı il, I yer
  • “Grumiaux” (keçmiş “Bravo”) Beynəlxalq Müsabiqə, Brüssel, Belçika, 28 mart - 1 aprel 2018-ci il, III yer
  • Ümummilli Liderimiz Heydər Əliyevin 95 illiyinə həsr olunmuş III Respublika Müsabiqəsi, Bakı, aprel 2018-ci il, I yer

İstinadlar[redaktə | əsas redaktə]

Xarici keçidlər[redaktə | əsas redaktə]