Cavad Şəfizadə

Vikipediya, açıq ensiklopediya
Jump to navigation Jump to search
CAVAD ŞƏFİZADƏ
Doğum tarixi 1902(1902-Şablondakı doğum və ya ölüm tarixində texniki yanlışlıq var!-00)
Doğum yeri Təbriz, Cənubi Azərbaycan
Peşəsi Aktyor

Cavad Şəfizadə - coşqun səhnə temperamentinə, çılğın ehtirasa, cazibəli səhnə məlahətinə malik olmaqla Təbrizin mahir sənətçilərindən hesab edilib. Səhnədə otuz ilə yaxın xidmət göstərib. Qaynar təbiətli, daxilən emosional aktyor öz ifasında realist və romantik ifadə vasitələrinin vəhdətini yarada bilib. Səhnədə ciddiliyi və tələbkarlığı ilə yöndaşlarına örnək olub.

Həyatı[redaktə | əsas redaktə]

Cavad Şəfizadə 1902-ci ildə Təbriz şəhərində, tanınmış tacir ailəsində doğulub. Doğma şəhərində darülmüəllimliyi bitirib. Səhnəyə tələbə olduğu illərdən həvəs göstərib. Onun səhnəyə bağlanmasında Mehdi xan ŞəfizadəninRza Quluzadə Şərqlinin xüsusi xidmətləri var. Realist-dramatik personajları sadə təqdimdə və satirik çalarlı komik rolları məsxərəvari yumorla oynamağı xoşlayıb. Bu baxımdan onun ifa etdiyi Soltan bəy, Məşədi İbad ("Arşın mal alan" və "Məşədi İbad", Üzeyir bəy Hacıbəyov), Əmiraslan bəy Salamov və Allahverdi, Əbdüləli bəy ("1905-ci ildə" və "Sevil", Cəfər Cabbarlı), Hacı Qara ("Hacı Qara", Mirzə Fətəli Axundzadə), Barxudar ("Namus", Aleksandr Şirvanzadə), Murad ("İran səyyahı", Rza Quluzadə Şərqli), Novruz ("Əruzi Muğam", Murad Əbdülsəməd Əvringi), Səadətli ("Xalüqi xəyal") rolları koloritli səhnə surətləridir.

Yaradıcılığının daha parlaq dövrü SSRİ-İran Dostluq Cəmiyyətinin dram dəstəsindəki və Təbriz Dövlət Dram Teatrındakı fəaliyyəti ilə bağlıdır. Cavad Şəfizadə bu teatrlarda aktyorluqla bərabər rejissor assistenti kimi də çalışıb.

Mənbə[redaktə | əsas redaktə]

  • İlham Rəhimli. Təbriz Azərbaycan Teatrı. Bakı: Çaşıoğlu, 2005, səh. 144-145.