Centranthus ruber

Vikipediya, azad ensiklopediya
Jump to navigation Jump to search
{{{latin}}}
GardenValerian.jpg
Elmi təsnifat
Beynəlxalq elmi adı
  • Centranthus ruber DC.

Centranthus ruber (lat. Centranthus ruber) — fırçaotukimilər fəsiləsinin centranthus cinsinə aid biki növü.

Cinsin adı yunanca "gül" və "mahmız" sözlərindən götürülmüşdür. Çiçək tacının bünövrəsindəki şişə görə ona bu ad verilmişdir. Gülçülükdə bu cinsin əsasən 3 növündən istifadə olunur. Yaşıllaşdırmada əsasən Qırmızı kentrantus - C. ruber növü geniş yayılmışdır. Bu çoxillik ot bitkisinin hündürlüyü 90 sm-ə qədər çatır. Ətirli çoxsaylı gülləri qalxanşəkilli çiçək qrupunda toplanmışdır. Gülün çiçək rəngli - ağdan al-qırmızıya qədər tacı müxtəlif ola bilər. Qırmızı kentrantus 1557-ci ildən gülçülükdə istifadə edilir. Rusiyanın cənub rayonlarında təbii halda bitir. Kentratusun toxumları küləklə tez yayılır. Onları yığmaq üçün bitkini toxumları tam yetişənə qədər kəsmək və altına kağız salınmış qidalı məhlul olan qaba qoymaq lazımdır. Bu halda kağız üzərinə tökülən toxumları yığmaq asan olur. Toxumları sentyabrda açıq torpağa əkirlər. Əmələ gələn cücərtiləri qışda iynəyarpaqlarla ya da yarpaqlarla örtürlər. Toxumları yazda şitilliyə səpmək, sonra cücərtilərin üstünü açıq sahəyə köçürmək olar. Gözəl görünüşlü bu bitkidən gülçülükdə istifadə etmək məqsədəuyğundur.

Məlumat mənbəsi[redaktə | mənbəni redaktə et]

  1. Tofiq Məmmədov (botanik) "Gülçülük ensiklopediyası": Bakı: "Azərbaycan"-2016. http://dendrologiya.az/?page_id=112 Arxivləşdirilib 2019-11-17 at the Wayback Machine

İstinadlar[redaktə | mənbəni redaktə et]

Centranthus ruber:The Plant List saytında takson barədə məlumat. (ing.)