Cevat Çobanlı

Vikipediya, azad ensiklopediya
Jump to navigation Jump to search
Cevat Çobanlı
türk. Cevat Çobanlı
Cevat Pasha.jpg
Cevat Çobanlı
Şəxsi məlumatlar
Doğum tarixi 14 sentyabr 1870(1870-09-14)
Doğum yeri İstanbul, Osmanlı İmperiyası
Vəfat tarixi 13 mart 1938 (67 yaşında)
Vəfat yeri İstanbul, Osmanlı İmperiyası
Dəfn yeri
Vətəndaşlığı
Hərbi fəaliyyəti
Xidmət illəri 1890 – 18 avqust, 1915
Rütbə General
Döyüşlər İtaliya-Osmanlı müharibəsi, Balkan müharibələri , Birinci Dünya müharibəsi, Türkiyə İstiqlaliyyət müharibəsi
Commons-logo.svg Vikianbarda əlaqəli mediafayllar

Cevat Çobanlı (türk. Cevat Çobanlı) (d. 14.09.1870[2], İstanbul – ö. 13.03.1938[3], Kadıköy, İstanbul ) — Osmanlı ordusunun hərbi komandiri, Osmanlı İmperiyasının Müharibə naziri və Türk ordusunun generalı olmuşdur.

Həyatı[redaktə | əsas redaktə]

Ailəsi[redaktə | əsas redaktə]

1870-ci ildə İstanbulda Şakir Paşanın və Əminə xanımın ailəsində doğulmuşdur.

Hərb təhsili[redaktə | əsas redaktə]

Qalatasaray Liseyi bitirdikdən sonra 1888-ci ildə daxil olduğu Hərbi məktəbi 1891-ci ildə leytenant rütbəsi ilə bitirmişdir. 1892-ci ildə daxil olduğu Hərbi akademiyanı 1894-cü ildə kapitan rütbəsi ilə bitirmişdir. 1894-1900 illəri arasında "Sultan Yaveri" adı ilə Maiyet-i Şeriye Ərkani Hərbində xidmət etmişdir. Eyni zamanda, zəlzələrdən zədələnmiş hərbi binalarını təmir etməyə çalışırdı. 1895-ci ilin 26 avqustunda Orleanda təşkil edilən Fransız ordusunun manevrlərində iştirak etmək üçün Parisə getdi. Burada dörd il qaldıqdan sonra 1899-cu ilin 7 fevralında Bolqarıstana və elə həmin ildə Haaqada təşkil edilən Silahların Qadağan olunması-Silahsızlanma Konfransına göndərildi. 1905-ci ildə Ədirnə rəhbərliyinin tərkibində Tophane-i Amiredəki müəssisədə xidmət etmişdir. 1907-ci ildə təşkil olunan yeni təşkilata dəstək olmaq üçün 4-cü orduda xidmət etmişdir.  

1909-1910-cu illərdə Hərbi Akademiyanın komandiri vəzifəsində çalışıb. 1910-cu ilin iyulunda Almaniyaya səfər etdi. Hərbi bacarıqları sayəsində orduda vəzifəsi sürətlə yüksəldi. 1911-ci il və 1912-ci ilin yanvarında 1-ci Ordu Baş Qərargah rəisi təyin olundu. Bundan sonra, o, 1911-ci ilin may ayında İngiltərənin kralının tacqoyma mərasimində iştirak etmək üçün Vəliəhd Yusif İzzəddin Əfəndinin iştirakı ilə Londona getdi.

Balkan müharibələri[redaktə | əsas redaktə]

Londondan geri qayıtdıqdan sonra 1912-1913-cü illərdə Şərq Ordusu Baş qərargah rəhbəri olaraq Balkan müharibələrində və Çatalca ordusunun Topçu Komandirliyi Qərargah rəhbəri olaraq vəzifəsini icra etdi. 1913-1914 illər arasında müharibədən sonra 9-cu bölmə komandiri oldu və iki dəfə Osmanlı-Bolqarıstan Sərhəd Komissiyasının sədri təyin edildi.

Malta sürgünü[redaktə | əsas redaktə]

Cevat Çobanlı 16 mart 1920-ci ildə İstanbulu işğal edən Britaniya qüvvələri tərəfindən həbs edilib Bəkirağa bölgəsində bir həftə saxlanıldıqdan sonra martın 22-də hərbi bir gəmidə Maltaya göndərildi.

Türkiyə İstiqlaliyyət müharibəsi[redaktə | əsas redaktə]

23 oktyabr 1921-ci ildə Türkiyə Böyük Millət Məclisiİngiltərə hökuməti arasında imzalanan razılaşması əsasında 15 Yanvar 1922-ci ildə Türkiyəyə geri dönərək Ankaraya gəldi. 9 fevral 1922-ci ildə Diyarbəkirdə yerləşən Əl-Cəzirə bölgə qərargahına təyin edildi. 21 oktyabr 1922-ci ildə yenidən qurulan 3-cü Ordu Müfəttişliyinə təyin edildi. 31 oktyabr 1922-ci ildə bu vəzifədən istefa etdi və Elazığın millət vəkili oldu.

Həmçinin bax[redaktə | əsas redaktə]

İstinadlar[redaktə | əsas redaktə]

  1. http://www.navyingallipoli.com/ottomanside.html
  2. Mesut Aydın, Türkiye ve Irak Hudûdu Mes'elesi, Avrasya Stratejik Araştırmalar Merkezi Yayınları, 2001, p. 53.
  3. T.C. Genelkurmay Harp Tarihi Başkanlığı Yayınları, Türk İstiklâl Harbine Katılan Tümen ve Daha Üst Kademlerdeki Komutanların Biyografileri, Genkurmay Başkanlığı Basımevi, Ankara, 1972, p. 22.  (türk.)