Ceyhun Cəfərov (siyasətçi)

Vikipediya, açıq ensiklopediya
Jump to navigation Jump to search
Ceyhun Cəfərov
Ceyhun Fərrux oğlu Cəfərov
Ceyhun Cəfərov.jpg
bayraqKürdəmir Rayon İcra Hakimiyyətinin başçısıbayraq
16 aprel 2014 — indiyə kimi
Sələfi İrşad Əliyev
bayraqTərtər Rayon İcra Hakimiyyətinin başçısıbayraq
3 mart 2011 — 16 aprel 2014
Sələfi Vidadi İsayev
Xələfi Müstəqim Məmmədov

Doğum tarixi 1 dekabr 1965 (1965-12-01) (53 yaş)
Doğum yeri Yevlax şəhəri

Ceyhun Cəfərov — Kürdəmir Rayon İcra Hakimiyyətinin başçısı.

Həyatı[redaktə | əsas redaktə]

Cəfərov Ceyhun Fərrux oğlu 1 dekabr 1965-ci ildə Yevlax şəhərində anadan olmuşdur. 1992-ci ildə Azərbaycan Dövlət Neft Akademiyasını, 2007-ci ildə Azərbaycan Dövlət İqtisad Universitetini bitirmişdir.

1983-1984-cü illərdə Konstruktor-Texnoloji Bürosunda texnik vəzifəsində işləmiş, 1984-1986-cı illərdə həqiqi hərbi xidmətdə olmuşdur. 1986-1991-cı illərdə Nəsimi rayon İstilik-İstismar sahəsində çilingər, 1991-1993-cü illərdə Konstruktor-Texnoloji Bürosunda texnik, 1993-cü ildə “Pərviz” firmasında iqtisadçı-əmtəəşünas, 1993-1994-cü illərdə Maddi-texniki Təchizat idarəsində baş mühəndis, 1994-1995-ci illərdə “Azərbərpa” İstehsalat Birliyində rəis müavini, 1995-1996-cı illərdə Nərimanov Rayon İcra Hakimiyyətinin Kommunal Təsərrüfat şöbəsində müdir müavini, 1996-cı ildə Nərimanov rayon Mənzil Kommunal Təsərrüfatı Birliyində Texniki Nəzarət şöbəsində müdir, 1996-1999-cu illərdə Nərimanov rayon Mənzil Kommunal Təsərrüfatı Birliyində rəis, 2000-2006-cı illərdə Xətai rayon Mənzil-Kommunal Təsərrüfatı Birliyində rəis, 2006-2011-ci illərdə Yasamal Rayon İcra Hakimiyyəti başçısının birinci müavini, 2011-2014-cü illərdə isə Tərtər Rayon İcra Hakimiyyətinin başçısı vəzifələrində çalışmışdır.

Azərbaycanın Respublikası Prezidentinin 16 aprel 2014-cü il tarixli Sərəncamı ilə Kürdəmir Rayon İcra Hakimiyyətinin başçısı təyin edilib.

2000-ci ilin avqustundan Yeni Azərbaycan Partiyasının üzvüdür. Ailəlidir, iki övladı var.

İstinadlar[redaktə | əsas redaktə]

Kürdəmirdəki son həbslər Ceyhun Cəfərovu bitirəcək

Ceyhun Cəfərov rayona ayrılan pulları necə mənimsəyir?