Ceyms Konnolli

Ceyms Konnolli
Şəxsi məlumatlar
Vətəndaşlığı	Birləşmiş Ştatlar
Doğum tarixi	28 oktyabr 1868
Doğum yeri	Boston, Birləşmiş Ştatlar
Vəfat tarixi	20 yanvar 1957 (88 yaşında)
Vəfat yeri	Broкlin Birləşmiş Ştatlar
Təhsili	Harvard Universiteti
İdman növü	Yüngül atletiкa
Boyu	175 sm
Çəkisi	72 kq
Medallar Olimpiya Oyunları Gümüş 1896 Afina Hündürlüyə tullanma Bürünc 1896 Afina Uzunluğa tullanma Qızıl 1896 Afina Üçtəkanla tullanma Gümüş 1900 Paris Üçtəkanla tullanma

Ceyms Brendan Bennet Konnolli (d. 28 oktyabr 1868; Boston, Birləşmiş Ştatlar - ö. 20 yanvar 1957; Broкlin, Birləşmiş Ştatlar) — Birləşmiş Ştatları təmsil edən yüngül atlet. Ceyms Konnolli 1896 Afina Olimpiadasında bir qızıl, bir gümüş və bir bürünc medal, 1900 Paris Olimpiadasında isə bir gümüş medal qazanıb.

Həyatı

Ceyms Konnolli 1868-ci ilin 28 oktyabr günündə Birləşmiş Ştatların Massaçusets ştatının Boston şəhərində anadan olub. 1957-ci ilin 20 yanvar tarixində isə həmin ştatın Broкlin şəhərində ömrünün 88-ci yaşında vəfat edib.

Afina Olimpiadası

Ceyms Konnolli 1896-cı ildə Yunanıstanın Afina şəhərində I Yay Olimpiya Oyunlarına üç yarış üzrə qatıldı. Hündürlüyə tullanma yarışlarında mübarizə aparan Konnolli 1.65 metr nəticəyə imza atdı və Birləşmiş Ştatların digər nümayəndəsi Robert Qarrett ilə birgə I Yay Olimpiya Oyunlarının gümüş medalını qazandı.

Konnolli uzunluğa tullanma yarışlarında isə 5.84 metr nəticə göstərdi və I Yay Olimpiya Oyunlarının bürünc medalını qazandı. Üçtəkanla tullanma yarışlarında 13.71 metr nəticə göstərən Ceyms Konnolli Afina Olimpiadasında özünün birinci və yeganə qızıl medalını qazandı.

Paris Olimpiadası

Ceyms Konnolli 1900-cı ildə Fransanın Paris şəhərində II Yay Olimpiya Oyunlarına qatıldı. Konnolli həmin yarışlarında ancaq üçtəkanla tullanma növündə mübarizə apardı. Üçtəkanla tullanmada Ceyms Konnolli 13.97 metr nəticəyə imza atdı və Paris Olimpiadasının gümüş medalını qazandı.