Məzmuna keç

Ceyms Reynvoter

Vikipediya, azad ensiklopediya
Ceyms Reynvoter
ing. Leo James Rainwater
Doğum tarixi 9 dekabr 1917(1917-12-09)[1][2][…]
Vəfat tarixi 31 may 1986(1986-05-31)[1][3][…] (68 yaşında)
Vəfat yeri
Elm sahəsi atom fizikası
İş yeri
Təhsili
Tanınmış yetirməsi Val Loqsdon Fitç
Üzvlüyü
Mükafatları Fizika üzrə "Nobel" mükafatı — 1975 Ernest Orlando Lawrence Award — 1963
Vikianbarın loqosu Vikianbarda əlaqəli mediafayllar

Leo Ceyms Reynvoter (ing. Leo James Rainwater; 9 dekabr 1917[1][2][…] – 31 may 1986[1][3][…], Nyu-York, Nyu-York ştatı) — müəyyən atom nüvələrinin asimmetrik formalarının müəyyən edilməsindəki xidmətlərinə görə 1975-ci ildə Fizika üzrə "Nobel" mükafatına layiq görülənlərdən biri olan amerikalı fizikdir.

İkinci Dünya müharibəsi illərində o, ilk atom bombalarının hazırlandığı "Manhetten layihəsi" üzərində çalışmışdır. 1949-cu ildə o, o dövrkü elmi qənaətlərin əksinə olaraq, bütün atom nüvələrinin sferik (kürəvi) formada olmadığına dair öz nəzəriyyəsini inkişaf etdirməyə başlamışdır. Onun bu ideyaları sonradan Oge Bor və Ben Mottelsonun apardığı təcrübələrlə sınaqdan keçirilmiş və təsdiqini tapmışdır. Reynuoter, həmçinin rentgen şüalarının (X-rays) elmi dərkinə töhfələr vermiş, ABŞ Atom Enerjisi Komissiyasında və hərbi-dəniz tədqiqat layihələrində iştirak etmişdir.

Reynuoter 1946-cı ildə Kolumbiya Universitetinin fizika fakültəsinə daxil olmuş, burada 1952-ci ildə professor elmi adını almış, 1982-ci ildə isə fizika üzrə "Pupin Professoru" fəxri adına layiq görülmüşdür. O, 1963-cü ildə fizika sahəsindəki nailiyyətlərinə görə Ernest Orlando Lourens mükafatı ilə təltif edilmişdir. 1975-ci ildə isə "atom nüvələrində kollektiv hərəkət ilə zərrəciklərin hərəkəti arasındakı əlaqənin kəşfi və bu əlaqəyə əsaslanan atom nüvəsinin quruluşu nəzəriyyəsinin inkişaf etdirilməsinə görə" Fizika üzrə "Nobel" mükafatına layiq görülmüşdür.[4]

İstinadlar

[redaktə | vikimətni redaktə et]
  1. 1 2 3 4 James Rainwater // Encyclopædia Britannica (ing.).
  2. 1 2 Leo James Rainwater // Brockhaus Enzyklopädie (alm.). F.A. Brockhaus, 1796.
  3. 1 2 James Rainwater // Gran Enciclopèdia Catalana (kat.). Grup Enciclopèdia, 1968.
  4. ↑ "The Nobel Prize in Physics 1975". Nobel Foundation. İstifadə tarixi: 16 yanvar 2014.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Ceyms_Reynvoter&oldid=8469893"