Cimi Hendriks

Cimi Hendriks
Cimi Hendriks
	Jimi Hendrix
	; Cimi Hendriks, 1968-ci il
Ümumi məlumatlar
Digər adı	Ceyms Marşall Hendriks
Doğum adı	Conni Allen Hendriks
Ləqəbi	Cimmi Ceyms
Doğum tarixi	27 noyabr 1942
Doğum yeri	Sietl, Vaşinqton, ABŞ
Vəfat tarixi	18 sentyabr 1970 (27 yaşında)
Vəfat yeri	London, İngiltərə
Vəfat səbəbi	boğulma
Musiqiçi məlumatları
Fəaliyyəti	Müğənni; gitaraçı; bəstəkar;
Fəaliyyət illəri	1962–1970
Janrlar	psixodelik rok; blüz rok; eysid rok; hard rok;
Musiqi alətləri	vokal; gitara;
Səs tembri	bariton
Albom şirkətləri	Sue; PPX; RSVP; Track; Barclay; Polydor; Reprise; Capitol;
Əlaqələri	Curtis Knight and the Squires; Jimmy James and the Blue Flames; The Jimi Hendrix Experience; Band of Gypsys;
Mükafatları
	jimihendrix.com
	Vikianbarda əlaqəli mediafayllar

Ceyms Marşall "Cimi" Hendriks (ing. James Marshall "Jimi" Hendrix, doğum adı Conni Ellen Hendriks, ing. Johnny Allen Hendrix; d. 27 noyabr 1942 – ö. 18 sentyabr 1970, Sietl, Vaşinqton, ABŞ) — ABŞ müğənnisi, gitaraçı və bəstəkar. O elektrik gitarada psixodelik rok musiqisini blüz musiqisi ilə sintez edən virtuoz hesab olunur. Hendriks, karyerasının cəmi dörd il davam etməsinə baxmayaraq, populyar musiqi tarixində ən böyük və ən təsirli elektrik gitara ifaçılarından biri kimi qəbul edilir və 20-ci əsrin ən populyar musiqiçilərindən biri hesab olunur. Rok-n-roll şöhrət zalı (ing. Rock and Roll Hall of Fame) onu "rok musiqisi tarixində bəlkə də ən böyük instrumental ifaçı" kimi təsvir etmişdir.^[1]

Hendriks gitara çalmağa 15 yaşında başlamışdır. 1961-ci ildə ABŞ ordusuna qoşulmuş, lakin bir il sonra ordudan tərxis edilmişdir. Bundan sonra o, Tennessi ştatının Klarksvill və daha sonra Neşvill şəhərlərinə köçmüş və müxtəlif səhnələrdə çıxışlar etməyə başlamışdır. O, Isley Brothers və Litl Riçard, sonralar Curtis Knight and the Squires kimi ifaçılarla birgə fəaliyyət göstərmiş və 1966-cı ilin sonlarında The Animals qrupunun basçısı Ças Çendler onun meneceri olduqdan sonra İngiltərəyə köçmüşdür. Bir neçə ay ərzində Hendriks, basçı Noel Reddinq, zərbçi Mitç Mitçell ilə birgə The Jimi Hendrix Experience qrupunda "Hey Joe", "Purple Haze" və "The Wind Cries Mary" mahnıları ilə İngiltərədə ilk onluğa daxil olan üç hit yazmışdır. 1967-ci ildə Monterey Pop Festivalında çıxışı ilə ABŞ-də məşhurlaşmış və 1968-ci ildə üçüncü və son studiya albomu olan "Electric Ladyland" ilə ABŞ-də bir nömrəyə yüksəlmişdir. Hendriks, 1969-cu ildə "Vudstok" festivalında və 1970-ci ildə "Ayl-of-Vayt" festivalında çıxışlar etmişdir. 1970-ci ilin sentyabrında, 27 yaşında Londonda boğulma nəticəsində vəfat etmişdir.

İstinadlar

↑ "Biography of the Jimi Hendrix Experience". Rock and Roll Hall of Fame. Archived from the original on February 1, 2013. Retrieved February 25, 2013.

Xarici keçidlər

Vikianbarda Cimi Hendriks ilə əlaqəli mediafayllar var.

jimihendrix.com — rəsmi saytı
Cimi Hendriks AllMusic saytında
Cimi Hendriks — Discogs diskoqrafiyası
FBI Records: The Vault – James Marshall "Jimi" Hendrix at vault.fbi.gov
Cimi Hendriks haqqında The Guardian saytında xəbərlər və şərhlər
Articles concerning disputes about rights to the Hendrix musical publishing estate. Los Angeles Times
Cimi Hendriks haqqında "The New York Times"da dərc olunan xəbərlər və şərhlər

[1] "Biography of the Jimi Hendrix Experience". Rock and Roll Hall of Fame. Archived from the original on February 1, 2013. Retrieved February 25, 2013.

[1]