Cinayət məsuliyyəti
Cinayət məsuliyyəti — hüquqi məsuliyyətin bir növü olub, cinayət törətmiş şəxsin cinayət cəzası formasında dövlət tərəfindən məhkum edilməyə məruz qalmaq hüquqi vəzifəsidir.[1]
Qanunvericilik tənzimlənməsi
[redaktə | vikimətni redaktə et]Cinayət məcəlləsi ilə nəzərdə tutulmuş və cinayət törətmiş şəxsin hüquq və azadlıqlarının məhdudlaşdırılması məhkəmənin hökmü ilə fərdiləşdirilir və dövlətin xüsusi icra hakimiyyəti orqanları tərəfindən həyata keçirilir.
Azərbaycanda cinayət məsuliyyətinə cəlb etmə üçün ümumi cinayət məsuliyyəti yaşı 16 yaşdır. Lakin cinayətin törədildiyi vaxta qədər 14 yaşı tamam olmuş şəxslər bəzi xüsusi ağır cinayətlərə görə (məsələn: qəsdən adam öldürmə, zorlama, oğurluq və s.) cinayət məsuliyyətinə cəlb olunurlar.[2]
Cinayət məsuliyyəti cinayətin törədildiyi andan başlayır və məhkumluğun ödənilməsi və ya götürülməsi ilə başa çatır.[3]
Cinayət cəzası
[redaktə | vikimətni redaktə et]Cinayət məsuliyyətinin həyata keçirilməsinin əsas forması və məzmunu cinayət cəzasıdır. Lakin cinayət məsuliyyəti anlayışı cəza anlayışından daha genişdir. Cinayət məsuliyyəti həm cəza tətbiq edilməklə, həm də cəza tətbiq edilmədən reallaşa bilər. Müvafiq olaraq, cinayət məsuliyyəti özü iki növə bölünür:
- Cəza təyin edilmədən — şəxsin məhkum edilməsi faktı ilə (məhkəmə cəza təyin etmədən ittiham hökmü çıxarır) və ya cəza əvəzinə digər cinayət-hüquqi xarakterli tədbirlərin (məsələn: tərbiyəvi xarakterli məcburi tədbirlər və ya tibbi xarakterli məcburi tədbirlər) tətbiqi ilə məhdudlaşır;
- Cəza təyin edilməklə.[4]
İstinadlar
[redaktə | vikimətni redaktə et]- ↑ "Azərbaycan Respublikasının Konstitusiyası". e-qanun.az (az.). 22 iyun 2022 tarixində arxivləşdirilib. İstifadə tarixi: 3 may 2026.
- ↑ "Azərbaycan Respublikasının Cinayət Məcəlləsi, Maddə 20". e-qanun.az (az.). 25 noyabr 2022 tarixində arxivləşdirilib. İstifadə tarixi: 3 may 2026.
- ↑ İ. Vəliyev. Cinayət hüququ: Ümumi hissə (az.). Bakı: Hüquq Yayın Evi. 2018.
- ↑ "Azərbaycan Respublikasının Cinayət Məcəlləsi, Maddə 41". e-qanun.az (az.). 25 noyabr 2022 tarixində arxivləşdirilib. İstifadə tarixi: 3 may 2026.
Ədəbiyyat siyahısı
[redaktə | vikimətni redaktə et]- Azərbaycan Respublikasının Cinayət Məcəlləsi. (az.). Bakı: Hüquq Ədəbiyyatı. 1999.
- Azərbaycan Sovet Ensiklopediyası (az.). X cild. Bakı: ASE Baş Redaksiyası. 1987. 435.