Citrus trifoliata

*Citrus trifoliata*
Citrus trifoliata
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Malvidlər Dəstə: Sabunağacıçiçəklilər Fəsilə: Sədokimilər Yarımfəsilə: Aurantioideae Cins: Sitrus Növ: Citrus trifoliata
Beynəlxalq elmi adı
	Citrus trifoliata L., 1763;
ITIS	511079
NCBI	37690

Citrus trifoliata (lat. Citrus trifoliata) — bitkilər aləminin sabunağacıçiçəklilər dəstəsinin sədokimilər fəsiləsinin sitrus cinsinə aid bitki növü.

Arealı

Mərkəzi Çində və Himalayda yayılmışdır.

Botaniki xarakteristikası

Yarpaqlarını tökən, çadırvari çətirə malik tikanlı kol, yaхud ağacdır. Budaqlarının qabığı yaşılımtıl-bozdur. Zoğları yaşıl, çılpaq, künclü və tikanlıdır. Üçər yarpaqları növbəli düzülüşlü, saplaqları qanadlıdır. Yarpaqcıqları oturaq, tərs yumurtavaridir. Aprel-may aylarında çiçəkləyir, meyvələri oktyabrda yetişir. Çiçək tumurcuqları hələ payızdan formalaşır və yazda yarpaqlamadan əvvəl çiçəkləyir. Çiçəkləri ağ olub, tikanların əsasında yerləşir. Meyvələri yumru, çoхtoхumlu giləmeyvədir, ətirlidir, yetişəndə qızılı-sarı rəng alır. Ləti acı-turşdur, yeyilmir, efir yağları ilə zəngindir.

Ekologiyası

Rütubət sevəndir. Şaхtaya davamlıdır.

Azərbaycanda yayılması

Lənkəran-Astara zonasında, eləcə də Şəki, Zaqatala, Gəncə şəhərlərində və Abşeron yarımadasında bitir.

İstifadəsi

Çiçəklədiyi və meyvələrinin yetişdiyi dövrdə olduqca dekorativ görünür. Canlı çəpərlərin salınmasında geniş istifadə edilir.

Sinonimləri

Homotipik sinonimləri

Bilacus trifoliata (L.) Kuntze
Poncirus trifoliata (L.) Raf.
Pseudaegle trifoliata (L.) Makino

Heterotipik sinonimləri

Aegle sepiaria DC.
Citrus trifolia Thunb.
Citrus trifoliata subf. monstrosa (T.Itô) M.Hiroe
Citrus trifoliata var. monstrosa T.Itô
Citrus triptera Desf.
Poncirus trifoliata var. monstrosa (T.Itô) Swingle
Poncirus trifoliata f. monstrosa (T.Itô) H.Hara
Pseudaegle sepiaria (DC.) Miq.

İstinadlar

Həmçinin bax