Məzmuna keç

Co Roqan

Vikipediya, azad ensiklopediya
Co Roqan
ing. Joseph James Rogan
Co Roqan 2026-cı ildə Ağ ev qəbulunda.
Co Roqan 2026-cı ildə Ağ ev qəbulunda.
Doğum tarixi 11 avqust 1967(1967-08-11)[1] (59 yaş)
Doğum yeri
Fəaliyyəti aktyor, cüdoçu, televiziya aktyoru, podkaster, taekvondoçu, kikboksçu, televiziya prodüseri[d]
Fəaliyyət illəri 1988-ci ildən
joerogan.com
Vikianbarın loqosu Vikianbarda əlaqəli mediafayllar

Co Roqan (ing. Joe Rogan) — amerikalı podkastçı, UFC-nin şərhçisi, komediyaçı, aktyor və keçmiş televiziya aparıcısı. O, dünyanın ən məşhur podkastlarından biri olan və 2020-ci ildən bəri Spotify-da ən çox izlənilən podkast olan "The Joe Rogan Experience" verilişinə aparıcılıq edir.[2]

Roqan Nyu-Cersi ştatının Nyuark şəhərində anadan olub və komediya karyerasına 1988-ci ildə Boston bölgəsində başlayıb. 1994-cü ildə Los-Ancelesə köçdükdən sonra Disney ilə eksklüziv inkişaf müqaviləsi imzalayıb və Hardball və NewsRadio da daxil olmaqla bir neçə televiziya şousunda aktyor kimi çıxış edib. 1997-ci ildə UFC-də müsahibə götürən və şərhçi kimi işləməyə başlayıb. O, özünün komediya janrında ilk xüsusi buraxılışı olan "Mən Bir Gün Ölü Olacam…"ı 2000-ci ildə yayımlayıb və 2001-ci ildən 2006-cı ilə qədər "Fear Factor" oyun şousuna aparıcılıq edib.

"Fear Factor"dan ayrıldıqdan sonra Roqan ayaqüstü komediya karyerasına diqqət ayırıb və daha çox komediya xüsusi buraxılışlarına aparıcılıq edib. O, 2009-cu ildə "The Joe Rogan Experience" verilişinə başlamışdır; 2015-ci ildə artıq bu şou, dünyanın ən məşhur podkastlarından biri olub və hər seriyada müntəzəm olaraq milyonlarla tamaşaçı qazanıb. Spotify 2020-ci ildə 200 milyon dollara "The Joe Rogan Experience" verilişinin eksklüziv yayım hüquqlarını əldə edib.[3] Roqanın auditoriyası o vaxtdan bəri xeyli artıb və 2024-cü ildə o, Spotify ilə müqaviləsini təxminən 250 milyon dollara yeniləyib, lakin artıq veriliş üçün Spotify eksklüziv hüquqlara malik deyildi.[4]

Roqan eynicinsli evlikliklərə, əyləncə üçün narkotiklərin qanuniləşdirilməsinə, universal səhiyyə xidmətinə, universal əsas gəlirə, silah hüquqlarına və söz azadlığına dəstəyini bildirmişdir, o, eyni zamanda ləğv mədəniyyətinə və hərbi macəraçılığa qarşı çıxmışdır. Roqan konspirasiya nəzəriyyələrini, COVID-19 ilə bağlı dezinformasiyanı, transfobiyanı təbliğ etdiyinə və dezinformasiya və yalan elm yayan qonaqları qəbul etdiyinə görə tənqid olunmuşdur.[5][6] Siyasətdə əvvəllər 2012-ci ildə Ron Paulu və 2020-ci ildə Berni Sandersi dəstəkləyən Roqan 2024-cü ildə Donald Trampı dəstəkləmişdir. Daha sonra o, Trampın bəzi siyasətlərini tənqid etmiş, buna baxmayaraq, eyni zamanda Trampla birlikdə ictimai tədbirlərdə iştirak etmişdir.[7]

İstinadlar

[redaktə | vikimətni redaktə et]
  1. 1 2 Black Belt (fin.). books.google.com.
  2. ↑ Spangler, Todd. "Joe Rogan Again Had the No. 1 Podcast on Spotify for 2024". Variety (ingilis). 4 dekabr 2024. 28 iyun 2025 tarixində arxivləşdirilib. İstifadə tarixi: 8 may 2025.
  3. ↑ Bissada, Mason. "Joe Rogan's Spotify Deal Allegedly Worth $200 Million, Doubling Initial Report". Forbes. 27 yanvar 2020. İstifadə tarixi: 5 yanvar 2023.
  4. ↑ Ugwu, Reggie. "Joe Rogan Renews at Spotify, but Will No Longer Be Exclusive". The New York Times. 2 fevral 2024. ISSN 0362-4331. 7 fevral 2024 tarixində arxivləşdirilib. İstifadə tarixi: 4 fevral 2024.
  5. ↑ Peniel E. Joseph. "Don't pretend you don't know what Joe Rogan is all about". CNN. 10 fevral 2022. 23 avqust 2024 tarixində arxivləşdirilib. İstifadə tarixi: 23 avqust 2024.
  6. ↑ Melanie McFarlad. "In Joe Rogan, Netflix continues mainstreaming misinformation and panic for laughs". Salon. 10 avqust 2024.
  7. ↑ Olinga, Luc. "Joe Rogan Feels Trump Betrayed Him on Immigration". gizmodo.com. Gizmodo. 5 iyul 2025. 10 iyul 2025 tarixində arxivləşdirilib. İstifadə tarixi: 6 oktyabr 2025.
Mənbə — "https://az.wikipedia.org/w/index.php?title=Co_Roqan&oldid=8988643"