Con Lord

Vikipediya, azad ensiklopediya
Jump to navigation Jump to search
Con Lord
ing. Jon Lord
Jon2 sunflower 2007.JPG
2007-ci il
Ümumi məlumatlar
Doğum adı Jonathan Douglas Lord
Doğum tarixi
Doğum yeri Lester, Böyük Britaniya
Vəfat tarixi (71 yaşında)
Vəfat yeri London, Böyük Britaniya
Vəfat səbəbi mədəaltı vəzin xərçəngi
Vətəndaşlığı Böyük Britaniya Böyük Britaniya
Musiqiçi məlumatları
Fəaliyyəti Müğənni, bəstəkar
Fəaliyyət illəri 1967-ci ildən
Janr Rok
Musiqi aləti elektron klaviatura[d], orqan, Hammond orqanı[d], orqan[d], piano, sintezator
Üzvlüyü
jonlord.org
Commons-logo.svg Vikianbarda əlaqəli mediafayllar

Con Lord (ing. Jonathan „Jon” Douglas Lord) — Deep Purple rok-qrupunda klavişdə ifası ilə məşhurlaşmış əfsanəvi musiqiçi.

Həyatı[redaktə | əsas redaktə]

Con Lord 1941-ci ildə Böyük Britaniyanın Lester qraflığında anadan olub. 5 yaşından pianoda çalmağa başlayıb. Dram məktəbinin məzunu olsa da, aktyor peşəsinə meyl göstərməyib və karyerasını bar və pablarda rok musiqinin ifası ilə davam etdirib.

1968-ci ildə həmkarı Kris Körtislə əfsənavi qrupun təməlini qoyan Con Lordun yaradıcılığına klassik musiqi ilə caz və blyuzun böyük təsiri olub. Belə ki, musiqiçi rok kompozisiyalarını yazmaqla yanaşı, klassik müsiqi əsərlərini də bəstələyib. 1969-cu ildə Londonun dəbdəbəli Albert Hall səhnəsinə qalxan Deep Purple qrupunun repertuarında klassik musiqinin çalarlarını açıq-aydın eşitmək mümkün idi. Lakin 70-ci illərdən başlayaraq getdikcə daha çox nəzərə çarpan rok elementi kollektivin özünəməxsus musiqi dəst-xəttinin təməlini qoyur.

1976-ci ildə qrup şəklində fəaliyyətini dayandırmış Deep Purple 8 il sonra yenidən birləşərək qlobal turnelərə çıxmağa başlayır. 150 milyon albomu satılan populyar qrupun tərkibi həmişə dəyişib. Hərçənd ki, Con Lord 2002-ci ilədək müsiqi kollektivinin dəyişməz üzvü qalıb.

2011-ci ildə xərçəng xəstəsi olduğunu bildirən Con Lord müalicə üsulu kimi musiqi bəstələyəcəyini elan edib. O, mədəaltı vəzi xərçəngi ilə mübarizə aparırdı.

Musiqiçi 2012-ci il iyulun 16-da London klinikasında 72 yaşında ailəsi və dostlarının əhatəsində dünyasını dəyişib[1].

İstinadlar[redaktə | əsas redaktə]