Con Ostin

Vikipediya, açıq ensiklopediya
Jump to navigation Jump to search
Con Ostin
ing. John Austin
John Austin.jpg
Doğum tarixi 3 mart 1790(1790-03-03)
Doğum yeri Creeting Mill, Suffolk Flag of England.svg İngiltərə
Vəfat tarixi 1 dekabr 1859 (69 yaşında)
Vəfat yeri Weybridge, Surrey Flag of England.svg İngiltərə
Vətəndaşlığı
Dövr XIX əsr
İstiqaməti Qərb fəlsəfəsi
Əsas maraqları Hüquq fəlsəfəsi
Təsirlənib Ceremi Bentam
Məktəbi Hüquqi pozitivizm

Con Ostin (ing. John Austin; 3 mart 1790, Creeting Mill, Suffolk, Böyük Britaniya1 dekabr 1859, Uaybridc, Surrey, Böyük Britaniya) — ingilis hüquqşünası.

Hüquqi pozitivizm prinsiplərinin nəzəri cəhətdən əsaslandırılması ilk dəfə Con Ostindən başlamışdır. Con Ostin Ceremi Bentamın utilitarizminin davamçısıdır. İngiltərəABŞ-ın hüquqi elmlərində Ostinin əsərlərinin təsiri altında analitik hüquqşünaslıq adı ilə tanınmış nümayəndəli məktəb formalaşmışdır.

Fəaliyyəti[redaktə | əsas redaktə]

Con Ostin 1832-ci ildə London Universitetində oxuduğu mühazirələrin bir hissəsini "Hüquqşünaslıq sahələrinin müəyyənləşdirilməsi" adı ilə kitab halında çap etdirmişdir[1]. Bütövlükdə onun "Hüquqşünaslıq və ya pozitiv hüquq fəlsəfəsi üzrə mühazirələr"i 1863-cü ildə ölümündən sonra nəşr edilmişdir.

Ostin təbii hüququ və dövlətdə fəaliyyətdə olan qanunlara qiymətləndirici yanaşmanı inkar etmirdi, ancaq bu problemləri hüquqşünaslıq hüdudlarından kənara çıxarmışdı. O, insanın cəmiyyətdə davranışını müəyyən edən qanunların aşağıdakı növlərini ayırırdı:

  • ilahi qanunlar — Ostin bu termini daha üstün tutur və təbii hüquqdan daha dəqiq hesab edirdi.
  • rəylərə əsaslanan pozitiv əxlaq qanunları — məsələn, vicdan qanunları
  • dövlət hakimiyyətinin təyin etdiyi pozitiv qanunlar

Göstərilən qanun növləri, müvafiq olaraq, etika və ya dentologiya, əxlaq elmi və hüquqşünaslıq kimi elmləri öyrənir.

İstinadlar[redaktə | əsas redaktə]

  1. Lectures on Jurisprudence, or, The Philosophy of Positive Law