Cozef Safra
| Cozef Safra | |
|---|---|
| ərəb. يوسف صفرا, port. Joseph Safra | |
 | |
| Doğum tarixi | 1939 |
| Doğum yeri | Hələb, Suriya |
| Vətəndaşlıq | Suriya və Braziliya |
| Peşəsi | bankir |
 Vikianbarda əlaqəli mediafayllar |
|
Cozef Safra (ərəb. يوسف صفرا, port. Joseph Safra; d. 1939, Hələb, Suriya) — ərəb əsilli yəhudi Braziliya bankiri[1], oliqarx[2]. 4-cü nəslinin nümayəndəsi[2] olduğu Safra ailəsinin sərvətini idarə edir.
Həyatı[redaktə | əsas redaktə]
Cozef Safra 1939-cu ildə Suriyanın Hələb[3] şəhərində anadan olmuşdur.
Braziliya və Livan vətəndaşı olan Cozef Safranın ailəsi 1952-ci ildə Braziliyaya köçərək San-Pauluda "Safra" bankını yaratmışdır. Cozef Safranın təşəbbüsləri sayəsində bu bank Braziliyada öz yerini tuta bilmişdir.
Amma uzun illər Braziliyada yaşamasına baxmayaraq o, bu ölkəni öz vətəni hesab etmir. O, heç də həmişə braziliyalılar üçün doğma dil olan portuqal dilində danışmır və bunun əvəzində ərəb, ivrit, ingilis, ispan və fransız dillərində danışır[2].
Maliyyə imperiyası[redaktə | əsas redaktə]
Hazırda onun maliyyə imperiyasının əsasını ilk növbədə "Banco Safra" (Braziliya), "J.Safra Sarasin" (İsveçrə) və "Safra National Bank of New York" (ABŞ) bankları təşkil edir[2]. Bundan əlavə, braziliyalı milyarder bütün dünya üzrə çox sayda daşınmaz əmlaka sahibdir. Ümumilikdə "Safra Group"un strukturlarının nəzarəti altında minimum 200 milyard dollar vardır[2].
Dünyanın ən varlı bankiri[redaktə | əsas redaktə]
2015-ci ildə Cozef Safranın sərvəti 15,7 milyard dollara çatmışdır. Bununla da, o, dünyanın ən varlı bankiri adına sahib olmuşdur[2].
Həmçinin bax[redaktə | əsas redaktə]
İstinadlar[redaktə | əsas redaktə]
- ↑ Dünyanın ən varlı 10 ərəbi. publika.az, 22.01.2014 (azərb.)
- ↑ 2,0 2,1 2,2 2,3 2,4 2,5 Cozef Safra: Dünyanın ən varlı bankiri. banker.az, 29.06.2016 (azərb.)
- ↑ Jerusalem Post: The world's 50 Richest Jews: 11-20 retrieved November 16, 2014
