Dünya Alpaqut Federasiyası

Vikipediya, azad ensiklopediya
Jump to navigation Jump to search
DAF
Dünya Alpaqut Federasiyası
Şüarı: Turan Döyüş Sistemləri
Döyüş sənətinin tam adı: Alpaqut - Turan Döyüş Sənəti
Yaranma tarixi: 2014
Banisi: Vasif Namazov
Xələfləri: Nizami Cəfərov
Sələfləri: Fərid Əlizadə
Müasir təşkilatları DAF: Azərbaycan Alpaqut Federasiyası, Türkiyə Alpaqut Federasiyası, Rusiya Alpaqut Federasiyası, Gürcüstan Alpaqut Federasiyası, Almaniya Alpaqut Federasiyası, Hindistan Alpaqut Federasiyası

Dünya Alpaqut Federasiyası və ya qısaca: DAF (ing. World Alpagut Federation (WAF)) — Alpaqut Turan Döyüş sənətini dünyada inkişaf etdirmək məqsədilə yaradılmış rəsmi beynəlxalq İdman təşkilatı.

Alpaqut sözünün mənası[redaktə | mənbəni redaktə et]

Mahmud Qaşqarlı tərəfindən Bağdadda 11-ci əsrdə (1072 – 1074 illər arasında) yazılan Türkcənin bilinən ən qədim ilk sözlüyü, ensklopediyası və dil bilgisi kitabı olan "Divanü Lüğat-it-Türk" (ərəb. ديوان لغات الترك, türk. Türk Ləhçələri Sözlüyü) kitabında “Alpaqut” sözü belə izah olunur:

“Alpagut” — tək başına düşmənə hücum edən və heç bir tərəfdən ələ keçməyən igid.

Həmçinin bu sözün alp (igid), qut (mübarəkli), muqqədəs sözlərinin birləşməsindən yaranıbː

Alpaqut' (tam adı: "Alpaqut" Turan Döyüş Sənəti) — Milli özünə məxsusluq hissini inkişaf etdirən və super etnomədəni fəlsəfəni milli düşüncə əsasında konsepsiyalaşdıran, eyni zamanada milli iftixar hissini ifadə edən bir döyüş sənətidir.

Alpaqut tarixi şərait baxmından böyük məsuliyyəti dərk edən və türk xalqlarının mədəni dünya görüşünü təmsil və təblig edən, milli döyüş ənənələrini inkişaf etdirən, xüsusilə qədim Türklərin ən yüksəkdə duran döyüş mədəniyyətini, muassir döyüş sənəti üzərində koonsepsiyalaşdıran, dərin fəlsəfi ideoloji mənası olan və sirli qalan bu döyüş mədəniyyətinin qlobal mədəniyyətə çıxışını təşkil edən, Turan döyüş sənətidir.

Alpaqut döyüş sənəti Türk xalqlarının qədimdən yaşayan döyüş sənətlərindən götürülmüş və müasir döyüş sistemləri ilə sintezləşdirilmişdir. Türk soylu xalqlarının qədim döyüş mədəniyyətinə malik, eyni zamanda yüksək təlim və İmtahan proqramlı, yarışma qaydaları 3 sistemdən ibarət bu döyüş sənətinin adının anlamı "Alpaqut" (Alp: döyüşçü, Qut: qutsal (kutsal), müqəddəs) — Müqəddəs Döyüşçü mənasındadır.

Alpaqut Turan Döyüş Sənəti, Türk Döyüş Sənətləri üzrə araşdırmaçı, Beynəlxalq Dərəcəli idman ustası Kutsan Vasif Namazov tərəfindən qurulmuşdur. Bu döyüş sənəti Türk xalqlarının döyüş sənətlərindən qaynaqlandığı üçün, Turan sözü əlavə olunmuşdur. (Turan: türksoylu xalqların vətəni ) Alpagut Turan Döyüş Sistemləri deyərkən, burada Alpagut Döyüş Sənətinin daxilində olan 3 sistemli yarışma qaydaları nəzərdə tutulur. Bu sistemlər belə adlanır: 1-ci sistem: Aypara, 2-ci sistem: Batur, 3-cü sistem: Caymaz. Qısa olara bu sistemləri əlifba sırasıyla A, B, C də adlandırmaq olar.

Yaranması[redaktə | mənbəni redaktə et]

2014-cü ilin əvvəlindən Alpaqut Turan Döyüş sənətinin qurucusu Kutsan Vasif NamazovFərid Əlizadə tərəfindən, Alpaqutun inkişafı məqsədilə  Dünya Alpaqut Federasiyası adında Beynəlxalq İdman Təşkilatının yaradılması qərarı verildi. Vasif Namazovun təşəbbüsünə əsasən Federasiyanın təsis olunmasında Gürcüstan Respublikasından Müşfiq Əliyev, Faiq Məmmədov, Azərbaycandan isə Fərid Əlizadə, Aqil AcalovVasif Namazovun özü iştirak etdi. 5 nəfərdən ibarət yaradılan idarə heyəti, federasiyaya ilk Prezident Fərid Əlizadəni seçdi və 12.02.2014-cü il tarixindən etibarən federasiya rəsmən qeydiyyatdan keçərək fəaliyyətə başladı.

2015-ci il tarixindən etibarən, Alpaqutun inkişafı naminə Dünya Alpaqut Federasiyasının yenidən formalaşmasına qərar verildi. 12.01.2015 ci il tarixində Fərid Əlizadə və federasiyanın strukturu istefa verdi. 18.03.2015 -ci il tarixində, Azərbaycan Atatürk Mərkəzində, Dünya Alpaqut Federasiyasının ümümi yığıncağı növbədənkənar qurultay çağırdı.

Toplantıda Dünya Alpaqut Federasiyasının İdarə heyətinin tərkibi aşağıdakı kimi müəyyən olundu: 1. Araz Abdullaev 2. Asiman Abdurrahmanov 3. Kamil Yusubov 4. Faiq Məmmədov 5. Arzu Eyvazov 6. Anar Khalilov 7. Elnur Hüseynov 8. Əkbər Goşalı 9. Vasif Namazov

Alınan qərarlara görə, Azərbaycan Respublikasının Deputatı Nizami Cəfərov Dünya Alpaqut Federasiyasının yeni Prezidenti seçildi. "Başad" titulu ona təqdim olundu. Qurumun bundan əvvəlki Prezidenti iş adamı Fərid Əlizadə isə Dünya Alpaqut Federasiyasının Fəxri Prezidenti elan olundu. "Toraman Başad" titulu ona təqdim edildi.

9 Yanvar 2015 tarixində Federasiyanın 1-ci Vitse-Prezidenti Kürşad Araz Abdullayev Dünya Alpaqut Federasiyasının Hüquq məsələləri üzrə Vitse-Prezident vəzifəsinə keçdi. Dünya Federasiyasının 1-ci Vitse-Prezidenti Azərbaycan Respublikasının Deputatı Qənirə Paşayeva təyin olundu. Federasiyanın tarixində ilk dəfə olaraq qadına verilən "Umay Xatun" titulu Qənirə Paşayevaya təqdim edildi. 2017-ci ilin Oktyabr ayından Fərid Əlizadə DAF Fəxri Prezidentlik kürsünü geri verdi və Beynəlxalq Turan Oyunları Komitəsini Vasif Namazov və Azər Həsənsoyla bərabər qurdu.

Qeyd: Dünya Alpaqut Federasiyası adında fəaliyyət göstərən Beynəlxalq İdman təşkilatının yaradılmasının əsas məqsədi Alpaqut Turan Döyüş Sənətinin dünyada inkişafını təmin etmək və eləcə də bu fonda əsl döyüş sənəti mədəniyyətinin Turan coğrafiyasında qədim türklərə aid olduğunu göstərmək və qədim türk döyüş ənənələrini dünyaya tanıtmaqdan ibarətdir.

Təşkilati Struktur[redaktə | mənbəni redaktə et]

Qədimdə türklər dövrümüzdəki vəzifələri titul şəklinə çevirərək, insanların vəzifə və borclarını müəyyən edirmişlər. Alpaqut Federasiyasının bəzi məsul şəxsləri də bu cür titullara sahibdirlər.

  • DAF Prezident — "Başad" Nizami Cəfərov (Azərbaycan)
  • DAF 1-ci Vitse-Prezident — "Umay Xatun" Qənirə Paşayeva (Azərbaycan)
  • DAF Hüquq məsələləri üzrə Vitse-Prezident — Araz Abdullayev (Azərbaycan)
  • DAF Beynəlxalq Əlaqələr üzrə Vitse-Prezident — Emil Rəhimov (Azərbaycan)
  • DAF Aypara sistemi üzrə Koordinator — Marina Belyaeva (Rusiya)
  • DAF Batur sistemi üzrə Koordinator — Alireza Nabupour (İİR)
  • DAF Caymaz sistemi üzrə Koordinator — Faiq Məmmədov (Gürcüstan)
  • DAF Qurşaq sistemi üzrə Koordinator — Yüksel Arslan (Türkiyə)
  • DAF Kaçut sistemi üzrə Koordinator — Bülent Büyük (Türkiyə)
  • DAF Texniki direktor — Tuncay Meriçli (Almaniya)
  • DAF NTK Sədri — Betül Altıntaş (Türkiyə)
  • DAF Baş katib — Amancol Tuberov (Qazaxıstan)
  • DAF Hakimlər Kom. sədri — Namiq Fast (Almaniya)
  • DAF Audit Komissiyası — Arzu Eyvazova (Azərbaycan)

Beynəlxalq Yarışlar[redaktə | mənbəni redaktə et]

24-25.11.2017-ci il tarixində Azərbaycan Respublikasında, Bakı Şəhərində, Alpaqut üzrə 2-ci Dünya Alpaqut Kuboku 2017 adı altında yarış keçirmişdir. 2018-ci ildə 1-ci, 2019-cu ildə isə 2-ci Dünya Alpaqut Çempionatını Bakı şəhərində keçirmişdir. 3-cü Dünya Alpaqut Çempionatı Türkiyənin Bursa şəhərində 20-22 Noyabr tarixində gerçəkləşdiriləcəkdir.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]