Dərinlik fatsiyaları

Vikipediya, açıq ensiklopediya
Jump to navigation Jump to search
Dərinlik fatsiyaları
Elm Geologiya

Dərinlik fatsiyaları – dərinliyinə görə müxtəlif şəraitilərdə əmələ gələn metamorfik və metasomatik süxur seriyası. D.S.Korjinskiyə (1940) görə, dərinliyin əlaməti tərkibində CaO olan minerallar və birləşmələrin ardıcıl pozulma sıra üzvlərinin olub-olmama­sıdır. Çünki dərinlik artdıqca kalsiumla zəngin mineral metasomatik ardıcıllıqla kalsiumla kasıb olan  minerallarla əvəz olunurlar. Korjinski kalsium-maq­neziumlu süxurlar üçün 6 dərinlik fatsiyası ayırır: larnit-mervinit, qelenit-montiçel­lit, periklaz, vollastonit, qrossulyar, qrosulyarsız (dayanıqlı andraditlə). Birinci iki dərinlik fatsiyaları hipabissal, qalanları isə abbissal dərinlik fatsiyalarına aiddir. Ca və Al2O3 ilə zəngin olmayan, SiO2 ilə doymuş süxurlar üçün aşağıdakı fatsiyalar ayrılır: 1) almandinsiz roqoviklər (hipabissal), 2) almandinli roqoviklər, 3) eklogit, 4) qranitli amfibolitlər, 5) hiperstenli qneyslər (ən dərin). Dərinlik fatsiyaları ayrılması dərinliyin artması ilə karbon qazının təzyiqinin kəskin artmasına əsaslanır.

Mənbə[redaktə | əsas redaktə]

  • Geologiya terminlərinin izahlı lüğəti. — Bakı: Nafta-Press, 2006. — Səhifələrin sayı:  679.