Dəyanət Osmanlı

Vikipediya, açıq ensiklopediya
Jump to navigation Jump to search

Dəyanət Osmanlı (Bayramov Dəyanət Osman oğlu) - Azərbaycan Yazıçılar Birliyinin üzvü, şair, jurnalist və publisist.

Dəyanət Osmanlı

1965-ci il iyunun 16-da Gürcüstanda, Bolnisi rayonunun Saraclı kəndində anadan olub. Burada kənd orta məktəbini bitirdikdən bir il sonra Sumqayıtda fəhlə işləyib. Ordu sıralarında xidmət edib (1983-1985). M.Ə.Rəsulzadə adına Bakı Dövlət Universitetinin jurnalistika fakültəsində təhsil alıb (1986-1991). Əmək fəaliyyətinə "Mübarizə" qəzetində şöbə müdiri kimi başlayıb. "Fəryad" qəzetində şöbə redaktoru (1990-1992), "Azərbaycan" qəzetində müxbir(1992), Milli Məclisin orqanı olan "Azərbaycan" qəzetində parlament müxbiri (1992-2005) vəzifəsində çalışıb.

Ədəbiyyata gəldiyi 90-cı illərdən modern üslublu yenilikçi şair kimi tanınıb. "Köhnəlir ayaq izlərim", "Yarı yolda qalan məktub", "Söhbət" adlı ilk şeirləri "Ulduz" jurnalında (1990, №4)və s. dərc olunub. Bundan sonra "Ulduz", "Azərbaycan", "Xəzər" jurnallarında və "Ədəbiyyat və incəsənət", "Yol" və digər mətbuat orqanlarında, "Min beş yüz ilin Oğuz şeri" antalogiyasında və digər almanaxlarda şeirləri, publisistik məqalələri ilə vaxtaşırı çıxış edib. 1992-ci ildə qurulan "2+" ədəbi cərəyanının yaradıcılarından biri kimi bütün ədəbi standartlardan imtina edib. Sonradan - 1992-1998-ci illərədə gənc yazıçıların "Avanqard" Ədəbi Birliyini yaradaraq ona rəhbərlik edib. Əsərləri bir-neçə xarici dilə tərcümə olunub.

1996-cı ildə Azərbaycan Yazıçılar Birliyinə üzv qəbul olunub.1997-ci ildə Azərbaycan Yazıçılar Birliyinin İdarə Heyətinin üzvü seçilib . "Ağ kitab" (1997), "İlk... Və... Son..." (2009). "Nəfəsimin qatili" (2015), "The Sound of Blood" 2015, (ingilis dilində) adlı şeir kitabları və bir sıra publisistik kitabı nəşr edilib. Yüzlərlə kitabın redaktoru olub.2008-ci ildə Azərbaycan Respublikası Prezidentinin təqaüdünə layiq görülüb. 2010-cu ildə yaradılan "Türk dünyası İnfo" ictimai birliyinin təsisçisi və rəhbəri. www.turkinfo.org saytının baş redaktorudur. 2006-cı ildən Azərbaycanda Atatürk Mərkəzinin baş redaktoru olaraq fəaliyyət göstərir.

Kitabları[redaktə | əsas redaktə]

  1. “Ağ kitab” (D.Osmanlı).Bakı.1997.
  2. “Türkiyə Atatürkün, Azərbaycan Heydər Əliyevin əsəridir” (Prof. N.Cəfərovla müsahibələr). Bakı, 2003.
  3. “İlham Əliyev” . Bakı.2004.
  4. “Azərbaycan: Heydər Əliyevdən İlham Əliyevə” .  Bakı, 2004.
  5.  “Nizami Cəfərov”. Bakı, 2005.
  6.  “Atatürk Mərkəzi”. Bakı,2008.
  7.  “Osmanlı Sultanları”. Bakı, 2008.
  8.  “İlk... Və... Son...”. Bakı, 2009.
  9.  “Türk dünyasının yeni lideri” Bakı, “Çaşoğlu”, 2009.
  10. “Türk Dünyasının birliyi ideyası və Heydər Əliyev” Bakı, 2011.
  11. “İmperiyadan Cümhuriyyətə” (müəllif - layihə rəhbəri). Bakı, 2012.
  12. Atatürkün Azərbaycan Siyasəti (Nizami Cəfərov, Mehmet Akif Tural). (Layihə rəhbəri ). Bakı, 2013.
  13. “Çağdaş seçkin Azerbaycan Şiiri” (Türkiyə türkcəsində). (Tərtibçi və layihə rəhbəri). Bakı, 2014.
  14. “Çağdaş Azərbaycan poeziyası” (gürcü dilində). (Tərtibçi və layihə rəhbəri). Bakı, 2015.
  15. “Nəfəsimin qatili”. Bakı, 2015.
  16. “The Sound of Blood”. Baku, 2015.
  17. “Müstəqilliyin 25 ili:Azərbaycançılıq ideyası və dil siyasəti”  (Tərtibçi və layihə rəhbəri). Bakı, 2016.
  18. "Azərbaycan-Gürcüstan: dostluğun inkişaf yolu" (Tərtibçi və layihə rəhbəri). Bakı, 2017.

Ödülləri[redaktə | əsas redaktə]

  1. Azərbaycan Respublikası Prezidentinin təqaüdçüsü (2008).
  2. TÜRKSOY - “Təşəkkür Bəlgəsi” (2014).
  3. TÜRKSOY – “Təşəkkür Bəlgəsi” (2015).
  4. TÜRKSOY - Təşəkkür Bəlgəsi" (2017).