Dəymədağlı (Oğuz)

Vikipediya, açıq ensiklopediya
Keçid et: naviqasiya, axtar
Kənd
Dəymədağlı
A-Oguz.PNG
Oğuz rayonu
Ölkə Azərbaycan
Rayon Oğuz
Koordinatlar 40°58′25″ şm. e. 47°38′16″ ş. u. / 40.97361° şm. e. 47.63778° ş. u. / 40.97361; 47.63778Koordinatlar: 40°58′25″ şm. e. 47°38′16″ ş. u. / 40.97361° şm. e. 47.63778° ş. u. / 40.97361; 47.63778
Saat qurşağı UTC+04:00
Xəritəni aç/bağla
Dəymədağlı (Oğuz) (Azərbaycan)
Red pog.png

DəymədağlıAzərbaycan Respublikasının Oğuz rayonunun inzibati ərazi vahidində kənd. Rayon mərkəzindən 25 km cənub-şərqdə, Sincan kəndinin şərqində yerləşir. Sincan kənd inzibati Ərazi Dairəsinə daxildir.

Etimologiyası[redaktə | əsas redaktə]

Mənbələrdə kəndin adının Qarabağın elat tayfalarından biri olan Kolanı tayfasının Dəymədağlı qolunun bu ərazidə məskunlaşması nəticəsində yarandığı qeyd olunmuşdur. Tayfa oz adını Zəngəzurdakı Dəymədağlı kəndinin adından götürmüşdür. [1] Kəndin yaşlı sakinləri əcdadlarının Qarabağ mənşəli olduqlarını, bu əraziyə Nadir şahın Qarabağın elat tayfalarına qarşı cəza tədbirlərindən qaçdıqları zaman gəldiklərini bildirirlər.

Digər bir ehtimala görə kəndin keçmiş adı Dəymədağlı Molla Vəli olmuşdur. Yaşayış məntəqəsi Mollalı (əsl adı Mollavəli) kəndindən çıxmış dəymədağlı tayfasına mənsub ailələrin məskunlaşması nəticəsində yaranmışdır. Etnotoponimdir. Mənbələrdə bu etnonimin dəmyədağlı variantına da təsadüf olunur. Dəmyə (əkilməmiş, xam, yüksək məhsuldarlıqlı) və dağlıq (dağlıq ərazidə yaşayan) komponentlərdən ibarət olan bu etnonim "xam torpaqlı dağlıq ərazidə yaşayanlar" mənasındadır. Tədqiqatçılar bu sözü dəymə (dağ ətəyində mal-qaranın saxlandığı yer) və "dağ" komponentlərinin birləşməsi kimi qəbul edirlər.[2]

Dəymədağlı toponiminin maldarlıqla əlaqədar yarandığı da güman edilir. Türk dillərində “dəymə” (daima) - “heyvanın saxlanılması üçün yer” mənasındadır. “Dəymədağ” (lı)- “ətəyində heyvan saxlanılan yer (dəymə) olan dağ” deməkdir [3].

Əhalinin məşğuliyyəti[redaktə | əsas redaktə]

Kəndin əhalisi (308 nəfər) heyvandarlıq, əkinçilik, bağçılıqtərəvəzçiliklə məşğul olur.

Oğuz–Mollalı, Şəki-Qəbələ avtobus marşrutları kəndin yaxınlığından keçir.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. B.Ə.Budaqov, Q,Ə.Qeybullayev. "Ermənistanda Azərbaycan mənşəli toponimlərinin izahlı lüğəti. Bakı-1998, səh.231.
  2. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  3. Nadir Məmmədov, ”Azərbaycanın yer adları”, Bakı, 1993, səh.93