Daşkənd Televiziya Qülləsi

Vikipediya, açıq ensiklopediya
Keçid et: naviqasiya, axtar
Daşkənd Televiziya Qülləsi
özb. Toshkent Teleminorasi
Ташкентская телебашня - Tashkent Tower - Toshkent teleminorasi.jpg
Ölkə Flag of Uzbekistan.svg Özbəkistan
layihə müəllifi Terxiev, Çaruçov & Semaşko firması
Memar Y.P.Semaşko, I.N.Terziev-Çarukov
Tikilmə tarixi 19781985
Hündürlük 375 m
Material polad
Vəziyyəti istifadə olunur

Özbəkistanın paytaxtı Daşkənddə yerləşən Daşkənd Televiziya Qülləsi (özb. Toshkent Teleminorasi) 375 metr hündürlüyü ilə dünyanın 11-ci ən hündür televiziya qülləsidir. Tikintisinə 1978-ci ildə başlanmış və 6 il davam edərək 15 yanvar 1985-ci ildə tamamlanmışdır. Qüllə 1985-ci ildən 1991-ci ilədək dünyanın üçüncü ən hündür qülləsi idi. Bundan başqa televiziya qülləsinin tikintisi qərarı 1971-ci sentyabrın 1-də qərara alınmışdır. Qüllə poladdan tikilmişdir. Qüllənin dizaynı Terxiev, Çaruçov & Semaşko firması tərəfindən verilmişdir.

İstifadəsi[redaktə | əsas redaktə]

Qüllə, əsasən, televiziya və radio yayımı məqsədiylə istifadə edilir. Siqnallar hətta Daşkəndin ən uzaq vilayətlərindən Qazaxıstanın bəzi regionlarına da çata bilir. Qüllə həmçinin dövlət təşkilatları və departamentləri ilə əlaqə məqsədiylə də istifadə olunur. Burada həmçinin hidrometeoroloji stansiya kompleksi də fəaliyyət göstərir.