Daşkəsən qəzeti — SSRİ dövründən Daşkəsəndə nəşr olunan qəzet[1]. Qəzet Daşkəsən Rayon İcra Hakimiyyətinin mətbu orqanıdır. Daşkəsən rayonunun yerli mətbuat orqanı olan "Daşkəsən" qəzeti 1933-cü ildə Daşkəsən rayon partiya komitəsinin oqranı kimi təsis edilmişdir. Qəzet 1991-ci il oktyabrın 18-dək rayon partiya komitəsinin, 1991-ci ildən 1997-ci ilədək müstəqil ictimai-siyasi qəzet və 1997-ci ildən hal-hazıradək Daşkəsən Rayon İcra Hakimiyyətinin mətbu orqanı kimi fəaliyyət göstərir. "Daşkəsən" qəzeti 1999-cu ildə Mətbuat və İnformasiya Nazirliyində qeydiyyatdan keçib. Ayda bir dəfə dərc edilir. Tirajı 500 nüsxədir. Rəngli çap olunur. Qəzetin hazırkı baş redaktoru Azərbaycan Yazıçılar Birliyinin üzvü, prezident təqaüdçüsü, şair-tərcüməçi, tənqidçi Elmar Vüqarlıdır (Əliyev Elmar Nurəddin oğlu).
