Məzmuna keç

Daşrat Manci

Vikipediya, azad ensiklopediya
Daşrat Manci
ing. Dashrath Manjhi
Doğum tarixi 1934(1934)
Doğum yeri
Vəfat tarixi 17 avqust 2007(2007-08-17) (72–73 yaşında)
Vəfat yeri
Vəfat səbəbi Öd kisəsin bəd xassəli şişi
Fəaliyyəti İşçi, fermer
Vikianbarın loqosu Vikianbarda əlaqəli mediafayllar

Daşrat Manci (ing. Dashrath Manjhi; 1934, Qaya (rayon), Britaniya imperiyası – 17 avqust 2007, Yeni Dehli) və ya "Dağ adamı" (ing. Mountain Man[1][2]) — Hindistanın Bihar ştatının Qaya şəhəri yaxınlığında yerləşən Gehlor (ing. Gehlaur) kəndində kasıb bir ailədə anadan olmuşdur.[3] Onun ailəsi aşağı kastalardan biri olan musahar icmasına mənsub olmuşdur.[1]

Daşrat Mancinin həyat yoldaşı Falquni Devi lazımi tibbi yardımı vaxtında ala bilmədiyi üçün vəfat etmişdir. Çünki onların kəndindən yaxınlıqdakı tibbi yardım göstərilən şəhərə yol Gehlor Qanj (ing. Gehlaur Ganj) adlı uzun dağ silsiləsinin ətrafından keçirdi və bu məsafə 70 kilometrdən çox idi.[4]

Arvadının taleyini başqa heç kimin yaşamamasını istəyən Daşrat təkbaşına möhkəm kvarsit süxurlarından[5] ibarət olan bu dağ massivini yararaq 110 metr (360 fut) uzunluğunda, 9,1 metr (30 fut) enində və 7,6 metr (25 fut) dərinliyində keçid açmışdır. O, bu işi hər gün fasiləsiz olaraq 22 il ərzində — 1960-cı ildən 1982-ci ilə qədər — davam etdirmişdir. Nəticədə Qaya rayonunun Atri (ing. Atri) və Vəzirqan (ing. Wazirganj) regionları arasındakı məsafə 70 kilometrdən cəmi 1 kilometrə enmişdir.[4][6]

Daşrat Manci 17 avqust 2007-ci ildə xərçəng xəstəliyindən vəfat etmişdir.[7] Onun dəfni Bihar ştatı hökuməti tərəfindən təşkil edilmiş və bu, onun xidmətlərinə verilən rəsmi qiymət olmuşdur.[7]

2011-ci ildə Daşratın açdığı keçiddən keçən abadlaşdırılmış yol çəkilmişdir.

Xatirəsi

[redaktə | vikimətni redaktə et]

2016-cı il dekabr ayının 26-da Hindistan poçtu "Biharın tanınmış şəxsləri" seriyasından Daşrat Mancinin portreti ilə marka buraxmışdır.[8]

Populyar mədəniyyətdə

[redaktə | vikimətni redaktə et]

2010-cu ilin iyul ayında hindistanlı kinorejissor Maniş Cha Daşrat Mancinin hekayəsinə əsaslanan «Manci» (ing. Manjhi) adlı film çəkmək niyyətində olduğunu açıqlamışdır. Filmin prodüseri 2010-cu ildə çəkilmiş «Udaan» filmi ilə tanınmış Sancay Sinqh olmuş, baş rolu isə aktyor Manoj Baypai ifa etməli idi.[9] Daşrat Mancinin hekayəsi həmçinin "Satyamev Jayate" adlı televiziya şousunun bir buraxılışında da təqdim olunmuşdur.[10][11]

2015-ci il avqust ayının 21-də hindistanlı kinorejissor Ketan Mehtanın Daşratın həyatına həsr olunmuş "Manci — dağ adamı" (ing. Manjhi: The Mountain Man) adlı bioqrafik filmi dünya ekranlarına çıxmışdır. Filmdə baş rolu isə Navazuddin Siddiqi ifa etmişdir.[12]

Əsərlər

[redaktə | vikimətni redaktə et]
  • Aleksandr Lanin. "Daşrat Mancinin həyatı" (PDF). Xarici dalanlar (rus. Зарубежные задворки) (jurnal) (1 (fevral)). 2013. 233/. 4 mart 2016 tarixində arxivləşdirilib (PDF).
  • Aleksandr Lanin. "Daşrat Mancinin həyatı. Oxuyur Valeri Qrinkov". Rusiya-Başqırdıstan Radiosu və Stihi.lv Beynəlxalq Ədəbi Müsabiqə Portalının müştərək audio layihəsi (rus. Совместный аудиопроект Радио России-Башкортостан и Международного литературного конкурсного портала Stihi.lv).
  • Denis Mart. "İyirmi iki". 9 mart 2018 tarixində arxivləşdirilib.

Qalereya

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 "The Mountain Man" (ingilis). The Viewspaper. 28 sentyabr 2007. 31 oktyabr 2012 tarixində arxivləşdirilib. İstifadə tarixi: 22 sentyabr 2012.
  2. ↑ Santosh Singh. "The man who made way for progress" (ingilis). 1 iyul 2012. 31 oktyabr 2012 tarixində arxivləşdirilib. İstifadə tarixi: 22 sentyabr 2012.
  3. ↑ Avinash Celestine. "Love's labour brings down hill" (ingilis). 24 may 1997. 31 oktyabr 2012 tarixində arxivləşdirilib. İstifadə tarixi: 22 sentyabr 2012.
  4. 1 2 Alok Kumar. "Mountain man Dashrath Manjhi dies in Delhi". Hindustan Times (ingilis). 23 avqust 2007. 19 yanvar 2013 tarixində arxivləşdirilib.
  5. ↑ "District Resource Map, Gaya and Jahanabad, Bihar". Government of India. 2001. 20 may 2021 tarixində arxivləşdirilib. İstifadə tarixi: 23 may 2021.
  6. ↑ "CM visits ailing Dashrath Manjhi". The Times Of India (ingilis). 23 iyul 2007. 20 yanvar 2025 tarixində arxivləşdirilib. İstifadə tarixi: 24 avqust 2025.
  7. 1 2 "Mountain man dies with unfulfilled dreams". DNA India (ingilis). 18 avqust 2007. 8 fevral 2013 tarixində arxivləşdirilib. İstifadə tarixi: 25 avqust 2015.
  8. ↑ India Post, 2016
  9. ↑ "One film at a time: Sanjay Singh". The Times of India (ingilis). 19 iyul 2010. 23 aprel 2014 tarixində arxivləşdirilib. İstifadə tarixi: 18 sentyabr 2012.
  10. ↑ Gayatri Sankar. "Satyamev Jayate: When Aamir Khan met the unsung heroes of India" (ingilis). 30 iyul 2012. 1 noyabr 2012 tarixində arxivləşdirilib. İstifadə tarixi: 18 sentyabr 2012.
  11. ↑ "The power of one can move a mountain, literally" (ingilis). The Hindu. 30 iyul 2012. 20 may 2014 tarixində arxivləşdirilib. İstifadə tarixi: 18 sentyabr 2012.
  12. ↑ "Nawazuddin to play lead in Ketan Mehta's Mountain Man". Bollywood hungama (ingilis). 16 avqust 2012. 4 mart 2016 tarixində arxivləşdirilib. İstifadə tarixi: 18 sentyabr 2012.

Ədəbiyyat siyahısı

[redaktə | vikimətni redaktə et]

Xarici keçidlər

[redaktə | vikimətni redaktə et]
  • 24°52′38″ şm. e. 85°14′35″ ş. u.HGYO — Daşrat Mancinin Racgir təpələrinin süxur massivində açdığı keçidin yerləşdiyi yer
Mənbə — "https://az.wikipedia.org/w/index.php?title=Daşrat_Manci&oldid=8461845"