Dairəvi Günbəd türbəsi

Bu məqalə Dairəvi Günbəz türbəsi məqaləsinə çox yaxındır və hər ikisinin eyni başlıq altında birləşdirilməsi mümkündür.

Dairəvi Günbəd türbəsi
Ölkə	İran
Şəhər	Marağa
Aidiyyatı	Böyük Səlcuq imperiyası
Tikilmə tarixi	1167, aprel
Üslubu	Səlcuqlu memarlığı Naxçıvan-Marağa memarlıq məktəbi
Dairəvi Günbəd türbəsi

Dairəvi Günbəd Türbəsi – İranın Marağa şəhərində, hicri 563 – cü ilin rəcəb ayında (miladi 1167 aprel ayı) inşa edilmiş türbə.

Kürsülüyü iri daş lövhələrlə üzlənmiş dairəvi günbədin silindrik gövdəsi kərpicdən hörülmüşdür. Onun plan biçimi bayırda dairəvi olduğu halda içəridə onbucaqlıdır. İç üzlərin hər birində dayaz tağça verilmiş, şimal üzü qapı üçün ayrılmışdır. Dairəvi Günbəd də digər Marağa türbələri kimi ikiqatlıdır. Türbənin sərdabəsi daş kürsülüyün içərisindədir. Kərpic qüllənin yuxarısı dağılmışdır. Buna baxmayaraq türbənin silindrik qülləsinin içəridə sferokonik, bayırda konusvari günbəzlə tamamlandığı bəllidir.

XI – XIII əsr Azərbaycan memarları silindrik tutuma girişin monumental baştağ şəklində birləşdirilməsi yolu ilə uğurlu memarlıq-məkan həllini işləyib hazırlamışdılar. Dairəvi Günbəddə baştağ iri ölçülü olmaqla türbənin ən zəngin bəzəkli elementidir. Kaşı lövhələri baştağın kufi xəttli gözəl kitabələrinə və həndəsi quruluşlarına uğurla daxil edilmişdir.

Həmçinin bax

• Azərbaycan memarlığı
• Türbə