Dalğa Gənclər Hərəkatı

Vikipediya, açıq ensiklopediya
Jump to navigation Jump to search
Infobox museum pictogram.png
Dalğa Gənclər Hərəkatı
Dalğa Gənclər Hərəkatı
[[Şəkil:DALĞA logo.png|100px]]
Növü Qeyri-hökümət təşkilatı
Yaranma tarixi 2005
Rəsmi dili Azərbaycan
SədriHacı Zeynallı
Üzvləri600 (2012)
www.dgh.az

Dalğa Gənclər Hərəkatı (Dalğa GH) (ing. Dalga Youth Movement) — Azərbaycanda maariflənmə yönündə fəaliyyət göstərən hərəkat.

Tarixi[redaktə | əsas redaktə]

12 fevral 2005-ci ildə Azərbaycan Dövlət İqtisad Universitetinin bir qrup tələbəsi Azərbaycanda liberal dəyərlərin yayılması, gənclərin, Azərbaycanın demokratikləşməsi, vətəndaş cəmiyyəti və hüququ dövlət quruculuğu istiqamətində aktiv iştirakını təşkil etmək üçün hər hansı bir qurumun yaradılması təklifi ilə çıxış etmişdir. Tezliklə Azərbaycanın digər universitetlərindən 130-dan çox gənc bu ideyaya qoşulmuşdur ki, onlardan 41-nin iştirakı ilə yeni bir qurumun təşkilat komitəsi yaradılmışdır (5 aprel, 2005-ci il). Təşkilat komitəsi qurumun adını Dalğa Gənclər Hərəkatı, fəaliyyət istiqamətini isə ictimai sektorda fəaliyyət göstərən QHT olunması qərarını qəbul etmişdir. 2005-ci il aprel ayının 22-də Dalğa Gənclər Hərəkatı cəmiyyətə öz priaritetlərini açıqlamış və bu priaritetlər əsasında bu günə qədər fəaliyyət göstərməkdədir.

Məqsəd və vəzifəsi[redaktə | əsas redaktə]

Dalğa GH-nin məqsədi Azərbaycanda demokratik, hüquqi dövlət quruculuğu işinə, mülki cəmiyyətin yaradılmasına kömək etməkdir. Bunlardan başqa Dalğa GH-nın məqsədlərinə cəmiyyətdə sağlam düşüncəli və vicdanlı vətəndaş ideyasının təbliği, insanlar arasındakı münasibətlərdə humanist dəyərlərin formalaşdırılması, yəni, vətəndaşların bir-birilərinə hörmət və səmimiyyətin aşılanması, həmçinin, gənclər arasında elmə və təhsilə həvəsin, ictimai fəallığın artırılması, gənclərin fiziki, əqli və mənəvi inkişafına şərait yaradılması daxildir.

Bu məqsədlərə çatmaq üçün Dalğa GH aşağıdakıları həyata keçirir:

  • Şəxsiyyətin hüquq və azadlıqlarının, şərəf və ləyəqətinin hərtərəfli müdafiəsinə, vətəndaşların özünə inam və hümanitar əlaqələrinin inkişafına kömək edir.
  • Gənclərin ictimai fəallığının artırılması üçün təlimlər keçirir, tədbirlər təşkil edir;
  • İnsan hüquqları, liberal dəyərləri və demokratik prinsipləri cəmiyyətdə təbliğ və müdafiə edir;
  • İnsan hüquqlarının təbliğinə, təhsilin inkişafına dair müxtəlif layihələrdə iştirak edir;
  • Təhsilin səviyyəsi ilə bağlı monitorinqlər həyata keçirir;
  • Azad, demokratik, hüquqi, dünyəvi, sivil və liberal yönümlü dövlətin qurulması naminə birgə səy göstərmək istəyən Azərbaycan vətəndaşlarını öz ətrafında birləşdirmək və hərəkatın işinə cəlb edir.
  • Təhsildə yeniliklərlə bağlı öz təkliflərini hazırlayır və əlaqədar qurumlara təqdim edir;
  • Həyatın bütün sahələrində qadın və kişilərin hüquq bərabərliyinin təmin edilməsinə kömək göstərir;
  • Müxtəlif mədəni tədbirlər təşkil edir;
  • Müxtəlif xeyriyyə məqsədli tədbirlər təşkil edir;
  • Vətəndaşların, xüsusilə gənclərin cəmiyyətə və ümumiyyətlə insanlığa xeyir verə biləcək fəaliyyətinə kömək göstərir;
  • Ətraf mühitin mühafizəsi məqsədilə ekoloji maarifləndirmə aparır;
  • Öz məqsədlərinə uyğun fəaliyyətlə məşğul olan digər təşkilatlarla əməkdaşlıq edir.
  • Qanunla qadağan olunmayan digər fəaliyyət sahələri ilə məşğul olur

Strukturu[redaktə | əsas redaktə]

  • Qurultay
  • Geniş Toplantı
  • İdarə Heyəti (İH)
  • Mərkəzi Nəzarət Təftiş Komissiyası (MNTK)

Fəaliyyət[redaktə | əsas redaktə]

Dalğa GH-nın fəaliyyətinə Qurultayın qərarına əsasən xitam verilir (Qurultay iştirakçılarının 2/3 səs çoxluğu ilə) və yaxud «Qeyri-Hökumət Təşkilatları (İctimai Birliklər və Fondlar) Haqqında» Azərbaycan Respublikasının Qanunu və Azərbaycan Respublikasının digər qanunvericilik aktlarına əsasən məhkəmə qərarı ilə xitam verilə bilər.

Dalğa GH-nın fəaliyyətinə xitam verildikdən və ya ləğv edildikdən sonra onun bütün əmlakı müvafiq qanunvericiliyə uyğun Nizamnamədə və Əsasnaməsində nəzərdə tutulan məqsədlərə yönəldilir. Dalğa GH-nın fəaliyyətinə xitam verilməsi və ya ləğvi barədə KİV-də məlumat verilir.

Həmtəsisçilər[redaktə | əsas redaktə]

Dalğa GH-nın 10 rəsmi həmtəsisçisi vardır. Həmtəsisçilər Dalğa GH-nın Qurultayında və Geniş Toplantısında iştirak hüququna malikdir. Hərəkatın həmtəsisçisi əgər hər hansı bir sturukturda təmsil olunmayıbsa, və ya hərəkatın qərarverici hər hansı bir orqanı tərəfindən səlahiyyətləndirilməyibsə, başqa heç bir hüquqa sahib deyil.

  • Ramin Hacılı[1]
  • Vüsal Əhədzadə
  • Namaz Sarıyev
  • Emin Hüseynov
  • Elçin Məmmədov
  • Zinəddin Babayev
  • Anar Rəhbərli
  • Azad Heydərli
  • Fərid Məhərrəmov
  • Ramin Seyidəliyev

İstinadlar[redaktə | əsas redaktə]

  1. "Şərif Ağayara "Rafiq Tağı mükafatı" verildi" (az). kulis.lent.az. 23.11.2015. http://kulis.lent.az/news/13903. İstifadə tarixi: 2015-11-23.

Xarici keçidlər[redaktə | əsas redaktə]