Dalmatiya krallığı

Dalmatiya krallığı
Bayraq Gerb
Dalmatsiya bənövşəyi rənglə göstərilib
Paytaxtı və ən böyük şəhəri	Zadar
Rəsmi dilləri	Xorvat dili, italyanca, almanca
İdarəetmə forması	Konstitusiyalı monarxiya
Tarixi
• Yaranması	1815
• Süqutu	1918
Ərazisi
• Ümumi	12.831 km²
1910	12,831 km2 (4,954 kv. mil)
Əhalisi
• 1910	645.666
Valyutası	avstriya quldeni
Sələfi Xələfi İlliriya əyalətləri Slovenlər, Xorvatlar və Serblər dövləti İtaliya Krallığı

Dalmatsiya krallığı — Habsburq monarxiyasının hakimiyyəti altında 1815-ci ildən 1918-ci ilə qədər mövcud olan vassal krallıq. Krallığın paytaxtı Zadar şəhəri idi.

Tarixi

Dalmatsiya krallığı 1815-ci ildə Fransız İmperiyasının İlliriya əyalətlərinin bir hissəsindən meydana gəldi, həmən ərazilər Habsburqlara Vyana konqresinin şərtləri altında qaytarılmışdır. Krallıq 1918-ci ilə qədər Avstriya-Macarıstanın ayrı inzibati vahidi olaraq mövcudluğunu davam etdirirdi, ondan sonra Dalmatsiyanın bir çox ərazisi (Zadar və Lastovo istisna olmaqla) Serblər, Xorvatlar və Slovenlər krallığının (daha sonra Yuqoslaviya krallığının) bir hissəsinə çevrildi.

Dini

Roma Katolik Baş yepiskopu Zadarda yerləşirdi, Kotor, Hvar, Dubrovnik, Şibenik və Split şəhərlərində isə yeparxiyalar var idi. Pravoslav kilsəsinin başında Zadar yepiskopu dururdu.

Slavyan-Katolik ayinlərində qlaqolitsa əlifbasının istifadəsi Dalmatsiya və Xorvatiyadakı katolik kilsəsinin çox qədim imtiyazı idi. 20-ci əsrin ilk onilliklərində bu ayinlər çox mübahisələrə səbəb olurdu. Slavyan ənənələrinin çox güclü olduğu, xüsusilə də şimal adaları və kənd icmalarında latın ayinlərinin tamamilə qlaqolik ayinləri ilə əvəzlənməsi böyük narahatçılıq doğururdu. 1904-cü ildə Vatikan qlaqolik ayinini qadağan etdi. Bir neçə il sonra Zadar Baş yepiskopu Romanın qlaqolik əlifbasını əvəz etmək cəhdlərini pisləmişdi.

Həmçinin bax

• Dalmasiya
• Raquza respublikası
• Xorvatiya və Slavoniya krallığı

Xarici keçidlər

• German protectorat
• Map