Daməd İmanov

Vikipediya, açıq ensiklopediya
Jump to navigation Jump to search
Daməd İmanov
Daməd Bahadur oğlu İmanov
Daməd İmanov.jpg
bayraq"Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin birinci müavinin müşaviribayraq
1 yanvar 2017 — indi

Təhsili Azərbaycan Dövlət Dəniz Akademiyası - "Gəmiçilik və gəmilərin hərəkətinin idarə edilməsi"(2010-da bitirib), Mahaçqala İdarəetmə və Biznes İnstitutu (1999-da bitirib)
Doğum tarixi 15 aprel 1959 (1959-04-15) (60 yaş)
Doğum yeri Flag of the Soviet Union.svg SSRİ Flag of the Azerbaijan Soviet Socialist Republic.svg Azərbaycan SSR, Füzuli rayonu, Horadiz
Atası Bahadur İmanov

Təltifləri

"Tərəqqi" medalı

Gəmiçilik sahəsində xidmətlərə görə medalı - lent.png
İmza

Daməd İmanovAzərbaycan Xəzər Dəniz Gəmiçiliyi kollektivinin üzvü və "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin birinci müavinin müşaviri, uzaq səfərlər kapitanı,[1]

Həyatı[redaktə | əsas redaktə]

İmanov Daməd Bahadur oğlu 1959-cu ildə Füzuli rayonu Horadiz kəndində anadan olub. 1976-cı ildə Bakı Politexnik texnikumunun qiyabi şöbəsinə qəbul olur və eyni zamanda Horadiz qəsəbəsində "RTS"-də çilingər kimi əmək fəaliyyətinə başlayır.

1979-cu ildə hərbi xidmətini bitirdikdən sonra Xəzər Dəniz Neft Donanması idarəsində, matros köməkçisi, II dərəcəli matros, I dərəcəli matrosbaş matros-bosman vəzifələrində işləyir.

1986-cı ildə Bakı şəhəri Qafur Məmmədov adına dənizçilik məktəbinin gəmi sürücüsü fakultəsini bitirib, kapitanın III- köməkçisi vəzifəsinə təyin edilir. Az sonra kapitanın II- köməkçisi və baş köməkçisi vəzifəsinə keçir.

1988-ci ildə XDND idarəsində Kapitan diplomu alıb və Gəmi kapitanı vəzifəsində çalışır.

1996-cı ildə yaxşı işinə görə XDND idarəsində şöbə rəisi vəzifəsinə təyin edilir. Həmin XDND rəisinin "Dənizdə təhlükəsiz üzmə" üzrə müavini vəzifəsinə keçirilir.

1999-cu ildə Mahaçqala şəhərində İdarəetmə və Biznes İnstitutunu bitirib, yenə kapitan vəzifəsinə qayıdır və XDND idarəsinin "Kür" Gəmi kapitanı işini davam etdirir.

2006-cı ildə Azərbaycan Dövlət Dəniz Akademiyasının "Gəmiçilik və gəmilərin hərəkətinin idarə edilməsi" fakultəsinə qəbul olmuş və 2010-cu ildə Azərbaycan Dövlət Dəniz Akademiyasını bitirmişdir.

2007-ci ildən 2014-cü ilə kimi Azərbaycan Respublikası Dövlət Neft Şirkəti, Xəzər Dəniz Neft Donanmasının Abşeron rayon Dəniz Neft Donanma İdarəsi rəisi vəzifəsində işləmişdir. İşlədiyi vaxt ərzində kollektiv arasında böyük hörmət və rəğbət qazanmışdır.[2] YAP Pirallahı Rayon Təşkilatının sədr müavini.[3]

2014-cü ildə Azərbaycan Xəzər Dəniz Gəmiçiliyi QSC-nin Təhlükəsiz üzmə departamenti üzrə rəis müavini, 2016-cı ildən isə Azərbaycan Xəzər Dəniz Gəmiçiliyi QSC-nin Xəzər Dəniz Neft Donanması rəisinin birinci müavi vəzifəsinə təyin olunmuşdur.

2017-ci ilin yanvar ayından Azərbaycan Xəzər Dəniz Gəmiçiliyi QSC sədrinin 1-ci müavinin müşaviridir.

Ailəsi[redaktə | əsas redaktə]

General Bəşir İmanovun əmisi nəvəsidir.

Mükafatları, təltifləri və fəxri adları[redaktə | əsas redaktə]

Azərbaycan Xəzər Dəniz Gəmiçiliyi QSC-nin sədri Rauf Vəliyev Azərbaycan Respublikası Prezidentinin Sərəncamı ilə Azərbaycanda dəniz nəqliyyatının inkişafında xidmətlərinə görə "Tərəqqi" medalı ilə təltif edilmiş Daməd İmanovu təbrik edib, mükafatı təqdim edərkən çəkilən fotoşəkil.
  • 2010-cu ildə Azərbaycan Kütləvi İnformasiya Vasitələri İşçiləri Həmkarlar İttifaqı Rəyasət Heyətinin Qərarı ilə "İnam şərəf" diplomuna layiq görülmüşdür.
  • 2011-ci ildə isə H.Z.Tağıyev adına Xeyriyyə Cəmiyyəti 20№li Sərəncam ilə diplom və ordenə layiq görülmüşdür.
  • 2013-cü ildə "Azərbaycan Dünyası" beynəlxalq jurnal və Dədə Qorqud Ali Şurası Qərarıyla Qızıl Ürək Ordeninə layiq görülmüşdür.[4]
  • 2016-cı il 25 iyun tarixində səmərəli əmək fəaliyyətinə görə və "DƏNİZÇİ GÜNÜ" peşə bayramı münasibətilə "DONANMANIN FƏXRİ İŞÇİSİ" döş nişanı ilə təltif olunmuşdur.[5]
  • 2017-ci il 23 iyun tarixində Azərbaycan Respublikası Prezidentinin Sərəncamı ilə Azərbaycanda dəniz nəqliyyatının inkişafında xidmətlərinə görə "Tərəqqi" medalı ilə təltif edilmişdir.[6]
  • 2018-ci il 20 oktyabr tarixində Azərbaycan Respublikası Prezidentinin Sərəncamı ilə Azərbaycan Xəzər Dəniz Gəmiçiliyinin 160 illik yubileyi münasibətilə "Gəmiçilik sahəsində xidmətlərə görə" medalı ilə təltif edilmişdir.[7]

Mənbə[redaktə | əsas redaktə]

  • Ərşad Namazalı. HORADİZ, SƏNİ UNUTMADIM... "Müəllim" nəşriyyatı, Bakı: 2012, 410 səhifə.[8]

İstinadlar[redaktə | əsas redaktə]

Xarici keçidlər[redaktə | əsas redaktə]