Daniel Hopfer

Daniel Hopfer
Daniel Hopfer
Doğum tarixi	1470[…]
Doğum yeri	Kaufboyren, Şvabiya dairəsi, Bavariya;
Vəfat tarixi	1536[…] (65–66 yaşında)
Vəfat yeri	Auqsburq, Şvabiya dairəsi, Bavariya;
Fəaliyyəti	qravüraçı, rəssam, qrafika ustası[d], mis qravüraçısı[d], boyakar[d], vizual incəsənət rəssamı
	Vikianbarda əlaqəli mediafayllar

Daniel Hopfer (alm. Daniel Hopfer‎, soyadının digər yazılışı — Hopffer və Hopper; 1470^[1]^[2]^[…], Kaufboyren, Şvabiya dairəsi^[3] – 1536^[1]^[2]^[…], Auqsburq^[3]) — Şimali İntibah dövrünün alman rəssamı, qravürçü və silahçı. Kleynmeyster. Ofort texnikasını ilk istifadə edənlərdən biridir. Çox sayda ksiloqrafiyanın müəllifidir.

Bioqrafiyası

Rəssam Bartolomey Hopfer və Anna Sendlerin ailəsində 1470-ci ildə anadan olmuşdur. 23 yaşında Auqsburqa köçmüşdür. 1497-ci ildə Kristina Grimm ilə evlənmişdir. Silahların bəzədilməsi ilə məşğul olan Hopfer, rəssamların və nişançıların da daxil olduğu Auqsburq dəmirçilər gildiyasının komitəsinin üzvü olmuşdur. 1590-cı ildə imperator II Rudolfun Daniel Hopferin nəvəsi Qeorqa göndərdiyi məktubun mətnində, Daniel Hopfer nadir üsulun ixtiraçısı olaraq tanındığı yazılmışdır.

Əsərləri

Daniel Hopfer tərəfindən 230-dan çox qravür məlumdur. Onların süjetləri müxtəlifdir — ortaq və hörmətli insanların portretləri, mif və folklor, əsgər fiqurları (alm. Landsknecht‎), dini süjetlər. Hopferin işləri həyatı boyu tanındı və kolleksiyası yaradıldı. 17-ci əsrdə kitab satıcısı və Hopferin uzaq qohumu Dafid Funk, oymaları ilə 230 lövhə almışdır və "Operae Hopferianae" adı ilə nəşr etmişdir.