Darab mirzə Qovanlı-Qacar

Vikipediya, azad ensiklopediya
Naviqasiyaya keçin Axtarışa keçin
Darab mirzə Qovanlı-Qacar
Şəxsi məlumatlar
Digər adı Şahrux Darab Mirzə
Doğum tarixi 9 may 1869(1869-05-09)
Doğum yeri
Vəfat tarixi 1930
Vəfat yeri
Atası Şahrux mirzə Qovanlı-Qacar
Hərbi fəaliyyəti
Xidmət illəri 1889-1917
Rütbəsi polkovnik
Döyüşlər I Dünya Müharibəsi
Təltifləri III dərəcəli Müqəddəs Stanislav ordeni III dərəcəli "Müqəddəs Anna" ordeni — 06.05.1908 II dərəcəli "Müqəddəs Anna" ordeniGeorgi silahı

Darab mirzə Şahrux mirzə oğlu Qovanlı-Qacar (9 may 1869, Şuşa1930, Tehran) — Çar ordusunun polkovniki, Bəhmən mirzə Qovanlı-Qacarin nəvəsi.

Xidmətdə olduğu illərdə "Müqəddəs Stanislav" ordeni, "Müqəddəs Anna" ordeni, "Şiri-Xurşid" ordeniI Dünya Müharibəsində göstərdiyi şücaətə görə Georgi silahı ilə təltif edilib.

Həyatı[redaktə | mənbəni redaktə et]

Darab Mirzə Şahrux Mirzə oğlu 9 may 1869-cu ildə Şuşa şəhərində andan olub[1]. Bəzi mənbələrdə onun doğum tarixi 15 dekabr 1868-ci il, 9 mart 1869-cu il kimi də göstərilir[2]. İbtidai təhsilini evdə aldıqdan sonra Tiflis kadet korpusunda oxuyub. Sonra Pavlov Hərbi məktəbində təhsilini davam etdirərək buranı I dərəcə ilə bitirib. Bundan başqa Atıcı zabit məktəbinin kazak bölməsində təhsil alıb[2].

Hərbi xidməti[redaktə | mənbəni redaktə et]

1889-cu il sentyabr 1-dən etibarən sıravi yunker kimi xidmətə başlayıb. 1890-cı il mayın 5-də unter zabit rütbəsi alıb. Məktəbi bitirdikdən sonra 1891-ci il avqustun 5-də xorunji rütbəsi alaraq, Kuban kazak ordusunun I Poltava atlı alayına təyinat alır. 1891-ci il sentyabr 12-də alayda xidmətə başlayır. 1894-cü ilə qədər burada müxtəlif vəzifələrə təyinat alaraq müxtəlif yüzlüklərdə xidmətini davam etdirir[2].

1895-ci il iyunun 1-də yüzbaşı rütbəsini alır. 1895-ci ilin oktyabr 15-də Kuban kazak ordusunun II Poltava atlı alayına təyinat alır. Xidməti yerinə gələrək burada VI yüzlükdə kiçik zabit kimi xidmətə başlayır. 1987-ci il sentyabrın 13-də alayın I yüzlüyünə kiçik zabit kimi təyinat alır. 1898-ci il avqustun 12-də təhsil almaq üçün Atıcı zabit məktəbinin kazak bölməsinə göndərilib. 1899-cu il avqustun 28-də təhsilini tamamlayır[2].

1900-cü il sentyabrın 23-də ona verilmiş "Şiri-Xurşid" ordenini qəbul etməyinə və taxmağına icazə verilib[3]. Bundan başqa o, "İmperator III Aleksandrın hakimiyyətinin xatirəsinə" medalı və "Əhalinin ilk ümumi siyahıyalınmasında göstərdiyi əməyə görə" medalı ilə də təltif edilib. 1901-ci il yanvarın 23-də üçüncü dərəcəli "Müqəddəs Stanislav" ordeni ilə təltif edilib[4].

1901-ci il dekabrın 1-də alayın silah rəisi təyin edilir[3]. 1903-cü il mayın 10-da alayın IV yüzlüyünə komandir təyin edilir. 1903-cü il iyunun 1-də podyasavul rütbəsi alır. 1903-cü il iyunun 9-dan sentyabrın 11-ə qədər İranla sərhəddə Culfa dəstəsində xidmət edib[3]. 1904-cü il mayın 29-dan 1905-ci il martın 5-ə qədər Kuban kazak ordusunun II Poltava atlı alayının II yüzlüyünə komandirlik edib. 1905-ci il oktyabr 12-də Kuban kazak ordusunun I Poltava atlı alayına təyinat alıb[5].

1908-ci il mayın 6-da üçüncü dərəcəli "Müqəddəs Anna" ordeni ilə təltif edilib[4].

1909-cü il mayın 6-da yasavul rütbəsinə yüksəlib. 1909-cu il iyunun 10-da Kuban kazaklarının I Labinski General Zass alayına təyinat alıb. 1910-cu il mayın 15-də isə buradakı xidmətindən azad edilib[5].

Daha sonra yenidən xidmətə qayıdaraq 1911-ci il martın 4-də yasavul rütbəsində olan Darab Mirzə xətt kazaklarının I Kuban alayının V yüzlüyünə komandir təyin edilir[5].

I Dünya Müharibəsində[redaktə | mənbəni redaktə et]

Birinci Dünya müharibəsində xətt kazaklarının I Kuban alayının V yüzlüyünün komandiri kimi iştirak edib[6]. 1914-cü il avqustun 4-də Qorodok yaşayış məntəqəsi ətrafında gedən döyüşdə qəhrəmanlıq göstərərək onları mühasirəyə almağa çalışan avstriyalıların 3 eskadronuna qarşı 109 nəfərlə hücum edib[6]. Əks tərəfin sayı onlardan qat-qat çox olsa da, artilleriya atəşinin altında avstriyalıların 3 eskadronu məhv edilib və döyüşün gedişatı dəyişdirilib[7][8]. Bu döyüşdə Darab Mirzə qılınc yarası və kontuziya alıb[9].

1915-ci il aprelin 2-də qoşun starşinası rütbəsi alıb. 1915-ci il iyulun 7-də Qafqaz cəbhəsində fəaliyyət göstərən Kuban Kazak ordusunun III xətt alayına təyinat alıb. 1916-cı il iyunun 12-də düşmənə qarşı işlərdə fərqləndiyinə görə 435 nömrəli əmrlə III dərəcəli "Müqəddəs Stanislav" ordeninin qılınc və bantları ilə təltif edilib. 1916-cı il noyabrın 19-da düşmənə qarşı işlərdə fərqləndiyinə görə II dərəcəli "Müqəddəs Anna" ordeni (qılınclarla birlikdə) ilə təltif edilib. 1917-ci il fevralın 23-də Kuban Kazak ordusuna xidmətə göndərilib[10].

1917-ci il oktyabrın 5-də ordu və donanmanın əmri ilə polkovnik rütbəsi alıb[10].

Sonrakı illəri[redaktə | mənbəni redaktə et]

Darab mirzə Əhməd şah Qacarın dəvəti ilə İrana gedib. 1925-ci ildə Qacar sülaləsinin süqutundan sonra hakimiyyətə gələn Rza şah Pəhləvi Darab Mirzəni öz hakimiyyətinə təhlükə gördüyü üçün həbs etdirib. 1930-cu ildə Tehranda həbsxanada saxlanılan o, çətin saxlanılma şəraitinə görə dünyasını dəyişib. Yaxınlarının dediklərinə görə isə o, həbsxanada öldürülüb[10].

Mükafatları[redaktə | mənbəni redaktə et]

  • — "Əhalinin ilk ümumi siyahıyalınmasında göstərdiyi əməyə görə" medalı ilə təltif edilib[4].
  • — 1900-cü il sentyabrın 23-də III dərəcəli "Şiri-Xurşid" ordeni il təltif edilib[4].
  • — 1901-ci il yanvarın 23-də üçüncü dərəcəli Müqəddəs Stanislav ordeni (qılınclarla və bantla birlikdə) ilə təltif edilib[10].
  • — "İmperator III Aleksandrın hakimiyyətinin xatirəsinə" medalı[4].
  • — 1908-ci il mayın 6-da üçüncü dərəcəli Müqəddəs Anna ordeni ilə təltif edilib.
  • — 1914-cü il oktyabrın 11-də döyüşdə göstərdiyi şücaətə görə ali hərbi mükafat — Georgi silahı ilə təltif edilib[11].
  • — 1916-cı il noyabrın 19-da ikinci dərəcəli Müqəddəs Anna ordeni (qılınclarla birlikdə) ilə təltif edilib.

Ailəsi[redaktə | mənbəni redaktə et]

Atası Şahrux mirzə Qovanlı-Qacar Azərbaycanın hakimi və taxt-tacın varisi Bəhmən mirzə Qovanlı-Qacarın oğlu və çar odrusunun polkovniki olub[12].

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Ənvər Çingizoğlu. Qacarlar və Qacar kəndi. Bakı: Şuşa. 2008. səh. 334.
  2. 2,0 2,1 2,2 2,3 Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 284. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.
  3. 3,0 3,1 3,2 Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 285. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.
  4. 4,0 4,1 4,2 4,3 4,4 "Шах-Рух-Дараб-Мирза" (rus). ria1914.info. 2019-06-25 tarixində arxivləşdirilib. İstifadə tarixi: 2022-12-12.
  5. 5,0 5,1 5,2 Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 286. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.
  6. 6,0 6,1 Elmi redaktor:Fərhad Cabbarov. Azərbaycanın Birinci dünya müharibəsi dövründə. Elmi məqalələr toplusu (PDF). Bakı: Ziya. 2014. səh. 61. 2022-06-19 tarixində arxivləşdirilib (PDF). İstifadə tarixi: 2022-12-13.
  7. Кавалеристы в мемуарах современников, 1900-1920 / Атака 1-го линейного полка Кубанского казачьего войска в боях под гор. Чертков 22/9 и Бучач 23/10 августа 1914 г. и гибель 1-й австро- венгерской батареи 7 конно-артиллерийского дивизиона. Moskva: Рейттаръ. 2000. səh. 45. ISBN 9785806700293. 2022-12-13 tarixində arxivləşdirilib. İstifadə tarixi: 2022-12-13.
  8. Eldar İsmayılov. Георгиевские кавалеры-азербайджанцы. Moskva: Герои отечества. 2005. səh. 57. ISBN 5-91017-005-8. 2022-12-13 tarixində arxivləşdirilib. İstifadə tarixi: 2022-12-13.
  9. "Шах-Рух Дараб-Мирза / Ранен/контужен. Картотека потерь" (rus). gwar.mil.ru. Archived from the original on 2022-12-12. İstifadə tarixi: 2022-12-12.
  10. 10,0 10,1 10,2 10,3 Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 288. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.
  11. Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 89. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.
  12. Eldar İsmayılov. Персидские принцы из дома Каджаров в Российской империи. Moskva: Старая Басманная. 2009. səh. 122. ISBN 978-5-904043-06-3. 2022-12-12 tarixində arxivləşdirilib. İstifadə tarixi: 2022-12-12.