Daryarpaq mahmızlalә

Vikipediya, açıq ensiklopediya
Jump to navigation Jump to search

Corydalis angustifolia (M. B.) D.C.- Hündürlüyü 10-15 (20) sm, gövdəsi sadə və ya nazik tək budaqlı çoxillik ot bitkisidir. Kök yumruları kiçikdir, diametri 7-15 mm olub, şarşəkillidir, bərkdir və boz-qonur rəngdədir [1].

Yarpaq[redaktə | əsas redaktə]

Yarpaqlarının sayı 2 ədəddir, kifayət qədər uzun saplaq üzərində yerləşmişdir, uzunsov-xətvari dilimləri olan, ikiqat üçərdir.

Çiçək[redaktə | əsas redaktə]

Çiçəkləri qısa, seyrək, azçiçəkli salxımda toplanmışdır. Çiçəkaltlığı üç bölümlüdür. Çiçək tacı ağ və ya tutqun-sarı rəngdədir, uzunluğu 20-23 mm-dir; mahmızları kifayət qədər nazikdir, düz və kütdür.

Meyvə[redaktə | əsas redaktə]

Qutucuq xətvaridir, uzunluğu 25 mm-ə qədərdir, 2-3 dəfə çiçək saplağından uzundur.

Çiçəkləməsi[redaktə | əsas redaktə]

Aprel

Meyvə verməsi[redaktə | əsas redaktə]

May

Azərbaycanda yayılması[redaktə | əsas redaktə]

[Böyük Qafqaz] (Quba nadir halda), Kiçik Qafqaz şimal, Kiçik Qafqaz mərkəzi, Lənkəran dağ. Aşağı və orta dağ qurşaqlarında.

Yaşayış mühiti[redaktə | əsas redaktə]

Meşələrdə, meşə kənarında və kolluqlarda rast gəlinir.

Mənbə[redaktə | əsas redaktə]

  1. Eldar Şükürov.İsmayıllı rayonu meşə bitkilərinin bələdçi kitabı,Bakı 2016