Demokratiyanın nəbzi

Vikipediya, azad ensiklopediya
Jump to navigation Jump to search
Demokratiyanın nəbzi
ukr. Пульс Демократии
DemoPlusloqo.jpg
Növü beynəlxalq ictimai təşkilat
Yaranma tarixi 2005
Qeydiyyat tarixi 26 dekabr, 2005
Mərkəzi Kiyev, Ukrayna
Sədri Hikmət Cavadov
demopulse.org

Tarixi[redaktə | əsas redaktə]

"Demokratiyanın nəbzi" beynəlxalq ictimai təşkilatının əsası 2005-ci ildə Azərbaycanın və Ukraynanın ictimai liderləri tərəfindən qoyulub (qeydiyyat şəhadətnaməsinin tarixi və nömrəsi: 26.12.2005; N=2367). Yarandığı gündən bu beynəlxalq ictimai təşkilatın sədri hüquq elmləri namizədi Hikmət Cavadovdur.

Mövcud olduğu illər ərzində təşkilat Ukraynada və Azərbaycanda vətəndaş cəmiyyətinin inkişaf etdirilməsi üçün bir sıra iri miqyaslı tədbirlər həyata keçirmiş, o cümlədən 2005-ci ildə Gənclərin Ukrayna-Azərbaycan Beynəlxalq Forumunu təşkil etmişdir.

Artıq bir neçə ildir ki, Kiyevdə "Demokratiyanın nəbzi" beynəlxalq ictimai təşkilatının dəstəyi ilə Azərbaycan yay məktəbi fəaliyyət göstərir. Məktəbdə dərslər mütəmadi olaraq bütün dərs ili boyunca bazar günləri keçirilir. Məktəbə təkcə azərbaycanlılar deyil, Azərbaycan dilini öyrənmək istəyən, Azərbaycanın mədəniyyəti, tarixi, adət-ənənələri ilə maraqlanan ukraynalılar da təşrif buyurur. Məktəbdə dərsləri Azərbaycan və rus dillərini mükəmməl bilən azərbaycanlılar tədris edirlər.

"Demokratiyanın nəbzi" beynəlxalq ictimai təşkilatı həm də ilk sayı 2010-cu ilin sentyabrında Kiyevdə işıq üzü görən "Azərbaycanın sözü" qəzetinin (kütləvi informasiya vasitəsi olan çap mətbuatının dövlət qeydiyyatına alınması haqqında şəhadətnamə, seriya KU, N=552-190P, 12.07.2010) təsisçisidir. Bu təşkilatın və "Tori" vəkil firmasının səyi ilə Azərbaycan-Ukrayna hüquq klinikası olan "Ədalət" yaradılmışdır. Hüquq klinikası aşağıdakı istiqamətlər üzrə Ukraynadakı azərbaycanlı soydaşlara pulsuz hüquqi kömək göstərir: hüququn bütün sahələrinə dair məsləhətlərin verilməsi, sənədlərin tərtib edilməsi, məhkəmələrdə, hüquq mühafizə və dövlət orqanlarında maraqların təmsil olunması.

"Demokratiyanın nəbzi" beynəlxalq ictimai təşkilatının komandası Ukraynanın və Azərbaycanın peşəkar hüquqşünaslarından, politoloqlarından, jurnalistlərindən və iqtisadçılarından təşkil olunmuşdur. Təşkilat digər ictimai təşkilatlar, dövlət orqanları və ayrı-ayrı gənc liderlərlə əməkdaşlığa tam açıqdır. Təşkilatın əsas məqsədlərindən biri Ukrayna və Azərbaycan ictimaiyyətləri arasında açıq dialoqun qurulmasına yardımçı olmaqdır.