Dettmar Kramer

Dettmar Kramer
Dettmar Kramer
	alm. Dettmar Cramer‎
Ümumi məlumatlar
Doğum tarixi	4 aprel 1925
Doğum yeri	Dortmund, Arnsberq[d], Almaniya;
Vəfat tarixi	17 sentyabr 2015 (90 yaşında)
Vəfat yeri	Rayt-im-Vinkl[d], Bavariya, Almaniya;
Vətəndaşlığı	Almaniya;
Boyu	161 sm
Çəkisi	53 kq
Karyerası
Məşqçisi olduğu klublar
1960–1963	Yaponiya (köməkçi)
1964–1966	AFR (köməkçi)
1971–1974	Misir
1974	ABŞ
1974	Herta
1975–1976	Bayern Münhen
1977–1978	Ayntraxt Frankfurt
1978–1981	Əl-İttihad
1981–1982	Aris Saloniki
1982–1985	Bayer 04
1984–1985	Malayziya
1991–1992	Cənubi Koreya U-23 (köməkçi)
1997	Tailand
	Vikianbarda əlaqəli mediafayllar

Dettmar Kramer (alm. Dettmar Cramer‎; 4 aprel 1925, Dortmund, Arnsberq^[d] – 17 sentyabr 2015^[1], Rayt-im-Vinkl^[d], Bavariya) – alman futbol məşqçisi. 1975 və 1976-cı illərdə "Bayern Münhen" klubunun baş məşqçisi kimi iki dəfə UEFA Çempionlar Kubokunun qalibi olmuşdur. 1960-cı illərdə Yaponiyada futbolun inkişafı üçün verdiyi töhfələrə görə "Yaponiya futbolunun atası" ləqəbini qazanmışdır.

Karyerası

Dettmar Kramer 4 aprel 1925-ci ildə Almaniyanın Dortmund şəhərində doğulmuşdur. O, məşqçilik karyerasına "Tevtoniya Lapştadt" klubunda başlamış, 1948-ci ildə Vestfaliya Futbol Assosiasiyasına qoşulmuşdur.^[2]

Kramer 1960-cı ildə Yaponiya milli futbol komandasının məşqçisi olmağa dəvət olunmuşdur. Onun Yaponiyadakı vəzifəsi milli komandanı 1964-cü ildə Tokio şəhərində keçiriləcək Yay Olimpiya Oyunlarına hazırlamaq idi.^[3] Olimpiya oyunlarında Yaponiyanın Argentina üzərində qazandığı qələbə onu Yaponiyada tanınmış şəxsə çevirmişdir.^[2] Kramer Yaponiyada futbolun inkişafı üçün çalışmış, yerli məşqçilər yetişdirmiş, aşağı yaş qruplarının təməlini atmışdır. Buna görə də "Yaponiya futbolunun atası" ləqəbini qazanmışdır. 1968-ci ildə Mexiko şəhərində keçirilmiş Yay Olimpiya Oyunlarında Yaponiya milli komandasının məsləhətçisi olmuş və komandanın bürünc medal qazanmasında rol oynamışdır. O, 1969-cu ildə Çibada keçirilmiş 1-ci FİFA Məşqçilik Məktəbinin müəllimi, 1988-ci ildə İbarakidə keçirilmiş FİFA/Coca-Cola Dünya Gənclik Akademiyasının təlimçisi olmuşdur.^[3]

Kramer Yaponiyadan qayıtdıqdan sonra Almaniya milli komandasının köməkçi məçqçisi kimi 1966-cı ildəki Dünya Kubokuna qatılmışdır.^[2] O, ölkəsində "Bayern Münhen" klubunun baş məşqçisi olmuş və klubla iki dəfə UEFA Çempionlar Kubokunun (1975 və 1976), bir dəfə Qitələrarası kubokun (1976) qalibi olmuşdur.^[2] Səudiyyə Ərəbistanı, Cənubi Koreya, Yunanıstan kimi ölkələrin komandalarını çalışdırmışdır.^[3]

Mükafatları

1971-ci ildə Yaponiyanın III dərəcəli "Müqəddəs xəzinə" ordeni ilə, 1996-cı ildə Yaponiya Futbol Assosiasiyasının 75 illik Xüsusi Uğur Mükafatı ilə təltif olunmuşdur.^[3]

Uğurları

Bayern Münhen

Çempionlar Kuboku: 1974–75, 1975–76
Qitələrarası kubok: 1976

Fərdi

France Football: Bütün dövlərin 40-cı ən yaxşı futbol məşqçisi: 2019^[4]

İstinadlar

1 2 Bayern: elhunyt a sikerkovács, a német futball legendája (mac.). nemzetisport.hu.
1 2 3 4 "Bundesliga mourns Dettmar Cramer". Bundesliga (ingiliscə). 4 may 2016 tarixində arxivləşdirilib. İstifadə tarixi: 5 may 2023.
1 2 3 4 "Dettmar CRAMER (JFA Hall of Fame)". Yaponiya Futbol Assosiasiyası (ingiliscə). 5 iyul 2022 tarixində arxivləşdirilib. İstifadə tarixi: 4 may 2023.
↑ "Top 50 des coaches de l'histoire". France Football. 19 mart 2019. 31 mart 2019 tarixində arxivləşdirilib. İstifadə tarixi: 5 may 2023.

Xarici keçidlər

Dettmar Kramer "Ayntraxt Frankfurt" klubunun saytında

[_3d7e50ce18951d15-1] 1 2 Bayern: elhunyt a sikerkovács, a német futball legendája (mac.). nemzetisport.hu.

[bundes-2] 1 2 3 4 "Bundesliga mourns Dettmar Cramer". Bundesliga (ingiliscə). 4 may 2016 tarixində arxivləşdirilib. İstifadə tarixi: 5 may 2023.

[jfa-3] 1 2 3 4 "Dettmar CRAMER (JFA Hall of Fame)". Yaponiya Futbol Assosiasiyası (ingiliscə). 5 iyul 2022 tarixində arxivləşdirilib. İstifadə tarixi: 4 may 2023.

[Top6FF-4] "Top 50 des coaches de l'histoire". France Football. 19 mart 2019. 31 mart 2019 tarixində arxivləşdirilib. İstifadə tarixi: 5 may 2023.

[1]

[2]

[3]

[4]