Devid Boui

Vikipediya, açıq ensiklopediya
Keçid et: naviqasiya, axtar
Devid Boui
Boui Çilidəki Rok Festivalında
Boui Çilidəki Rok Festivalında
Ümumi məlumatları
Tam adı Devid Robert Cons
Doğum adı David Robert Jones
Doğum tarixi 8 yanvar 1947
Brikston, Lambet, London, Böyük Britaniya
Vəfatı 10 yanvar 2016 (69 yaşında)
Nyu-York, Amerika Birləşmiş Ştatları
Mənşə Flag of the United Kingdom.svg Böyük Britaniya
Üslublar qlem rok, art rok, eksperimental rok, pop rok, psixodelik pop, soul, alternativ rok, avanqard jazz, embient, elektron musiqi, yeni dalğa
Peşələri Müğənni, bəstəkar, aktyor, rəssam, prodüser
Musiqi alətləri gitara, saksofon, klavişli
Səs tembri Bariton
Fəaliyyət illəri 1964 - 2016
Əlaqələri Tony Visconti, The Spiders from Mars, Tin Machine, Carlos Alomar, The Riot Squad, Arnold Corns, The Hype, Adrian Belew, Nine inch Nails, Lou Reed, Iggy Pop, Brian Eno, Queen, Mick Jagger, John Lennon, Mick Ronson, Mott the Hoople, Tina Törner
Albom şirkətləri RCA, EMI, Virgin Records, ISO, Columbia Records

Devid Boui (ing. David Bowie) [ˈboʊ.i] (əsl adı: Devid Robert Cons (ing. David Robert Jones); 8 yanvar 1947, Brikston, Lambet, London, İngiltərə10 yanvar 2016, Manhetten,Nyu-York, ABŞ) — "Qlam Rokun Kralı" ləqəbli ingilis müğənni, bəstəkar, aktyor və prodüser. Musiqidə 50 ildən çox olan uğurları sayəsində tarixdəki ən mühüm müğənnilərdən biri olub, bir çox müğənniyə nümunə olduğu kimi 140 milyon ətrafında satış ilə tarixdə ən çox satmış müğənnilərdən biri kimi göstərilir. Rolling Stones jurnalı tərəfindən tarixdəki ən yaxşı müğənnilərdən biri seçilən Boui, MTV və Blenderin sorğusunda da tarixdəki ən yaxşı 15 səsdən biri seçildi. Səs tipi baritondur.

Vətəni İngiltərədə «Space Oddity» mahnısı ilə diqqətə gəlib amma Amerikadakı çıxışı «Fame» mahnısı ilə olub. Bu ərəfələrdə «Life on Mars?», «Suffregette City», «Ziggy Stardust», «Heroes», «Oh! You Pretty Things», «Young Americans», «Starman», «Ashes to Ashes», «Sound and Vision» kimi məşhur mahnılar çıxartdı və təxmini bütün albomları musiqi kritiklərindən yüksək ballar topladı. Bu vaxtlar fərqli geyim tərzi, ağır səsi ilə diqqət çəkirdi. O karyerasının zirvəsinə kommersial baxımından 1983-cü ildə «Let's Dance» albomu ilə çıxdı. Bir müddət «Tin Machine» adlanan qrup qurdu ancaq uğursuz olduğundan təkrar solo olaraq karyerasına davam etdi. Bouinin ən mühüm dueti Queen qrupu ile olan "Under Pressure" hesab olunur.

Boui həmçinin kinokritiklər tərəfindən aktyorluqda ən uğurlu işlər görmüş musiqiçilərdən biri hesab olunur. Baskiyada «Endi Varxol» rolunda oynamasından əlavə «Aclıq» və «Prestij» filmlərindəki qısa rollarını belə yadda qalan bir şəkildə olduqca yaradıcı bir performansla canlandırmışdır.

Devid Boui iki dəfə evlənib. İlk evliliyindən Dunkan Cons adlı bir oğlu var və o rejissordur. İkinci və hal hazırda İman Əbdülməjid adlı maneken ilə evlidir. Onların Aleksandria Zəhra adlı bir qızları var.

O, 2003-cü ildə İngiltərə Kraliyəti tərəfindən ona təklif olunan ser titulunu geri çevirmişdir. Boui 2008-ci ildə ömürlük uğurlarına görə xüsüsi Qremmi mükafatı aldı.

Boui karyerası boyunca onlarca məşhur müğənniyə nümunə olmuş və üzərlərində təsir buraxmışdır. Bunlardan Madonna, Lady Gaga, Corc Maykl, Mott the Hople, Lou Rid, New York Dolls, The Sex Pistols, Geri Numan, Pulp bunlar arasındadır.

Boui 18 ay idi, xərçəng xəstəliyindən əziyyət çəkirdi. Buna baxmayaraq o, karyerasına davam edir və yeni mahnılar yazdırırdı. Son dəfə o, 8 yanvarda 69 yaşını qeyd etmiş və yeni "Blackstar" adlı albomunun təqdimatını keçirmişdir. Bundan 2 gün sonra 10 yanvar 2016-cı ildə ailəsinin yanında vəfat etdi.

İstinadlar[redaktə | əsas redaktə]