Deymon Albarn

Deymon Albarn
Albarn 2019-cu ildə
Ümumi məlumatlar
Doğum tarixi	23 mart 1968
Doğum yeri	London, İngiltərə
Vətəndaşlığı	Birləşmiş Krallıq  İslandiya
Uşağı	1
Musiqiçi məlumatları
Fəaliyyəti	gitaraçı, müğənni, musiqiçi, bəstəkar, mahnı müəllifi[d], müğənni-mahnı müəllifi[d]
Fəaliyyət illəri	1988–ci ildən
Janrlar	alternativ rok, indi-rok, brit-pop[d], Alternativ hip hop, dünya musiqisi[d], hip-hop, art-rok[d]
Musiqi alətləri	gitara, piano, skripka, elektron klaviatura[d], bas-gitara, zərb aləti maşını[d], sintezator, ukulele
Səs tembri	bariton
Albom şirkəti	Food SBK Virgin Parlophone XL Honest Jon's Warner Transgressive
Üzvlüyü	Blur Gorillaz
Mükafatları
damonalbarnmusic.com
Vikianbarda əlaqəli mediafayllar

Deymon Albarn (ing. Damon Albarn; 23 mart 1968, London) — İngilis-İsland musiqiçi, müğənni-bəstəkar, Blur və Gorillaz qrupunun üzvü.

Albarn Stenvey məktəbində təhsil aldı, orada gitaraçı Qrem Kokson ilə tanış olduqdan sonra Blur qrupunu yaratdı. Onlar 1991-ci ildə ildə ilk albomları buraxdılar. Albarn uzun müddət ABŞ-da qastrol səfərlərinə çıxdıqdan sonra onun musiqi yaradıcılığına 1960-cı illərin Britaniya qruplaından təsirləndi. Nəticədə Blur albomları Modern Life Is Rubbish (1993), Parklife (1994) və The Great Escape (1995) yarandı. Hər üçü tənqidi bəyənmə qazandı, bununla Blur Britaniyada kütləvi populyarlıq əldə etdi. Blur (1997), 13 (1999) və Think Tank (2003) kimi sonrakı albomlar lou-fay, art rok, elektronika musiqisindən təsirləri özündə cəmləşdirdi. Aradan keçən 12 il fasilədən sonra Blur-un studiya albomu olan The Magic Whip (2015) işıq üzü gördü.

Albarn 1998-ci ildə komiks rəssamı Ceymi Hyulett ilə virtual qrup Gorillaz-ı qurdu. Hip hop, dub, pop, trip hop musiqisindən ilham alan Gorillaz, 2001-ci ildə öz adını daşıyan ilk albomunu buraxaraq dünya miqyasında uğur qazandı. Albarn qrupun yeganə ardıcıl musiqi töhfəçisi olaraq qalır.